សេតវិមាន នឹងស្នើសុំថវិកាជាតិ ១០០ពាន់លានដុល្លារ សម្រាប់ជួយដល់អ៊ីស្រាអែល តៃវ៉ាន់ និងអ៊ុយក្រែន
វ៉ាស៊ីនតោន ៖ មន្ត្រីរដ្ឋបាលជាន់ខ្ពស់សហរដ្ឋអាមេរិក បានប្រាប់ CNN នៅថ្ងៃទី១៩ តុលា ២០២៣នេះថា ប្រធានាធិបតីអាមេរិក លោក…
វ៉ាស៊ីនតោន ៖ មន្ត្រីរដ្ឋបាលជាន់ខ្ពស់សហរដ្ឋអាមេរិក បានប្រាប់ CNN នៅថ្ងៃទី១៩ តុលា ២០២៣នេះថា ប្រធានាធិបតីអាមេរិក លោក ចូ បៃដិន គ្រោងនឹងស្នើសុំថវិកាជាតិប្រហែល ១០០ពាន់លានដុល្លារ នៅក្នុងសប្តាហ៍នេះ ដែលជាកញ្ចប់ជំនួយបន្ថែម រួមមាន ៖ ជំនួយចំនួន៤០ពាន់លានដុល្លារ សម្រាប់អ៊ីស្រាអែល តៃវ៉ាន់ និងសម្រាប់ព្រំដែនភាគខាងត្បូងសហរដ្ឋអាមេរិក និងប្រហែល ៦០ពាន់លានដុល្លារ ជាជំនួយសម្រាប់អ៊ុយក្រែន ។
លោក ចូ បៃដិន បាននិយាយផ្ទាល់នៅសប្តាហ៍នេះថា លោកមានគម្រោងស្នើឲ្យសមាជិកសភាអនុម័ត “កញ្ចប់ជំនួយ ដែលមិនធ្លាប់មានពីមុនមក សម្រាប់អ៊ីស្រាអែល” ។ សំណើសុំជំនួយដល់អ៊ីស្រាអែលនេះ កើតឡើងបន្ទាប់ពីលោក ចូ បៃដិន បានធ្វើដំណើរទៅកាន់ប្រទេសអ៊ីស្រាអែល ដើម្បីបង្ហាញនូវការគាំទ្រដ៏ខ្លាំងក្លាដល់សម្ព័ន្ធមិត្តរបស់សហរដ្ឋអាមេរិក ។
ទន្ទឹមនឹងនេះ ការផ្តល់កញ្ចប់ជំនួយបន្ថែម ដើម្បីជួយដល់អ៊ុយក្រែន ក្នុងសង្គ្រាមប្រឆាំងនឹងរុស្ស៊ី គឺជាអាទិភាពកំពូល សម្រាប់រដ្ឋបាលលោក ចូ បៃដិន មានជាយូរមកហើយ ៕
ចែករំលែកព័តមាននេះ