តើកងទាហានអាល្លឺម៉ង់ពិតជាចូលរួមប្រយុទ្ធនៅអ៊ុយក្រែនឬ ?
សង្គ្រាមអ៊ុយក្រែន ៖ តើកងទាហានអាល្លឺម៉ង់ជាសមាជិកអូតង់ពិតជាបានចូលរួមប្រយុទ្ធនៅអ៊ុយ
សង្គ្រាមអ៊ុយក្រែន ៖ តើកងទាហានអាល្លឺម៉ង់ជាសមាជិកអូតង់ពិតជាបានចូលរួមប្រយុទ្ធនៅអ៊ុយក្រែនមែនឬ ? មានការលើកឡើងថា បណ្ដាសមាជិកកងទ័ពអាល្លឺម៉ង់ទទួលការចោទប្រកាន់ថាចូលរួមក្នុងការប្រយុទ្ធប្រឆាំងរុស្ស៊ីនៅអ៊ុយក្រែន ។
តាមបណ្ដាញសង្គមគេបានបង្ហោះរូបភាពកងទ័ពរុស្ស៊ី កម្ទេចរថក្រោះអាល្លឺម៉ង់ធុន LEOPARD មួយគ្រឿងដែលបញ្ជូនទៅកាន់អ៊ុយក្រែន ដោយក្នុងរថក្រោះនោះមានសុទ្ធតែទាហានអាល្លឺម៉ង់ ។ ក្រសួងការពារជាតិអាល្លម៉ង់បានបដិសេធព័ត៌មាននោះ ដោយអ្នកនាំពាក្យម្នាក់របស់ក្រសួងនេះគូសបញ្ជាក់ថា ពុំមានទាហានអាល្លឺម៉ង់ជាសមាជិកក្រុមយានិកនៃរថក្រោះអាល្លឺម៉ង់ផ្ដល់ដល់អ៊ុយក្រែនឡើយ ។
តាមអ៊ីនធើណេតរបស់ក្រសួងនេះថា អាលឺ្លម៉ង់ ជាអ្នកជួយដល់អ៊ុយក្រែនមែន ដោយផ្ដល់អាវុធនិងឧបករណ៍យោធាមកពីស្តុករបស់កងទ័ព ពិសេសបណ្ដារថក្រោះ LEOPARD 2 ដែលគេចាត់ទុកជារថក្រោះទំនើបជាងគេលើពិភពលោក ។ កងទាហានអ៊ុនក្រែនទទួលបានការជួយហ្វឹកហ្វឺននៅអាល្លឺម៉ង់ ឲ្យចេះប្រើប្រាស់រថក្រោះធុននោះ ។
ព័ត៌មាននេះបែកធ្លាយដល់បណ្ដាញសង្គមតាមរយៈនាយទាហានរុស្ស៊ីម្នាក់ដែលចេះនិយាយភាសាអាល្លឺម៉ង់ ។ នាយទាហានរូបនេះថា គេបានរកឃើញទាហានអាល្លឺម៉ង់ម្នាក់ជាអ្នកមេកានិក ស្លា.ប់ក្នុងរថក្រោះ LEOPARD 2 ដែលបាញ់ឆេះ ៕
ចែករំលែកព័តមាននេះ