ខេត្តស្ទឹងត្រែង ៖ សមត្ថកិច្ចព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តស្ទឹងត្រែងមួយក្រុម បានដាក់ពង្រាយកម្លាំងក្បែរជ្រុងផ្ទះរបស់ប្រជាពលរដ្ឋមួយកន្លែង កាលពីវេលាម៉ោងជាង៨យប់ថ្ងៃទី២១ កញ្ញា ២០២៣ ស្ថិតភូមិស្រែពោធិ៍ សង្កាត់ស្រះឬស្សី ក្រុងស្ទឹងត្រែង…
ខេត្តស្ទឹងត្រែង ៖ សមត្ថកិច្ចព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តស្ទឹងត្រែងមួយក្រុម បានដាក់ពង្រាយកម្លាំងក្បែរជ្រុងផ្ទះរបស់ប្រជាពលរដ្ឋមួយកន្លែង កាលពីវេលាម៉ោងជាង៨យប់ថ្ងៃទី២១ កញ្ញា ២០២៣ ស្ថិតភូមិស្រែពោធិ៍ សង្កាត់ស្រះឬស្សី ក្រុងស្ទឹងត្រែង ដោយមិនបានរាយការណ៍ជូនទៅព្រះរាជអាជ្ញា ។ ខណៈអ្នកច្បាប់សាលាដំបូងខេត្តស្ទឹងត្រែងថា ការអនុវត្តច្បាប់របស់កងកម្លាំងនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តស្ទឹងត្រែង គឺខុសនិងច្បាប់រដ្ឋបាល ។
ទាក់ទិនរឿងខាងលើ គឺបានឱ្យដឹងថា មានករណីស្ត្រីម្នាក់បានចេញសែកស្អុយ (ប័ណ្ណគ្មានសាច់ប្រាក់)សម្រាប់ទូទាត់បំណុល តែដោយសារក្នុងសែកនោះ មិនមានទឹកប្រាក់ ម្ចាស់បំណុលក៏បានប្តឹងទៅតុលាការ ។ សំណុំរឿងបានធ្លាក់លើចៅក្រមស៊ើបសួរ ហើយចៅក្រមបានចេញដីកាបង្គាប់ឲ្យនាំខ្លួនស្ត្រីនោះ ជាប់ពាក់ព័ន្ធករណីបទឆបោ.ក ។
លោក ទូច តារា ស្នងការរងទទួលផែនព្រហ្មទណ្ឌកំរិតស្រាលបានប្រាប់កោះសន្តិភាពភាព នៅព្រឹកថ្ងៃទី២៣ កញ្ញា ២០២៣ នេះថា កម្លាំងរបស់លោកមិនបានឡោមព័ទ្ធផ្ទះគេនោះទេ គឺអនុវត្តដីកាចៅក្រម ហើយក្នុងវេលានោះក៏ពុំបានឃាត់ខ្លួនដែរ ហើយក៏បានដកកម្លាំងមកវិញដែរ ។
អ្នកច្បាប់សាលាដំបូងខេត្តស្ទឹងត្រែងអោយដឹងថា ការអនុវត្តច្បាប់របស់កងកម្លាំងនគរបាលព្រហ្មទណ្ឌកំរិតស្រាលស្នងការដ្ឋាននគរបាលខេត្តស្ទឹងត្រែង គឺខុសនិងច្បាប់រដ្ឋបាលគឺផុតពីម៉ោងរដ្ឋ ហើយការចុះអនុវត្តច្បាប់ព័ទ្ធផ្ទះគេនោះ មិនបានរាយការណ៍ណ៍មកព្រះរាជអាជ្ញាទៀត ។
មានព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