រាជធានីភ្នំពេញ ៖ ថ្លែងចំពោះមុខកម្មករជិត២ម៉ឺននាក់នៅក្នុងរាជធានីភ្នំពេញ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានគូសបញ្ជាក់ថា ការយកសម្តេចទៅប្រៀបធៀបជាមួយនាយករដ្ឋមន្ត្រីថៃថ្មីនេះ គឺជារឿងមួយខុសតែម្តង ព្រោះថាគោលនយោបាយផ្សេងគ្នា…
រាជធានីភ្នំពេញ ៖ ថ្លែងចំពោះមុខកម្មករជិត២ម៉ឺននាក់នៅក្នុងរាជធានីភ្នំពេញ សម្តេចធិបតី ហ៊ុន ម៉ា
ណែត នាយករដ្ឋមន្ត្រីកម្ពុជាបានគូសបញ្ជាក់ថា ការយកសម្តេចទៅប្រៀបធៀបជាមួយនាយករដ្ឋមន្ត្រីថៃថ្មីនេះ គឺជារឿងមួយខុសតែម្តង ព្រោះថាគោលនយោបាយផ្សេងគ្នា ។
សម្តេចធិបតី ហ៊ុន ម៉ាណែត បានលើកឡើងក្នុងពិធីសំណេះសំណាលជាមួយបងប្អូនកម្មករ និយោជិត២ម៉ឺននាក់ នៅតាមបណ្តារោងចក្រ សហគ្រាស ដែលមានមូលដ្ឋានក្នុងខណ្ឌមានជ័យ និងខណ្ឌដង្កោ រាជធានីភ្នំពេញ នៅព្រឹកទី៣ តុលា ២០២៣ បានលើកឡើងថា មានអ្នកវិភាគមួយនោះទេ ខ្ញុំមិនបញ្ចេញឈ្មោះនោះទេ តែរឿងខ្ញុំជួបជាមួយថ្នាក់ដឹកនាំទាំងអស់ មិននិយាយទេ បែរជាគាត់ប្រៀបធៀបជាមួយនាយករដ្ឋមន្ត្រីថៃថ្មី ។
គាត់ដូចជាប្រៀបធៀបគោ និងក្របីទៅវិញ នាយករដ្ឋមន្ត្រីដូចគ្នាមែន ប៉ុន្តែគោលនយោបាយផ្សេងគ្នា តែគិតប្រជាពីប្រជាពលរដ្ឋដូចគ្នាសូមច្បាប់ ។ សម្តេចធិបតីបានបញ្ជាក់ថា៖ «មានអ៊ុំមួយនោះគាត់និយាយថា នាយករដ្ឋមន្ត្រីថៃ ទៅជួប ។
លោក អ៊ីឡុនម៉ាស់ (E lon Musk) មហាសេដ្ឋីអាមេរិកដល់លោក ហ៊ុន ម៉ាណែត ទៅជួបក្រុមកាថោ ។ ចំណុចនេះ ខ្ញុំគិតថា ចុមចង់វាយប្រហារឲ្យខ្ញុំជួបអ្នកណា! ប៉ុន្តែខ្ញុំមើលចុះឡើងគឺគាត់លើកយកអ្វីដែលខ្ញុំជួបជាមួយប្រជាពលរដ្ឋខ្មែរនៅអាមេរិកក្រៅម៉ោង។ តែគាត់មិនបានលើកឡើងពីការជួបថ្នាក់ដឹកនាំទាំងអាមេរិក ឥណ្ឌា និងមហាអំណាចផ្សេងៗមិននិយាយទេ» ។
