ប្តីមានជំងឺប្រចាំការមកលេងប្រពន្ធបាន២ទៅ៣ថ្ងៃ ស្រាប់តែជួបរឿងអកុសល
- ភ្នំពេញ
រាជធានីភ្នំពេញ ៖ បុរសម្នាក់មានជម្ងឺប្រចាំកាយ បានឡើងមកលេងប្រពន្ធនៅភ្នំពេញ តែមិនទាន់
រាជធានីភ្នំពេញ ៖ បុរសម្នាក់មានជម្ងឺប្រចាំកាយ បានឡើងមកលេងប្រពន្ធនៅភ្នំពេញ តែមិនទាន់បានជួបប្រពន្ធផង ក៏បែកពុះមាត់ស្លា.ប់តែម្តង ។
ហេតុការណ៏ខាងលើនេះ បានបង្កការភ្ញាក់ផ្អើលកើតឡើងកាលពីវេលាម៉ោង២និង១៥នាទីរសៀលថ្ងៃទី០៩ ខែតុលា ឆ្នាំ២០២៣ នៅត្រង់ចំណុចផ្លូវបេតុងផ្សារដីបេតុង ស្ថិតក្នុងភូមិដី សង្កាត់ស្ទឹងមានជ័យទី០៣ ខណ្ឌមានជ័យ រាជធានីភ្នំពេញ ។
ចំពោះអត្តសញ្ញាណបុរសរងគ្រោះខាងលើ ត្រូវបានប្រពន្ធជនរងគ្រោះសុំមិនឱ្យបញ្ចេញឈ្មោះ ដោយដឹងត្រឹមថាមានអាយុ៤២ឆ្នាំ និងមានជម្ងឺប្រចាំកាយ ។
បើតាមប្រភពព័ត៏មានបានប្រាប់អោយដឹងថា នៅមុនពេលកើតហេតុ គេបានឃើញបុរសរងគ្រោះខាងលើ បានរត់ទៅវិញទៅមក រត់ចូលទៅផ្ទះគេ និងបានរត់ឡើងជិះឡានគេថែមទៀត ។ ភ្លាមៗនោះ ប្រជាពលរដ្ឋបានដេញបុរសរងគ្រោះរូបនោះអោយចេញ ទើបបុរសខាងលើបានរត់គេច រហូតទៅដល់ច្រកឌឿងហែម ក្បែរបន្ទប់ជួលផ្ទះបងប្អូនប្រជាពលរដ្ឋ ទើបអង្គុយបែកពពុះមាត់ស្លា.ប់ភ្លាមៗតែម្តង ។
ចំណែកប្រភពពីស្ត្រីជាប្រពន្ធបានអោយដឹងថា ប្តីរបស់គាត់បានឡើងពីខេត្ត មកលេងគាត់២-៣ថ្ងៃហើយ និងជម្ងឺប្រចាំកាយទៀត ។ ស្ត្រីជាប្រពន្ធបានបន្តថា ជម្ងឺប្តីរបស់គាត់តែងតែធ្វើទុក្ខរយៈពេល៣ខែម្តង ដោយសារតែថ្ងៃនេះ ជម្ងឺប្តីរបស់គាត់បានធ្វើទុក្ខ ទើបបណ្តាលអោយរត់ចុះឡើង និងមកអង្គុយបែកពពុះមាត់ រហូតដល់បាត់បង់ជីវិតបែបនេះ ។
បច្ចុប្បន្ន ស.ពបុរសខាងលើ ត្រូវបានសមត្ថកិច្ចធ្វើកោសល្យវិច្ឆ័យ និងប្រគល់ស.ពអោយសាច់ញាត្តិ ដើម្បីយកទៅធ្វើបុណ្យតាមប្រពៃណី ៕ (ដោយ ៖ រដ្ឋា)
ចែករំលែកព័តមាននេះ