ស្រុកស្ទឹងហាវ ៖ សមត្ថកិច្ចឲ្យដឹងថា មានជនមិនស្គាល់អត្តសញ្ញាណបានចូលទៅប្លន់ផ្ទះអ្នកលក់ចាប់ហួយមួយកន្លែង ស្ថិតនៅឃុំទំនប់លក ស្រុកស្ទឹងហាវ ខេត្តព្រះសីហនុ កើតឡើងកាលពីវេលាម៉ោងជិត៩យប់ថ្ងៃទី៩ ខែតុលា ឆ្នាំ២០២៣នេះ…
ស្រុកស្ទឹងហាវ ៖ សមត្ថកិច្ចឲ្យដឹងថា មានជនមិនស្គាល់អត្តសញ្ញាណបានចូលទៅប្លន់ផ្ទះអ្នកលក់ចាប់ហួយមួយកន្លែង ស្ថិតនៅឃុំទំនប់លក ស្រុកស្ទឹងហាវ ខេត្តព្រះសីហនុ កើតឡើងកាលពីវេលាម៉ោងជិត៩យប់ថ្ងៃទី៩ ខែតុលា ឆ្នាំ២០២៣នេះ ដោយបន្លំថាទិញស្រាបៀរ បន្ទាប់មកឲ្យកូនប្រុសម្ចាស់ផ្ទះម្នាក់ទៅជាមួយខ្លួនថា ទៅយកលុយ ក្រោយមកក្រុមនេះត្រឡប់ម្តងទៀត រួចក៏ធ្វើសកម្មភាពប្លន់ផ្ទះលក់ចាប់ហួយនេះយកបានមាស-ប្រាក់អស់មួយចំនួន ។
នៅក្នុងហេតុការណ៍ប្លន់នេះដែរ ជនល្មើសបានប្រើដំបងវា.យម្ចាស់ផ្ទះចំនួន២នាក់រងរបួសធ្ងន់ ។ ចំណែកកូនប្រុសម្ចាស់ផ្ទះម្នាក់ទៀត ដែលត្រូវក្រុមជនល្មើសនាំទៅយកលុយនោះមិនឃើញត្រឡប់មកវិញនោះទេ ។
សមត្ថកិច្ចឲ្យដឹងទៀតថា ជនរងគ្រោះដែលរងរបួសរួមមានឈ្មោះខុន រី ភេទស្រី អាយុ៣៦ឆ្នាំ ត្រូវជាក្មួយម្ចាស់ផ្ទះ និងឈ្មោះ ហ៊ឹម ខេន ភេទស្រី អាយុ៨១ឆ្នាំ ជាម្ចាស់ផ្ទះ ។ ចំណែកកូនប្រុសម្ចាស់ផ្ទះដែលបាត់ខ្លួននោះឈ្មោះ ហ៊ឹម ប៉ូឡូ ភេទប្រុស អាយុ៤៣ឆ្នាំ ។
សមត្ថកិច្ចឲ្យដឹងបន្ថែមថា គិតត្រឹមព្រឹកថ្ងៃទី១០ តុលា ២០២៣ នេះ សមត្ថកិច្ចរកឃើញសាកស.ពកូនប្រុសម្ចាស់ផ្ទះបញ្ជាក់ថា ស្លាប់ហើយនៅក្នុងព្រៃខាងក្រោយផ្ទះជនរងគ្រោះប្រហែលជិត១០០ម៉ែត្រ។ ករណីនេះ សមត្ថកិច្ចចម្រុះកំពុងបើកប្រតិបត្តិការស្រាវជ្រាវរកក្រុមជនល្មើស ។
មានព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