ឡានបឺស១គ្រឿងជួបគ្រោះក្រឡា.ប់ធ្លា.ក់ពីលើស្ពាន ស្លា.ប់ភ្ញៀវទេសចរបរទេស២១នាក់
ប្រទេសអ៊ីតាលី ៖ តាមសេចក្ដីរាយការណ៍របស់ AFP ចុះថ្ងៃទី៤ តុលាថា មនុស្សយ៉ាងតិច២១នាក់ស្លា.ប់
ប្រទេសអ៊ីតាលី ៖ តាមសេចក្ដីរាយការណ៍របស់ AFP ចុះថ្ងៃទី៤ តុលាថា មនុស្សយ៉ាងតិច២១នាក់ស្លា.ប់ និងជាង២០នាក់ទៀតរងរបួស កាលពីយប់ថ្ងៃទី៣ តុលា នៅទីក្រុងវេនីសអ៊ីតាលី ដោយសាររថយន្តបឺស ដែលពួកគេជិះក្រឡា.ប់ធ្លាក់ពីលើស្ពានមួយក្នុងកម្ពស់៣០ម៉ែត្រហើយមានភ្លើងឆាបឆេះ ។
អាជ្ញាធរទីក្រុងដែលគេស្គាល់លើពិភពលោកនេះនិយាយថា រថយន្តបឺសនោះដឹកអ្នកទេសចរ ក្នុងនោះមានជនជាតិអ៊ុយក្រែន បារាំង អាល្លឺម៉ង់ ។ អភិបាលតំបន់ VENETIE ដែលមានក្រុងវេនីសជាទីប្រជុំជន លោក LUCA ZAIA ថ្លែងថា តុល្យការបណ្ដោះអាសន្នរៀបរាប់ពីជនរងគ្រោះយ៉ាងតិច២១នាក់ និងជាង២០នាក់រងរបួស ក្នុងនោះភាគច្រើនរបួសធ្ងន់ ។ លោកថានោះជាសោកនាដកម្មដ៏ធំធេងមួយ ។
AFP គូសបញ្ជាក់ថា ក្នុងចំណោមជនរងគ្រោះមានអ្នកទេសចរអ៊ុយក្រែននិងក៏មានអ្នកទេសចរមកពីអាល្លឺម៉ង់ និងបារាំង ។ អ្នកទេសចរអ៊ុយក្រែន៣នាក់ ក្រូអាស៊ីម្នាក់ អាល្លឺម៉ង់ម្នាក់ និងបារាំងម្នាក់ស្ថិតក្នុងចំណោមអ្នករបួស ។
តុល្យការអាចមានធ្ងន់ជាងនេះទៀត ។ គ្រោះថ្នាក់នោះកើតមាននាវេលាម៉ោង១៩ និង៣០នាទី
ម៉ោងក្នុងស្រុក ។ រថយន្តបឺសនេះរត់រវាងទីក្រុងវេនីសនិងទីតាំងបោះតង់មួយ ដោយមូលហេតុនៅ
មិនទាន់មានការអះអាងនៅឡើយ ហើយការស៊ើបអង្កេតមួយបានបើកធ្វើ្វពិសេសយោងតាមបណ្ដារូបភាពកាម៉ារ៉ាសន្តិសុខ ៕
ចែករំលែកព័តមាននេះ