ក្រុងហ្សេរុយសាឡឹម ៖ អ្នកនាំពាក្យកងកម្លាំងការពារអ៊ីស្រាអែល លោកឧត្តមសេនីយ៍ Daniel Hagari បាននិយាយថា ៖ «មានចំណាប់ខ្មាំង និងអ្នកទោសសង្គ្រាម…
ក្រុងហ្សេរុយសាឡឹម ៖ អ្នកនាំពាក្យកងកម្លាំងការពារអ៊ីស្រាអែល លោកឧត្តមសេនីយ៍ Daniel Hagari បាននិយាយថា ៖ «មានចំណាប់ខ្មាំង និងអ្នកទោសសង្គ្រាម ដែលក្រុមហាម៉ាសបានចាប់ខ្លួន។ ហើយក៏មានអ្នកស្លា.ប់ក្នុងចំណោមទាហាននៃកងកម្លាំងការពារអ៊ីស្រាអែល ផងដែរ។ យើងមិនទាន់មានចំនួនពិតប្រាកដនៅឡើយទេ ខណៈយើងកំពុងតែមានសង្គ្រាម» ។
ដោយឡែក ក្រុមសង្គ្រោះបន្ទាន់របស់អ៊ីស្រាអែល ប៉ាន់ប្រមាណថា មនុស្សប្រហែល៧០នាក់ ឥឡូវនេះបានស្លា.ប់នៅក្នុងប្រទេសអ៊ីស្រាអែល និងរាប់រយនាក់ទៀតបានរងរបួសធ្ងន់ធ្ងរ បន្ទាប់ពីពួកសកម្មប្រយុទ្ធនៅតំបន់ហ្គាហ្សា បានបើកការវាយប្រហារដ៏គួរឲ្យភ្ញាក់ផ្អើលមួយកាលពីព្រឹកថ្ងៃសៅរ៍ ទី០៧ ខែតុលា ឆ្នាំ២០២៣ ដោយបាញ់រ៉ុក្កែតរាប់ពាន់គ្រាប់ ចូលទៅទឹកដីអ៊ីស្រាអែល ។
ក្រសួងសុខាភិបាលអ៊ីស្រាអែល ក៏បាននិយាយដែរថា បន្ថែមពីលើនេះ មានមនុស្ស៩៨៥នាក់បានរងរបួស ក្នុងការវាយប្រហារមកលើប្រទេសអ៊ីស្រាអែល ។
ទន្ទឹមនឹងនេះ នៅឯតំបន់ហ្គាហ្សាវិញ យ៉ាងហោចណាស់ប្រជាជនប៉ាឡេស្ទីន ចំនួន១៩៨នាក់ត្រូវបានសម្លា.ប់ និងរងរបួស ១.៦១០នាក់ទៀត។ អ៊ីស្រាអែល បានបើកការវាយប្រហារតាមអាកាសលើតំបន់ហ្គាហ្សាស្ទ្រីប ជាការឆ្លើយតបនឹងការវាយប្រហារបស់ក្រុមសកម្មប្រយុទ្ធហាម៉ាស ខណៈដែលលោកនាយករដ្ឋមន្ត្រីអ៊ីស្រាអែលលោក Benjamin Netanyahu បានប្រកាសប្រទេសរបស់លោក «កំពុងមានសង្គ្រាម» ៕
ចែករំលែកព័តមាននេះ