សត្វព្រៃក្នុងតំបន់អង្គរ កំពុងរងការគំរា.មកំហែងគួរឱ្យព្រួយបារម្ភ
- សៀមរាប
ខេត្តសៀមរាប ៖ អ្នកជំនាញផ្នែកអភិរក្សសត្វព្រៃអន្តរជាតិ បានឱ្យដឹងថា បច្ចុប្បន្ននេះ ការដាក់
ខេត្តសៀមរាប ៖ អ្នកជំនាញផ្នែកអភិរក្សសត្វព្រៃអន្តរជាតិ បានឱ្យដឹងថា បច្ចុប្បន្ននេះ ការដាក់អន្ទាក់ ដើម្បីចាប់យកនិងសម្លា.ប់សត្វព្រៃដោយខុសច្បាប់ នៅក្នុងតំបន់រមណីយដ្ឋានអង្គរ កំពុងកើតមានគួរឱ្យព្រួយបារម្ភ។
អ្នកជំនាញអភិរក្សសត្វព្រៃអន្តរជាតិ របស់អង្គរWild life Alliance លោក Nick Mark មានប្រសាសន៍ថា ជាច្រើនឆ្នាំមក នេះ អង្គការអភិរក្សសត្វព្រៃអន្តរជាតិ ដែលសហការជាមួយរដ្ឋបាលព្រៃឈើនិងអាជ្ញាធរជាតិអប្សរា បានដោះលែងសត្វព្រៃ ជាច្រើនប្រភេទនៅក្នុងតំបន់រមណីយដ្ឋានអង្គរ។ សត្វព្រៃទាំងនោះ មានដូចជាសត្វទោច ស្វាព្រាហ្មណ៍ ឈ្លូស សំពោច ឆ្មាដាវ សត្វកេងកង ក្ងោកនិងសត្វភេ ព្វាំងនិងឆ្កែព្រៃ ដែលបច្ចុប្បន្នបានកើនឡើងចំនួន៧៥ក្បាល។ ក៏ប៉ុន្តែកាលពី ដើមខែមិថុនាកន្លងមក សត្វភេដែលបានដោះលែង នៅក្នុងព្រៃតំបន់អង្គរនោះ បានជាប់អន្ទាក់ងា.ប់។
លោក Nick Mark ឱ្យដឹងទៀតថា បច្ចុប្បន្ននេះ នៅក្នុងព្រៃតំបន់អង្គរ ក៏មានជនខិលខូច លបលួចដាក់អន្ទាក់ចាប់យកសត្វព្រៃដែលកំពុងតែមានអ្នកថែរក្សានោះ យកទៅធ្វើម្ហូបនិងលក់ដូរដោយខុសច្បាប់ដែរ។អ្នកជំនាញអភរិក្សសត្វព្រៃអន្តរជាតិរូបនេះ សំដែងការព្រួយបារម្ភជាខ្លាំង ចំពោះការបាត់បង់សត្វព្រៃនៅកម្ពុជា ហើយចង់ស្នើសុំឱ្យរាជរដ្ឋាភិបាលកម្ពុជា ជួយចាត់វិធានការបន្ទាន់ ក្នុងការធ្វើច្បាប់ប្រឆាំងនិងការសម្លាប់សត្វព្រៃ។
លោក ជូ រ៉ាឌីណា អនុប្រធាននាយកដ្ឋានគ្រប់គ្រងទឹក ព្រៃឈើនិងហេដ្ឋារចនាសម្ព័ន្ធ របស់អាជ្ញាធរជាតិអប្សរា មានប្រសាសន៍ចាត់ទុកថាសត្វព្រៃនៅក្នុងតំបន់អង្គរ ពិតជាមានសារសំខាន់យ៉ាងខ្លាំង ក្នុងការជួយទាក់ទាញភ្ញៀវទេសចរណ៍ផ្នែកធម្មជាតិ ឱ្យកាន់តែមានចំនួនច្រើនឡើងថែមទៀតជាមួយនិងទេសចរណ៍វប្បធម៌។ យោងតាមមន្ត្រីនៃអាជ្ញាធរជាតិអប្សរា ឱ្យដឹងថាចាប់តាំងពីអំឡុងឆ្នាំ២០១៣មក អាជ្ញាធរអប្សរា ដែលសហការជាមួយរដ្ឋបាលព្រៃឈើ និងអង្គការសម្ព័ន្ធមិត្តសត្វព្រៃ Wild Life Alliance បានធ្វើការដោះលែងសត្វព្រៃជាបន្តបន្ទាប់នៅក្នុងតំបន់ឧទ្យានអង្គរ។ រហូតមកដល់ពេលនេះសត្វព្រៃខ្លះបាន បង្កើតកូនចៅជាហូរហែ។
លោក នេត្រ ភក្ត្រា រដ្ឋលេខាធិការក្រសួងបរិស្ថាន មានប្រសាសន៍ កាលពីកន្លងទៅថា ចាប់តាំងតែពីអំឡុងឆ្នាំ ១៩២៥មក តំបន់អង្គរត្រូវបានបង្កើតឡើងជាឧទ្យានជាតិទី១នៃតំបន់អាស៊ីអគ្នេយ៍ ហើយការដោះលែងសត្វព្រៃនៅក្នុងតំបន់អង្គរ គឺជាផ្នែកមួយនៃការបង្កើនល្បាយរបស់សត្វព្រៃនៅក្នុងប្រទេសកម្ពុជាទាំងមូល។
លោក នេត្រ ភក្ត្រា មានប្រសាសន៍ទៀតថា ដើម្បីទប់ស្កាត់សកម្មភាពសម្លាប់សត្វព្រៃនៅក្នុងតំបន់អង្គរក៏ដូចជានៅក្នុងប្រទេសទាំងមូល គឺក្រសួងបរិស្ថានបានធ្វើយុទ្ធនាការ(អន្ទាក់សូន្យ)ដើម្បីអប់រំផ្សាយផ្សាយទៅដល់ប្រជាពលរដ្ឋ ឱ្យបានដឹង អំពីការប៉ះពាល់ដែលកើតចេញពីអន្ទាក់ ដើម្បីឈានទៅរកការកាត់បន្ថយនិងលុបចោលចំនួនអន្ទាក់ទាំងស្រុងនៅពេលខាងមុខ ៕
ចែករំលែកព័តមាននេះ