ម៉ិកស៊ិកបង់ខាត១សប្ដាហ៍១ពាន់លានដុល្លារដោយសារវិបត្តិនៅព្រំដែន
ប្រទេសម៉ិកស៊ិក ៖ រយៈពេលប៉ុន្មានសប្ដាហ៍ចុងក្រោយនេះរលកអន្តោប្រវេសន៍ថ្មីនៅតាមព្រំដែនរវាង
ប្រទេសម៉ិកស៊ិក ៖ រយៈពេលប៉ុន្មានសប្ដាហ៍ចុងក្រោយនេះរលកអន្តោប្រវេសន៍ថ្មីនៅតាមព្រំដែនរវាងម៉ិកស៊ិក និងអាមេរិក បណ្ដាលឲ្យមានការពង្រឹងការត្រួតពិនិត្យតឹងតែង ដែលបែបនោះនាំឲ្យមានការស្រុតចុះច្រើនដល់ពាណិជ្ជកម្មរវាងប្រទេសទាំង២ ពិសេសការដឹកជញ្ជូនតាមរថយន្តកាំមីញ៉ុង ។
សេដ្ឋកិច្ចម៉ិកស៊ិកដែលពឹងផ្អែកខ្លាំងលើអាមេរិកជិតខាងរងការប៉ះពាល់ដោយសារការរិតត្បិតនៅព្រំដែន ទប់រលកអន្តោប្រវេសន៍ ។
វេបសាយម៉ិកស៊ិក EL PAIS MEXICO សរសេរថា សោកនាដកម្មមនុស្សក៏ប៉ះពាល់ដល់សេដ្ឋកិច្ចផងដែរ ។ ការកើនឡើងនៃចំនួនពួកអន្តោប្រវេសន៍ ដែលប៉ុនប៉ងឆ្លងដែនពីម៉ិកស៊ិកចូលអាមេរិក បង្កផលប៉ះពាល់ដ៏មហាសាលដល់ពាណិជ្ជកម្មរវាងប្រទេសទាំង២ ។ ខាងផ្នែកគយនិងការពារព្រំដែនសហរដ្ឋអាមេរិក អះអាងពីការចាប់ខ្លួនជនអន្តោប្រវេសន៍ខុសច្បាប់ចំនួន២៣២.៩៧២នាក់ក្នុងខែសីហា ពោលមានការកើនឡើង២៧% បើប្រៀបធៀបទៅនឹងខែកក្កដា និងជាចំនួនខ្ពស់បំផុតចាប់តាំងពីដើមឆ្នាំនេះមក ។
ជាង១សប្ដាហ៍កន្លងមកនេះការត្រួតពិនិត្យរបស់ប៉ូលិសនិងគយអាមេរិក ត្រូវបានពង្រឹងបណ្ដាលឲ្យប៉ះពាល់ដល់ការឆ្លងកាត់ព្រំដែនចូលដែនដីអាមេរិក ។ ប៉ុស្តិ៍ព្រំដែន២នៅតិចសាស់រហូតដល់បិទទៀតផង ៕
ចែករំលែកព័តមាននេះ