ខេត្តសៀមរាប ៖ បើតាមសេចក្តីរាយការណ៍បានឱ្យដឹងថា បុរសជាឪពុកម្នាក់បានបើកទូកស្មាច់នាំកូនប្រុសទៅកា.ប់អុសនៅកណ្តាលស្ទឹង ខណៈពេលកំពុងតែឡើងវ៉ាទូកស្មាច់មួយគ្រឿងមិនប្រយ័ត្ន ក៏ស្រាប់តែក្រឡាប់ធ្លាក់កូនប្រុសចូលទៅក្នុងទឹកបាត់តែម្ដង លុះពេលរកឃើញវិញ ជាអកុសលកូនប្រុសបានស្លា.ប់បា.ត់ប.ង់ជីវិតទៅហើយ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៧ព្រឹក ថ្ងៃទី១៨ ខែតុលា ឆ្នាំ២០២៣ នៅចំណុចអូតាងើយ ដែលមានចម្ងាយពីកន្លែងលិចទូក ទៅទិសខាងត្បូងប្រមាណ៣០០០ម៉ែត្រ ស្ថិតក្នុងភូមិឱម៉ាល់ ឃុំបួរ ស្រុកក្រឡាញ់ ខេត្តសៀមរាប។
បើតាមប្រភពពីសមត្ថកិច្ចមូលដ្ឋាន បានប្រាប់ឱ្យដឹងនៅរសៀលថ្ងៃទី១៩ ខែតុលា ឆ្នាំ២០២៣នេះថា ករណីក្មេងប្រុសធ្លាក់ពីលើទូកស្មាច់របស់ឪពុក រួចបាត់ខ្លួននៅកណ្តាលទឹកស្ទឹងនោះ រហូតដល់ម៉ោងជាង១១ព្រឹក ថ្ងៃទីទី១៩ ខែតុលា ឆ្នាំ២០២៣នេះ សមត្ថកិច្ចយើងក៏បានរកឃើញសា.កស.ពក្មេងប្រុសរងគ្រោះវិញហើយ។ សមត្ថកិច្ចបញ្ជាក់ថា ស.ពក្មេងប្រុសជនរងគ្រោះខាងលើនេះមានឈ្មោះ ចយ ចេង អាយុ៣ឆ្នាំ រស់នៅភូមិគោកគ្រូច ឃុំសំបួរ ស្រុកក្រឡាញ់ ខេត្តសៀមរាប។
ប្រភពដដែលបន្ថែមទៀតថា ហេតុការណ៍ខាងលើនេះ គឺមានប្រជាពលរដ្ឋរស់នៅភូមិគោកក្រូច និងភូមិឱម៉ាល់ បាននាំគ្នាជួយស្វែងរកក្មេងប្រុសរងគ្រោះកាលថ្ងៃទី១៨ ខែតុលា ឆ្នាំ២០២៣។ លុះរហូតថ្ងៃទី១៩ ខែតុលា ត្រូវបានប្រជាពលរដ្ឋម្នាក់ឈ្មោះឡឹម ពន្លក អាយុ៤៥ឆ្នាំ រស់នៅភូមិឱម៉ាល់ រកឃើញនៅត្រង់ចំណុចអូតាងើយ ដែលមានចម្ងាយពីកន្លែងលិចទូកនៅខាងក្រោមទឹក ទៅទិសខាងត្បូងប្រមាណ៣០០០មែត្រ ស្ថិតក្នុងភូមិឱម៉ាល់ ឃុំបួរ ស្រុកក្រឡាញ់ខេត្តសៀមរាប។
ប្រភពដដែលបន្តថា ហើយចំពោះមូលហេតុធ្វើឱ្យក្មេងប្រុសរងគ្រោះធ្លាក់ទឹកបាត់ខ្លួននោះ គឺដោយសារតែឪពុកឈ្មោះ ភឿត សិទ្ធ អាយុ៣០ឆ្នាំ រស់នៅភូមិគោកគ្រូច ឃុំសំបួរ ស្រុកក្រឡាញ់ ខេត្តសៀមរាប បានបើកទូកស្មាច់ដឹកកូនទៅកា.ប់អុស លុះមកដល់ចំណុចកើតហេតុ បុរសជាឪពុករូបនេះក៏បើកក្នុងល្បឿនលឿន ដើម្បីឡើងវ៉ាទូកស្មាច់ម្ខាងទៀត ក៏ស្រាប់តែត្រូវទឹករលកបោ.កមកខ្លាំងប៉ះជាមួយនឹងទូកស្មាច់នោះ បណ្តាលឱ្យធ្លាក់ក្មេងប្រុសរងគ្រោះចូលទៅក្នុងស្ទឹងបាត់តែម្តងទៅ។ ហើយបើតាមការការបញ្ជាក់ពីក្រុមគ្រួសារ គឺក្មេងប្រុសរងគ្រោះពិតជាស្លា.ប់ដោយសារលង់ទឹកពិតប្រាដកមែន។
បច្ចុប្បន្ន ស.ពក្មេងប្រុសរងគ្រោះ ត្រូវបានក្រុមគ្រួសារយកទៅធ្វើបុណ្យតាមប្រពៃណីនៅវត្ត «បត់ត្រង់» ស្ថិតក្នុងភូមិបត់ត្រង់ ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ រួចរាល់ហើយ៕
ចែករំលែកព័តមាននេះ