ចាប់ពីថ្ងៃទី១៩ រហូតថ្ងៃទី២១ ខែតុលា ឆ្នាំ២០២៣នេះ ប្រព័ន្ធសម្ពាធទាប (ITCZ) អូសបន្លាយកាត់ពីលើប្រទេសកម្ពុជាបានរលាយបាត់។ ខណៈនៅសមុទ្រចិនខាងត្បូង បានវិវដ្ដទៅជាព្យុះត្រូពិចទី១៦ មានឈ្មោះថា
រាជធានីភ្នំពេញ ៖ បើតាមក្រសួងធនធានទឹក និងឧតុនិយម បានប្រាប់ឱ្យដឹងថា ចាប់ពីថ្ងៃទី១៩ រហូតថ្ងៃទី២១ ខែតុលា ឆ្នាំ២០២៣នេះ ប្រព័ន្ធសម្ពាធទាប (ITCZ) អូសបន្លាយកាត់ពីលើប្រទេសកម្ពុជាបានរលាយបាត់។ ខណៈនៅសមុទ្រចិនខាងត្បូង បានវិវដ្ដទៅជាព្យុះត្រូពិចទី១៦ មានឈ្មោះថា «សាន់បា T2316 (SANBA)» និងរំកិលចូលទៅក្នុងឈូងសមុទ្រតុងកឹង ហើយព្យុះនេះពុំមានឥទ្ធិពលមកលើប្រទេសកម្ពុជានោះទេ។ ស្ថានភាពបែបនេះ នឹងធ្វើឱ្យនៅរាជធានីភ្នំពេញ និងតាមបណ្តាខេត្តនានា អាចនឹងមានភ្លៀងធ្លាក់លាយឡំផ្គរ និងរន្ទះផងដែរ។
បើយោងតាមសេចក្តីជូនដំណឹងអំពីស្ថានភាពអាកាសធាតុនៅព្រះរាជាណាចក្រកម្ពុជា ថ្ងៃទី១៨ ខែតុលា ឆ្នាំ២០២៣នេះ របស់ក្រសួងធនធានទឹក និងឧតុនិយម បានប្រាប់ឱ្យដឹងថា ប្រព័ន្ធសម្ពាធទាប (ITCZ) អូសបន្លាយកាត់ពីលើប្រទេសកម្ពុជា បានរលាយបាត់។ ខណៈវិសម្ពាធទាប (Tropical Depression) នៅលើសមុទ្រចិនខាងត្បូង បានវិវដ្ដទៅជាព្យុះត្រូពិចទី១៦ ដែលមានឈ្មោះថា «សាន់បា» T2316 (SANBA) និងរំកិលចូលទៅក្នុងឈូងសមុទ្រតុងកឹង ហើយព្យុះនេះ ពុំមានឥទ្ធិពលផ្ទាល់មកលើប្រទេសកម្ពុជានោះទេ។
ក្រសួងធនធានទឹក និងឧតុនិយម បានបន្តទៀតថា ស្ថានភាពបែបនេះនឹងធ្វើឱ្យចាប់ពីថ្ងៃទី១៩ រហូតដល់ថ្ងៃទី២១ ខែតុលា ឆ្នាំ២០២៣នេះ នៅរាជធានីភ្នំពេញ និងនៅតាមបណ្តាខេត្តនានាអាចនឹងមានភ្លៀងធ្លាក់នៅក្នុងកម្រិតចាប់ពីខ្សោយទៅមធ្យម ក្នុងនោះតំបន់ខ្លះក៏អាចនឹងមានភ្លៀងធ្លាក់បង្គួរ លាយឡំដោយផ្គរ និងរន្ទះ ជាមួយនឹងទំហំទឹកភ្លៀងធ្លាក់គ្របដណ្តប់លើផ្ទៃដីចាប់ពី ៤០% ទៅ ៥០%៕
ចែករំលែកព័តមាននេះ