តៃវ៉ាន់ផលិតបាននាវាមុជទឹកដំបូងរបស់ខ្លួន
កោះតៃវ៉ាន់ ៖ តៃវា់ន់កាលពីថ្ងៃទី២៨កញ្ញា បានបង្ហាញនាវាមុជទឹកដំបូងផលិតដោយខ្លួនឯង ដោយ
កោះតៃវ៉ាន់ ៖ តៃវា់ន់កាលពីថ្ងៃទី២៨កញ្ញា បានបង្ហាញនាវាមុជទឹកដំបូងផលិតដោយខ្លួនឯង ដោយដែនដីស្វយ័តនេះស្វែងរកពង្រឹងកងទ័ពរបស់ខ្លួន ប្រឈមមុខជាមួយចិនដីគោកក្នុងពេលកំពុងមានភាពតានតឹងកាន់តែខ្លាំងរវាងក្រុងប៉េកាំងនិងក្រុងតៃប៉ិ។
រដ្ឋាភិបាលចិនចាត់ទុកដែនកោះនោះថាជាផ្នែកមួយនៃដែនដីខ្លួន ហើយសច្ចាបង្រួបបង្រួមក្នុងថ្ងៃណាមួយ ដោយប្រើកម្លាំងបើចាំបាច់។ ថវិកាយោធាតៃវ៉ាន់ក្នុងឆ្នាំ២០២៤នឹងបង្កើនដល់ទៅ១៩ពាន់លានដុល្លារ។ ក្រុងតៃបិុមានបំណងឲ្យទទួលបាន សម្ភារយោធាពិសេសពីសម្ព័ន្ធមិត្ត សំខាន់របស់ខ្លួនគឹសហរដ្ឋងអាមេរិក តែមិនអាចទទួលបាននាវាមុជទឹក។ តាំងពីឡើងកាន់អំណាចក្នុងឆ្នាំ២០១៦មក ប្រធានាធិបតីតៃវ៉ាន់លោកស្រីTSAI ING WEN បានបង្កើតកម្មវិធីកសាងនាវាមុជទឹកក្នុងស្រុក ជាមួយទិសដៅកសាងនាវាមុជទឹកឲ្យបាន៨គ្រឿង។
នាវាមុជទឹកដែលកសាងរួចនេះមានឈ្មោះថា HAI KUN ត្រូវបានបង្ហាញនាថ្ងៃទី២៨កញ្ញា ក្នុងពិធីមួយរៀបចំធ្វើនៅទីក្រុងកំពង់ផែKAOHSIUNG ភាគខាងត្បូងតៃវ៉ាន់។ នាវាមុជទឹកនោះតម្លៃនៃនៃការកសាងមានដល់១,៥ពាន់លានដុល្លារ ដោយចាប់កសាងពីឆ្នាំ២០២០មក។ វាមានប្រវែង៨០ម៉ែត្រនិងមានទម្ងន់រវាងពី២៥០០ទៅ៣០០០តោន។ នាវាមុជទឹកនោះបំពាក់ដោយគ្រាប់បែកបុកផលិតនៅអាមេរិក។ វាត្រូវដាក់ធ្វើការសាកល្បងក្នុងសមុទ្រ ហើយអាចដាក់ឲ្យប្រើក្នុងឆ្នាំ២០២៥៕
ចែករំលែកព័តមាននេះ