តម្លៃប្រេងធ្លាក់ចុះ ចំពេលមានការរំពឹងថា រុស្ស៊ី-អារ៉ាប៊ីសាអូឌីត នឹងជំរុញការផ្គត់ផ្គង់
អន្តរជាតិ ៖ តម្លៃប្រេងបានធ្លាក់ចុះនៅក្នុងការជួញដូរដំបូង នៅថ្ងៃទី២៩ ខែកញ្ញា ឆ្នាំ២០២៣
អន្តរជាតិ ៖ តម្លៃប្រេងបានធ្លាក់ចុះនៅក្នុងការជួញដូរដំបូង នៅថ្ងៃទី២៩ ខែកញ្ញា ឆ្នាំ២០២៣
អន្តរជាតិ ៖ តម្លៃប្រេងបានធ្លាក់ចុះនៅក្នុងការជួញដូរដំបូង នៅថ្ងៃទី២៩ ខែកញ្ញា ឆ្នាំ២០២៣ បន្ទាប់ពីរឿងរំជើបរំជួលមួយចំនួននាពេលថ្មីៗនេះ លើការទទួលបានប្រាក់ចំណេញ និងការរំពឹងទុកនៃការកើនឡើង ការផ្គត់ផ្គង់ដោយប្រទេសរុស្ស៊ី និងអារ៉ាប៊ីសាអូឌីត ដែលលើសពីការព្យាករណ៍ នៃតម្រូវការវិជ្ជមានពីប្រទេសចិន អំឡុងពេលថ្ងៃឈប់សម្រាកសប្តាហ៍មាសរបស់ខ្លួន (Golden Week Holiday)។
ប្រេងឆៅប្រភេទ Brent ខែវិច្ឆិកា នៅក្នុងកិច្ចសន្យាចែកចាយពេលអនាគត ដែលផុតកំណត់នៅថ្ងៃទី២៩ ខែកញ្ញា បានធ្លាក់ចុះ ២១ សេន មកនៅត្រឹម ៩៥.១៧ដុល្លារក្នុង១បារ៉ែល។ ចំណែកប្រេងឆៅរបស់អាមេរិក West Texas Intermediate (WTI) បានធ្លាក់ចុះ ៨ សេន មកនៅត្រឹម ៩១.៦៣ដុល្លារក្នុង១បារ៉ែល។ តម្លៃប្រេងបានធ្លាក់ចុះប្រហែល ១% កាលពីថ្ងៃទី២៨ ខែកញ្ញា បន្ទាប់ពីបានកើនឡើងដល់កម្រិតខ្ពស់ក្នុងរយៈពេល១០ខែ ហើយអ្នកខ្លះបង្ហាញក្តីបារម្ភថា អត្រាការប្រាក់ខ្ពស់ អាចនឹងប៉ះពាល់ដល់តម្រូវការប្រេង។
ទីផ្សារបច្ចុប្បន្នមានភាពតឹងតែងជាមួយនឹងការកាត់បន្ថយចំនួន ១.៣លានបារ៉ែលក្នុង១ថ្ងៃរបស់ប្រទេសរុស្ស៊ី និងអារ៉ាប៊ីសាអូឌីត រហូតដល់ដំណាច់ឆ្នាំនេះ ដែលជាផ្នែកនៃសមាជិក OPEC+ អង្គការនៃប្រទេសនាំចេញប្រេង រួមនឹងសម្ព័ន្ធមិត្ត។
នាពេលថ្មីៗនេះ ប្រទេសរុស្ស៊ីបានបន្ធូរបន្ថយការហាមឃាត់ដាច់ដោយឡែករបស់ខ្លួន លើការនាំចេញប្រេងឥន្ធនៈ ដែលត្រូវដាក់ចេញ ដើម្បីធ្វើឱ្យទីផ្សារក្នុងស្រុកមានស្ថិរភាព ហើយអ្នកវិភាគមិនរំពឹងថា ការរឹតបន្តឹងនឹងបន្តរយៈពេលយូរនោះទេ ដោយសារអាចប៉ះពាល់ដល់ដំណើរការរោងចក្រចម្រាញ់ និងប៉ះពាល់ដល់ទំនាក់ទំនងជាមួយអតិថិជន។
យោងតាមរបាយការណ៍ JPMorgan ដែលជាក្រុមហ៊ុនសេវាកម្មហិរញ្ញវត្ថុពហុជាតិរបស់សហរដ្ឋអាមេរិក បានគូសបញ្ជាក់ក្នុងកំណត់ត្រាមួយថា ប្រទេសតួកគី ប្រេស៊ីល ម៉ារ៉ុក ទុយនេស៊ី និងអារ៉ាប៊ីសាអូឌីត គឺជាទិសដៅដ៏សំខាន់សម្រាប់ប្រេងម៉ាស៊ូតរបស់ប្រទេសរុស្ស៊ីនៅឆ្នាំនេះ។ ដូច្នេះការហាមឃាត់ការនាំចេញ ដែលអូសបន្លាយនឹងជះឥទ្ធិពលអវិជ្ជមានដល់ទំនាក់ទំនងជាមួយអតិថិជនថ្មី ដែលក្រុមហ៊ុនប្រេងរុស្ស៊ីបានខំប្រឹងស្វែងរកយ៉ាងយកចិត្តទុកដាក់ក្នុងរយៈពេល១ឆ្នាំកន្លះចុងក្រោយនេះ។ វិមានក្រឹមឡាំងបានប្រកាសថា ប្រទេសរុស្ស៊ីមិនបានពិភាក្សាអំពីការកើនឡើងការផ្គត់ផ្គង់ប្រេងឆៅ ដែលអាចទូទាត់សងសម្រាប់ការហាមឃាត់ការនាំចេញប្រេងឥន្ធនៈរបស់ខ្លួនជាមួយនឹងអង្គការ OPEC+ នោះទេ។
ទិន្នន័យម៉ាក្រូសេដ្ឋកិច្ចថ្មីៗ រួមជាមួយនឹងថ្ងៃសម្រាកមាសរយៈពេលពេញ១សប្តាហ៍របស់ប្រទេសចិន ដែលបានចាប់ផ្តើមនៅថ្ងៃទី២៩ ខែកញ្ញា គឺជាការគាំទ្រសម្រាប់តម្រូវការប្រេងរបស់ពិភពលោក។
ស្របពេលទិន្នន័យបានបង្ហាញកាលពីថ្ងៃទី២៨ ខែកញ្ញាថា សេដ្ឋកិច្ចរបស់សហរដ្ឋអាមេរិក បានរក្សាបាននូវកំណើនដ៏រឹងមាំ ដោយស្មើគ្នានៅក្នុងត្រីមាសទី២ ហើយសកម្មភាពហាក់ដូចជា បានបង្កើនល្បឿននៅក្នុងត្រីមាសនេះ។ ការស្ទង់មតិទីភ្នាក់ងារសារព័ត៌មានរ៉យទ័របានឱ្យដឹងថា សកម្មភាពរោងចក្ររបស់ចិនទំនងជាមានស្ថិរភាពក្នុងខែនេះ ដោយបន្ថែមទៅលើសូចនាករជាច្រើន ដែលបង្ហាញថា សេដ្ឋកិច្ចរបស់ប្រទេសចិន បានចាប់ផ្តើមមានស្ថិរភាព៕ (ប្រភពពី Reuters)
ចែករំលែកព័តមាននេះ