សម្តេចធិបតីបានអ្នកវិភាគនោះមើលតែចំណុចតូចមួយដែលជាការក្រៅម៉ោងទៅជួបអ៊ុំៗ ពូ មីង បងប្អូនជាងមួយម៉ោងទៅវិញចំពោះការជួបថ្នាក់ដឹកនាំធំៗ និងមហាអំណាច និងជួបជាមួយតំណាងអគ្គអង្កការសហប្រជាជាតិជាដើមមិននិយាយទេ ។ លោកនាយករដ្ឋមន្ត្រីថៃពិត បានទៅជួបលោក Elon Musk(អ៊ី ឡុនម៉ាស)ជាមហាសេដ្ឋីអាមេរិកជាភាគីឯកជនមែន ។ ប៉ុន្តែថ្នាក់ដឹកនាំប្រទេសផ្សេងៗ ក៏បានជួបមហាសេដ្ឋីអាមេរិកនេះដែរ នៅក្នុងវេទិការធុរកិច្ច ។
ជាមួយគ្នានោះដែរ សម្តេចធិបតីបានលើកឡើងថា កាទៅអាមេរិកសម្តេចបានជួបថ្នាក់ដឹកនាំទាំងអស់ដើម្បីធ្វើការទាក់ទងឲ្យគេមកធ្វើការបន្ទាបទន់រកស៊ីនៅក្នុងប្រទេសកម្ពុជា និងទទួលការនាំចូលទំនិញពីកម្ពុជា ប៉ុន្តែគ្រាន់តែជំនួបក្រៅផ្លូវការជាមួយប្រជាជន បែរជាយកមកវាយប្រហារសម្តេចទៅវិញ ។
សម្តេចគូសបញ្ជាក់ថា៖«ខ្ញុំបានធ្វើការជាមួយការទូតនយោបាយ ហើយខ្ញុំមិនដែលភ្លេចពីការដើរទាក់ម៉ូយនោះទេ ទោះបីជាទៅចិន ឥណ្ឌូនេស៊ី និងអាមេរិកក៏ដូចគ្នាដែរ ។ ខ្ញុំចុះដល់អាមេរិក ខ្ញុំបានជួបជាមួយតំណាងរាងក្រុមហ៊ុនចំនួន៥៨នៅក្នុងវិស័យ។ លោកនាយករដ្ឋមន្ត្រីថៃទៅជួបELon Musk ត្រូវហើយ ខ្ញុំមិនបានជួបតែខ្ញុំបានជួប៥៨ក្រុមហ៊ុន អាមេរិកក្នុងនោះមានក្រុមហ៊ុនយក្សអាមេរិកជាច្រើន» ។
សម្តេចធិបតីបានលើកឡើងថា ក្រុមដែលសម្តេចជួបមានក្រុមយក្សផលិតយន្ត ក្រុមយក្ស ផលិតថ្នាំពេទ្យ ក្រុមហ៊ុន ផលិតប្រេងកាតជាដើម ទោះបីជាមិនបានជួបលោកELon Musk ក៏ដោយ ។
ជាមួយគ្នាដែរ សម្តេចធិបតីក៏បានផ្តាំទៅកាន់អ្នកធ្វើការបង្អាប់សម្តេចថា គួរមើលឲ្យគ្រប់ជ្រុងជ្រោយសិនទើបមកបង្អាប់ ។ សម្តេចថា៖សូមឲ្យមានសច្ច័ធម៌ខ្លះផងខ្ញុំមិនខ្លាចទេចំពោះការបង្អាប់នោះ តែខ្ញុំសូមយកវេទិកា នេះបញ្ជាក់ថា កុំនិយាយថា មេដឹកនាំកម្ពុជាអត់កំណើត ហើយឡើងមេដឹកនាំគេ ។
មេដឹកនាំកម្ពុជាក៏ដូចជាមេដឹកនាំគេដែរ គឺខិតខំណាស់ក្នុងការទាក់ទាញអ្នកវិនិយោគលើគ្រប់វិស័យនៅកម្ពុជានេះហើយជាអ្វីដែលខ្ញុំបានធ្វើ» ៕
ចែករំលែកព័តមាននេះ