រាជធានីភ្នំពេញ ៖ អនុវត្តតាមប្រសាសន៍ដឹកនាំដ៏ខ្ពង់ខ្ពស់បំផុតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា រដ្ឋបាលរាជធានីភ្នំពេញបានរៀបចំរថយន្តក្រុងចំនួន៤៥៥គ្រឿងដូចការគ្រោងទុក សម្រាប់បម្រើសេវាដឹកជញ្ជូនបងប្អូនប្រជាពលរដ្ឋទៅស្រុកកំណើត និងទៅតាមបណ្ដាខេត្តនានាក្នុងឱកាសបុណ្យភ្ជុំបិណ្ឌរយៈពេល០៥ថ្ងៃ ចាប់ពីថ្ងៃទី១២…
រាជធានីភ្នំពេញ ៖ អនុវត្តតាមប្រសាសន៍ដឹកនាំដ៏ខ្ពង់ខ្ពស់បំផុតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា រដ្ឋបាលរាជធានីភ្នំពេញបានរៀបចំរថយន្តក្រុងចំនួន៤៥៥គ្រឿងដូចការគ្រោងទុក សម្រាប់បម្រើសេវាដឹកជញ្ជូនបងប្អូនប្រជាពលរដ្ឋទៅស្រុកកំណើត និងទៅតាមបណ្ដាខេត្តនានាក្នុងឱកាសបុណ្យភ្ជុំបិណ្ឌរយៈពេល០៥ថ្ងៃ ចាប់ពីថ្ងៃទី១២ ដល់ថ្ងៃទី១៦ ខែតុលា ឆ្នាំ២០២៣ ដោយមិនបាច់បង់ប្រាក់ ដើម្បីជួយសម្រួលដល់ការចំណាយជូនបងប្អូនកម្មករ និយោជិត និងប្រជាពលរដ្ឋ ។
នៅព្រឹកព្រលឹមថ្ងៃទី១២ ខែតុលា ឆ្នាំ២០២៣ ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញ អមដោយមន្ត្រីជាច្រើនរូបទៀតបានជូនដំណើរបងប្អូនប្រជាពលរដ្ឋឡើងរថយន្តក្រុងដឹកជញ្ជូនសាធារណៈទៅស្រុកកំណើត នៅទីតាំងសួនច្បារទីលានប្រជាធិបតេយ្យប្ញស្សី
កែវ ។
គេសង្កេតឃើញថា សម្រាប់គោលដៅចំណត សួនច្បារទីលានប្រជាធិបតេយ្យ បងប្អូនប្រជាពលរដ្ឋយ៉ាងច្រើនកុះករ បាននាំគ្នាងើបមកដល់តាំងពីព្រលឹមអុលតម្រង់ជួរគ្នាចាំឡើងរថយន្តក្រុង ដែលច្រើនជាងគេ ពួកគាត់ធ្វើដំណើរទៅខេត្តបន្ទាយមានជ័យ បាត់ដំបង និងពោធិ៍សាត់ ។
ចែករំលែកព័តមាននេះ