ជនដៃដល់ដែលប្រើកាំបិ.តប៉័.ងតោចូលកា.ប់ទៅលើគូរកំណាន់ចិត្តដល់ក្នុងផ្ទះ នៅចំណុចបុរីពិភពថ្មីឈូកមាសកាលពី៣ថ្ងៃមុននោះ ពេលនេះត្រូវបាន
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ជនដៃដល់ដែលប្រើកាំបិ.តប៉័.ងតោចូលកា.ប់ទៅលើគូរកំណាន់ចិត្តដល់ក្នុងផ្ទះ នៅចំណុចបុរីពិភពថ្មីឈូកមាសកាលពី៣ថ្ងៃមុននោះ ពេលនេះត្រូវបានកម្លាំងនគរបាលខណ្ឌសែនសុខ សហការជាមួយនគរបាលព្រហ្មទណ្ឌក្រសួងមហាផ្ទៃ តាមឃាត់ខ្លួនបានហើយ កាលពីព្រឹកថ្ងៃទី១៨ ខែ តុលា ឆ្នាំ២០២៣នេះ ។
ការឃាត់ខ្លួនជនដៃដល់ខាងលើនេះ ត្រូវបានសមត្ថកិច្ចប្រាប់ឱ្យដឹងថា ជនដៃដល់ត្រូវចាប់ខ្លួនបាននៅម្តុំវត្ត «អង្គសាលា» ស្ថិតក្នុងភូមិអង្គសាលា ឃុំបាវិត ស្រុកចន្ទ្រា ខេត្តស្វាយរៀង ដោយមានការចូលរួមសហការពីនគរបាលខេត្តស្វាយរៀងផងដែរ។ ជនដៃដល់រូបនេះ មានឈ្មោះ បូ ផល្លី អាយុ៣២ឆ្នាំ មុខរបរកម្មករសំណង់ មានស្រុកកំណើតក្នុងភូមិកំបោរ ឃុំគោលាប់ ស្រុកចិត្របុរី ខេត្តក្រចេះ។
ទាក់ទិននឹងករណីខាងលើនេះ ត្រូវបាននគរបាល ប្រាប់ឱ្យដឹងថា គឺផ្តើមចេញពីរឿងប្រចណ្ឌ ហើយកន្លងមក ជនដៃដល់រូបនេះបានចោទប្រកាន់ថា «នារីរងគ្រោះដែលត្រូវជាសង្សាររបស់ខ្លួនលួ.ចមានទំនាក់ទំនងសង្សារច្រើន ហើយខ្លួនឆាតចូលពុំឆ្លើយតប ជាហេតុធ្វើហើយជនដៃដល់មានគំនុំ រួចរៀបចំគម្រោងកា.ប់សម្លា.ប់តែម្តង»។
គួរបញ្ជាក់ផងដែរថា រឿងរ៉ាវជនដៃដល់ដែលប្រើកាំបិ.តប៉័.ងតោចូលកា.ប់ទៅលើគូរកំណាន់ចិត្តដល់ក្នុងផ្ទះ នៅចំណុចបុរីពិភពថ្មីឈូកមាសនេះ កើតឡើងកាលពីវេលាម៉ោង៧និង៤២នាទីយប់ ថ្ងៃទី១៥ ខែតុលា ឆ្នាំ២០២៣ នៅចំណុចផ្ទះលេខ១២៩ ផ្លូវE បុរីពិភពថ្មី «ឈូកមាស» ស្ថិតក្នុងភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។ នារីរងគ្រោះ មានឈ្មោះ ជឿន ស្រីហុង អាយុ៣៥ឆ្នាំ មុខរបរជាអ្នកបម្រើ មានលំនៅនៅភូមិចង្ក្រង ឃុំចង្ក្រង ស្រុកចិត្របុរី ខេត្តក្រចេះ ស្នាក់នៅផ្ទះកើតហេតុខាងលើ។ ហើយនារីរងគ្រោះត្រូវជនដៃដល់ដែលជាសង្សារ ប្រដាប់ដោយកាំបិ.តប៉័.ងតោកា.ប់ជាច្រើនកាំបិ.តដល់ក្នុងផ្ទះតែម្ដង ដោយរត់តាមកា.ប់ដល់ជាន់លើទៀតផង។
តាមស្ត្រីជាម្ចាស់ផ្ទះឈ្មោះ ម៉ៅ ម៉ាឡែន អាយុ៣៣ឆ្នាំ បានប្រាប់ឲ្យដឹងថា «ជនរងគ្រោះបានមកធ្វើការនៅផ្ទះរបស់ខ្លួនតាំងខែមករា ឆ្នាំ២០២៣។ លុះដល់ថ្ងៃទី១២ ខែតុលា ឆ្នាំ២០២៣ ជនរងគ្រោះបានសុំទៅលេងស្រុកកំណើត ហើយក៏ត្រឡប់មកវិញនៅល្ងាចថ្ងៃទី១៥ ខែតុលា ឆ្នាំ២០២៣»។
ម្ចាស់ផ្ទះខាងលើបន្តថា «ប៉ុន្តែពេលមកដល់វិញ មិនទាន់បានប៉ុន្មានម៉ោងផង ខណៈពេលនាងកំពុងតែនៅក្នុងបន្ទប់ ស្រាប់តែឮសម្លេងជនរងគ្រោះស្រែក រូបគាត់ជាម្ចាស់ផ្ទះក៏បើកទ្វារបន្ទប់មកមើល ក៏ឃើញជនរងគ្រោះត្រូវបុរសម្នាក់ពាក់មួកសុវត្ថិភាព ពាក់អាវយឺតដៃវែង ស្លៀកខោជើងខ្លី នៅក្នុងដៃមានកាន់កាំបិ.តប៉័.ងតោកា.ប់ទៅលើជនរងគ្រោះដែលព្យាយាមរត់គេចខ្លួនឡើងទៅជាន់លើ បន្ទាប់មកជនដៃដល់ក៏រត់គេចខ្លួនបាត់ភ្លាមៗតែម្ដង។
ក្រោយពេលកើតហេតុ ជនរងគ្រោះត្រូវបានបញ្ជូនទៅកាន់មន្ទីរពេទ្យកាល់ម៉ែត ប៉ុន្តែជាអកុសល ជនរងគ្រោះក៏បានស្លា.ប់បាត់បង់ជីវិតតែម្ដងទៅ។ ចំណែកជនដៃដល់វិញ បន្ទាប់ពីរត់គេចខ្លួនបានតែ៣ថ្ងៃ ក៏ត្រូវសមត្ថកិច្ចតាមឃាត់ខ្លួនបាន ពិតជាឈា.មស្រែក ស្បែកហៅមែន។
គួររំលឹកថា ៖ ស្លុ.តចិត្ត! បុរសជាសង្សារចូលកា.ប់ស្រីស្នេហ៍ជាអ្នកបម្រើដល់ក្នុងផ្ទះ ផ្អើលពេញបុរី ៕
ចែករំលែកព័តមាននេះ