ថ្មីៗនេះ មានការភ្ញាក់ផ្អើលពាសពេញបណ្ដាញសង្គម Internet និងធ្វើឱ្យអ្នកស្រុក អ្នកភូមិ នាំគ្នាផ្អើលឆោឡោយ៉ាងខ្លាំង ក្រោយពីមានពស់ថ្លាន់យក្សដ៏ធំមួយក្បាល បើគេស្មានមិនខុស វាមានប្រវែង៥,៥ម៉ែត្រ បានលួ.ចស៊ីសត្វមាន់ក្នុងទ្រុងរបស់អ្នកភូមិ។ ហើយដើម្បីតែគេចពី
បរទេស ៖ ថ្មីៗនេះ មានការភ្ញាក់ផ្អើលពាសពេញបណ្ដាញសង្គម Internet និងធ្វើឱ្យអ្នកស្រុក អ្នកភូមិ នាំគ្នាផ្អើលឆោឡោយ៉ាងខ្លាំង ក្រោយពីមានពស់ថ្លាន់យក្សដ៏ធំមួយក្បាល បើគេស្មានមិនខុស វាមានប្រវែង៥,៥ម៉ែត្រ បានលួ.ចស៊ីសត្វមាន់ក្នុងទ្រុងរបស់អ្នកភូមិ។ ហើយដើម្បីតែគេចពីមនុស្ស ពស់ថ្លាន់យក្សនោះក៏វារឡើងទៅលាក់ខ្លួននៅលើដើមអម្ពិលមួយដើម រួចរុំយ៉ាងតឹងនៅលើដើមអម្ពឹលនោះតែម្ដង។ ភ្លាមៗនោះ ពួកគេក៏អំពាវនាវស្វែងរកកម្លាំងជាច្រើននាក់ ដើម្បីឱ្យមកជួយចាប់សត្វពស់ថ្លាន់នោះ រហូតទាល់តែបាន ដោយអ្នកដែលចាប់ពស់នោះ គឺមានគ្នាចំនួន៧នាក់។
ពស់ថ្លាន់យក្សមួយក្បាលខាងលើនេះ ត្រូវគេចាប់បាននៅថ្ងៃទី៦ ខែតុលា ឆ្នាំ២០២៣នេះ ក្រោយពីមានសេចក្តីរាយការណ៍មកលោក ជុក ឌី ណូឯក ប្រធានការិយាល័យបង្ការ និងសង្គ្រោះគ្រោះមហន្តរាយ កាលពីថ្ងៃទី៥ ខែតុលា ឆ្នាំ២០២៣ ។ នេះបើយោងទៅតាមរយៈសារព័ត៌មានដ៏ល្បីថៃ «Thairath» បានផ្សព្វផ្សាយរាយការណ៍ប្រាប់ឱ្យដឹងកាលពីពេលថ្មីៗនេះ។
បើតាមនាយកដ្ឋាន ទីប្រជុំជន Pak Phanang ស្រុក Pak Phanang ខេត្ត Nakhon Si Thammarat បានប្រាប់ថា បន្ទាប់ពីទទួលបានរបាយការណ៍សុំជំនួយ ពាក់ព័ន្ធករណីពស់ថ្លាន់ដ៏ធំមួយក្បាលចូលលុកលុយ និងស៊ីសត្វមាន់នៅក្នុងទ្រុងខាងក្រោយផ្ទះរបស់ប្រជាពលរដ្ឋដូច្នេះហើយ លោកក៏បានប្រកាសជូនដំណឹងដល់មន្ត្រីពន្លត់អគ្គិភ័យក្រុង ឱ្យប្រញាប់ធ្វើដំណើរទៅពិនិត្យ និងជួយអន្តរាគមន៍ភ្លាមៗ។ ហើយអ្វីដែលស្ទើរតែមិនគួរឱ្យជឿនោះ ខណៈពេលមកដល់ផ្ទះ ស្ថិតនៅភូមិសយឆៃយ៉ាន់យ៉ាន ផ្លូវផានិត សំផន ក្នុងក្រុងប៉ាក់ផាណាងភ្លាម ក៏ស្រាប់តែមានហេតុការណ៍កើតឡើង ដោយប្រទះឃើញមានអ្នកផ្តល់ព័ត៌មានភ្លាមៗ រួចក៏នាំមន្ត្រីទៅមើលទ្រុងមាន់ក្រោយផ្ទះរបស់អ្នកភូមិតែម្ដង។
ស្របពេលនោះ គេក៏ប្រទះឃើញពស់ថ្លាន់ដ៏ធំមួយក្បាល បានវារឡើងទៅលើដើមអម្ពិល ដែលមានកម្ពស់៣ម៉ែត្រពីដី ហើយសត្វពស់ថ្លាន់មួយនឹងវាកំពុងតែស៊ីសត្វមាន់នៅក្នុងទ្រុងរបស់អ្នកស្រុក ដោយវាបានលេប រួចយកទៅបោះចោលលើដី។ បន្ទាប់មកគេសន្និដ្ឋានថា «វាប្រហែលជាត្របាក់ស៊ីសត្វមាន់រួចហើយ ហើយវាសង្ឃឹមថា អាចគេចផុតពីមនុស្ស ទើបសត្វពស់ថ្លាន់នោះវារឡើងទៅលើដើមអម្ពិលតែម្ដង (ចាប់ពីគល់ រហូតខ្ពស់ពាក់កណ្ដាលចុងដើមអម្ពិល)»។
