ទីក្រុងតូក្យូ៖ ស្លាប់បុគ្គលិកសួនសត្វម្នាក់នៅប្រទេសជប៉ុនកាលពីល្ងាចមិញបន្ទាប់ពីគាត់ត្រូវសត្វតោមួយក្បាលខាំត្របាក់ឱ្យរបួសធ្ងន់ជាច្រើនកន្លែងនៅលើដងខ្លួន។ គ្រោះអកុសលនេះកើតឡើងនៅពេលជនរងគ្រោះយកចំណីទៅឱ្យសត្វតោស៊ីនៅក្នុងទ្រុង។ បុរសឈ្មោះខេននីឈិ កាតូ (Kenichi Kato) អាយុ៥៣ឆ្នាំ ធ្វើការនៅសួនសត្វសាហ្វារីតូហ៊ូកូ (Tohoku…
ទីក្រុងតូក្យូ៖ ស្លាប់បុគ្គលិកសួនសត្វម្នាក់នៅប្រទេសជប៉ុនកាលពីល្ងាចមិញបន្ទាប់ពីគាត់ត្រូវសត្វតោមួយក្បាលខាំត្របាក់ឱ្យរបួសធ្ងន់ជាច្រើនកន្លែងនៅលើដងខ្លួន។ គ្រោះអកុសលនេះកើតឡើងនៅពេលជនរងគ្រោះយកចំណីទៅឱ្យសត្វតោស៊ីនៅក្នុងទ្រុង។ បុរសឈ្មោះខេននីឈិ កាតូ (Kenichi Kato) អាយុ៥៣ឆ្នាំ ធ្វើការនៅសួនសត្វសាហ្វារីតូហ៊ូកូ (Tohoku Safari) ប្រទេសជប៉ុន។
នៅលើដងខ្លួនរបស់សាកសពជនរងគ្រោះ គេពិនិត្យឃើញស្នាមឈាមនៅកញ្ចឹងក។ ជនរងគ្រោះដេកបាត់មាត់ បាត់កនៅក្នុងទ្រុងតោ។ យោងតាមអ្នកនាំពាក្យរបស់សួនសត្វដែលស្នើសុំមិនបញ្ចេញឈ្មោះ, មុនពេលកើតហេតុ ជនរងគ្រោះយកចំណីទៅឱ្យតោស៊ី។ បុគ្គលិកជាន់ខ្ពស់របស់សួនសត្វប្រាប់ថាជនរងគ្រោះព្យាយាមកៀងតោឱ្យចូលក្នុងទ្រុងដោយយកអាហារទៅជន្លសត្វតោ។ ប៉ុន្តែនៅពេលនោះគាត់ភ្លាត់ស្នៀតដោយសារមិនបានបិទទ្វា និងខ្ទាស់គន្លឹះឱ្យជាប់។
ដល់ពេលអីចឹងទៅ ធ្វើឱ្យមនុស្ស និងតោនៅក្នុងទ្រុងតែមួយជាមួយគ្នា។ អនុប្រធានសួនសត្វប្រាប់ថាតាមធម្មតា គេត្រូវបើកទ្វារទ្រុងចំហសិន។ បន្ទាប់មក គេដាក់ចំណីចូលទៅខាងក្នុងទ្រុង។ នៅពេលដាក់រួចហើយ គេត្រូវតែបិទទ្វារ និងចាក់សោពីខាងក្រៅឱ្យជាប់។ ប៉ុន្តែនៅពេលកើតហេតុនោះគេឃើញថាទ្វារនៅចំហ។ រងគ្រោះបានធ្វើការនៅទីនេះជាយូរមកហើយ ហើយធ្លាប់ធ្វើការជាមួយសត្វសាហាវៗដូចជាតោ ខ្លា និងខ្លាឃ្មុំ។ នេះបើយោងតាមការចុះផ្សាយរបស់សារព័ត៌មានក្នុងស្រុក។
អនុប្រធានសួនសត្វខាងលើនេះសោកស្ដាយយ៉ាងខ្លាំងចំពោះការបាត់បង់ជីវិតជនរងគ្រោះឈ្មោះខេននីឈិ កាតូ។ លោកសូមចូលរួមរំលែកមរណទុក្ខនេះជាមួយក្រុមគ្រួសារសព។ សួនសត្វយល់ថាគេត្រូវតែយកចិត្តទុកដាក់ខ្ពស់ចំពោះបញ្ហានេះ។ ទៅថ្ងៃមុខ សួនសត្វនឹងចាត់វិធានការម៉ឺងម៉ាត់ដើម្បីទប់ស្កាត់មិនឱ្យមានករណីនេះកើតឡើងសាជាថ្មី។ សួនសត្វត្រូវបិទទ្វារជាបណ្ដោះអាសន្នរហូតដល់រៀបចំវិធានការបង្ការបានគ្រប់គ្រាន់។ នេះបើយោងតាមការឱ្យដឹងពីអនុប្រធានសួនសត្វ៕
ប្រភព៖ AFP
https://www.channelnewsasia.com/asia/japan-zookeeper-dies-lion-attack-fukushima-tohoku-safari-park-3808271
ចែករំលែកព័តមាននេះ