ម៉ូតូកង់បីបុ.កពីក្រោយរថយន្តកុងតឺន័រ ផ្អើលផ្លូវក្រោមដីស្ពានអាកាសចោមចៅ
- ភ្នំពេញ
រាជធានីភ្នំពេញ ៖ បុរសអ្នកបើកបរម៉ូតូកង់បីម្នាក់បានរងរបួសធ្ងន់ធ្ងរ ខណៈបើកម៉ូតូកង់បីខាង
រាជធានីភ្នំពេញ ៖ បុរសអ្នកបើកបរម៉ូតូកង់បីម្នាក់បានរងរបួសធ្ងន់ធ្ងរ ខណៈបើកម៉ូតូកង់បីខាង
រាជធានីភ្នំពេញ ៖ បុរសអ្នកបើកបរម៉ូតូកង់បីម្នាក់បានរងរបួសធ្ងន់ធ្ងរ ខណៈបើកម៉ូតូកង់បីខាងបុកពីក្រោយរថយន្តកុងតឺន័រ១គ្រឿងដែលកំពុងបើកថយក្រោយតាមផ្លូវក្រោមដីស្ពានអាកាសចោមចៅ បន្ទាប់ពីរថយន្តនេះកៀរគល់ស្ពានអាកាស ។ ខណៈនោះបណ្ដាលឲ្យម៉ូតូកង់បីខាងលើគាបជាប់ជាមួយរថយន្ត និងគាបជាប់ទាំងអ្នកបើកបរផងដែរ រហូតមានការជួយអន្តរាគមន៍ជួយសង្គ្រោះយកចេញពីក្រុមសង្គ្រោះ៧១១ ទើបយកអ្នកបើកបរចេញរួច។
ហេតុការណ៍ខាងលើនេះបានកើតឡើងកាលពីវេលាម៉ោង៩ព្រឹកថ្ងៃទី០១ ខែតុលា ឆ្នាំ២០២៣ នៅតាមផ្លូវក្រោមដីស្ពានអាកាសចោមចៅឡើងទៅកាន់មហាវិថីសហព័ន្ធរុស្ស៊ី ស្ថិតនៅក្នុងភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
បើតាមកម្លាំងប្រជាការពារបាននិយាយថា នៅមុនពេលកើតហេតុ មានរថយន្តកុងតឺន័រ១គ្រឿង
ពណ៍ស ពាក់ស្លាកលេខ ភ្នំពេញ 3C-1502 បានបើកចូលតាមផ្លូវក្រោមដីក្នុងទិសដៅពីលិចទៅកើតហើយបានប៉ះគល់ស្ពានអាកាសចោមចៅទៅមុខមិនរួចក៏បានបើកថយក្រោយវិញ ទាំងដែលចរាចរតាមផ្លូវនោះកំពុងមមារញឹក ។ ខណៈនោះក៏មានម៉ូតូកង់បី១គ្រឿង ពណ៍ខៀវ ពាក់ស្លាកលេខ ភ្នំពេញ 1IE-4804 បើកបរដោយបុរសម្នាក់ក្នុងទិសដៅស្របគ្នាលឿនគួសមដែរទៅដល់បុ.កពីក្រោយពេញទំហឹង បណ្ដាលឲ្យគាបជាប់គ្នាហើយគាបទាំងអ្នកបើកបរម៉ូតូកង់បីនោះរងរបួសធ្ងន់ធ្ងរ។
តាមប្រភពដដែលបានប្រាប់ឲ្យដឹងបន្តទៀតថា រថយន្តខាងលើគឺជាអ្នកបង្កហេតុឲ្យមានគ្រោះថ្នាក់នេះកើតឡើង ដោយសារតែបានបើកត្បុលចូលផ្លូវហាមឃាត់ទាំងងងើល ហើយពេលទៅមុខអត់រួចបែរជាថយក្រោយទាំងពុំមានអ្នកសម្រួលចរាចរថែមទៀត។
ក្រោយពីមានគ្រោះថ្នាក់បែបនេះកើតឡើង កម្លាំងនគរបាលខណ្ឌពោធិ៍សែនជ័យបានចុះទៅកាន់ទីនោះរួចហៅក្រុមសង្គ្រោះ៧១១ ទៅជួយទាញយកអ្នកបើកបរម៉ូតូកង់បីចេញរួចបញ្ជូនទៅសង្គ្រោះបន្ទាន់ភ្លាមៗផងដែរ បន្ទាប់មកបាននាំយករថយន្តនិងម៉ូតូកង់បីទៅរក្សាទុករង់ចាំការដោះស្រាយនៅពេលក្រោយ ៕
ចែករំលែកព័តមាននេះ