ឃើញដូច្នេះភ្លាម មិននៅស្ងៀមតទៅទៀត មន្ត្រីជំនាញក៏បានប្រើមុងទាក់ ដើម្បីព្យួរក្បាលរបស់ពស់ថ្លាន់ដ៏ធំមួយនោះ ឱ្យជាប់ទៅណាលែងរួច ដោយជោគជ័យ។ បន្ទាប់មក គាត់ក៏បានចាប់ទាញពស់ថ្លាន់ដ៏ធំមួយនេះ ទម្លាក់ចុះពីលើដើមអម្ពិលឱ្យធ្លាក់មកក្រោមវិញ ប៉ុន្តែអ្វីដែលហួសពីការស្មាន វាពិតជាពិបាកខ្លាំងណាស់ក្នុងការទាញវាឱ្យចុះមក ដោយសារតែពស់ថ្លាន់វាមានទំហំធំខ្លាំងពេក។ ពេលនោះ គិតអ្វីមិនចេញ ពួកគេក៏ប្រមូលគ្នីគ្នាឱ្យមកជួយ ដើម្បីមានកម្លាំងខ្លាំងរួមគ្នាចាប់ទាញមុងដាក់ផ្អោបជាប់ទៅនឹងពស់ថ្លាន់ រួចរឹតវាយ៉ាងតឹងឱ្យជិតគល់ដើមអម្ពិលនោះ។
តែចុងក្រោយមិនបានសម្រេចនោះឡើយ ពួកគេក៏បានលើកឡើងថា «ពិតជាមិនធម្មតាទេ វាគួរឱ្យខ្លាចខ្លាំងណាស់ មិនត្រឹមតែមានមាឌធំនោះទេ បើនិយាយអំពីទំហំរបស់វាវិញ ឃើញហើយព្រឺសម្បុរ។ លើសពីនេះ ពស់ថ្លាន់ដ៏ធំសម្បើមខាងលើនេះ វាពិតជាសា.ហាវណាស់ រហូតដល់ថ្នាក់មន្ត្រី៣នាក់ទៅហើយ ក៏នៅតែមិនអាចយកពស់ថ្លាន់មួយនឹងចេញពីដើមអម្ពិលបានដែរ»។
ដូច្នេះហើយ ទើបពួកគេសម្របសម្រួលស្នើសុំបន្ថែមមន្ត្រីចំនួន៤នាក់ សរុបទាំងអស់មាន៧នាក់ឱ្យមកជួយចាប់ពស់ថ្លាន់មួយនេះ ចេញពីដើមអម្ពិល។ ក្នុងនោះ មានមន្ត្រីម្នាក់បានឡើងទៅលើកំពូលដើមអម្ពិលដែលជាប់ក្បែរស្រះ ដើម្បីយកពស់ថ្លាន់ដែលរុំជុំវិញដើមអម្ពិលនោះចេញ។ ទីបំផុត សត្វពស់ថ្លាន់យក្សដ៏ធំមួយក្បាលនេះ ក៏បានធ្លាក់ចូលទៅក្នុងទឹកស្រះក្បែរទ្រុងមាន់តែម្តង។ ពេលនោះ សមត្ថកិច្ចក៏នាំគ្នាជួយយកពស់ថ្លាន់ដ៏ធំនោះចេញពីស្រះក្បែរទ្រុងនៅមុខផ្ទះរបស់ប្រជាពលរដ្ឋ ដែលវាមានប្រវែង ៥,៥ ម៉ែត្រ ហើយត្រូវគេដាក់ច្រកក្នុងបាវ រួចយកវាទៅលែងចូលក្នុងព្រៃវិញ។
គួរបញ្ជាក់ថា បើគិតពីពេលវេលានៃការចាប់ពស់ថ្លាន់យក្សដ៏ធំខាងលើនេះ គឺមានរយៈពេល១ម៉ោងទម្រាំតែចាប់វាបាន។ ហើយកាលពីមុន ក៏មានមន្ត្រីជំនាញម្នាក់ធ្លាប់ចាប់ពស់ថ្លាន់មួយក្បាលនៅលើផ្លូវលំនេះដែរ បើតាមទំហំ និងប្រវែងរបស់ពស់ថ្លាន់នោះ គឺប្រហាក់ប្រហែលដូចគ្នា ហើយវាត្រូវបានគេជឿថា «ពស់ថ្លាន់ទាំង២ក្បាលនេះ ប្រហែលជាកូនភ្លោះបងប្អូនបង្កើត ម៉ែឪតែមួយមិនខានឡើយ» ៕ ដោយ ៖ សុភា ដានេត
ចែករំលែកព័តមាននេះ