រយៈពេលប៉ុន្មានថ្ងៃចុងក្រោយមកនេះ តារាសម្ដែងស្រីថៃ គឺអ្នកនាង Janie nineeleven ត្រូវបានមហាជន ក៏ដូចជាអ្នកគាំទ្រនាងជាច្រើននាក់ បានសម្ដែងការហួសចិត្តគ្រប់ៗគ្នា ក្រោយពេលនាងបញ្ចេញរូបថតចុងក្រោយរបស់តារាស្រី Janie រូបនេះ ហាក់ដូចជា
ប្រទេសថៃ ៖ រយៈពេលប៉ុន្មានថ្ងៃចុងក្រោយមកនេះ តារាសម្ដែងស្រីថៃ គឺអ្នកនាង Janie nineeleven ត្រូវបានមហាជន ក៏ដូចជាអ្នកគាំទ្រនាងជាច្រើននាក់ បានសម្ដែងការហួសចិត្តគ្រប់ៗគ្នា ក្រោយពេលនាងបញ្ចេញរូបថតចុងក្រោយរបស់តារាស្រី Janie រូបនេះ ហាក់ដូចជាប្លែកខុសពីពេលមុនឆ្ងាយខ្លាំងណាស់ បើប្រៀបធៀបនាពេលបច្ចុប្បន្ន។
រហូតនាងត្រូវគេនាំគ្នាសម្រុកបញ្ចេញមតិពីមួយទៅមួយ និងផ្ទុះការរិះគន់យ៉ាងខ្លាំង គ្មានទុកមុខឱ្យបែបនេះថា «តើនាងរាល់ថ្ងៃញ៉ាំបាយដែរឬអត់? បានមើលទៅដូចជា អ្នកជំងឺអញ្ចឹង ដល់ពេលស្គមពេក មើលមិនយល់ដូច្នេះ? មិនដឹងថា គួរនិយាយបែបណាឱ្យត្រូវនោះទេ ហេតុអ្វីក៏ម្នាក់ៗនាំគ្នាសម្រករាងសល់តែឆ្អឹងអញ្ចឹង? ប្រហែលជាគិតថា ស្អាតហើយទុករាងឡើងស្គមដូចអ្នកកើតរោគបែបនេះ»។
យ៉ាងណាមិញ យើងឃើញថា បើទោះបីជាតារាស្រីដ៏ល្បី អ្នកនាង Janie Tienphosuwan ដែលមានវ័យ៤២ឆ្នាំរូបនេះ តែងតែចេញមុខមកទម្លាយនៅការរិះគន់ពីអ្នកគាំទ្រអំពីខ្លឹមសារជាបន្តបន្ទាប់នៅរូបរាង កម្លាំងនៃសុខភាពរាងកាយ រួមទាំងបញ្ជីមុខម្ហូបដែលនាងបរិភោគជាប្រចាំយ៉ាងណាក៏ដោយ។
ក្នុងនោះនាងបានលើកឡើងថា «ចំពោះរឿងទាំងអស់នេះ អាចនិយាយបានថា វាស្ទើរតែរាល់ពេលទៅហើយ ដែលខ្ញុំចេញមុខមកផ្តល់នៅបទសម្ភាសន៍។ ប៉ុន្តែហាក់បីដូចជារឿងដែលត្រូវបានគេរិះគន់រូបរាងអាក្រក់ ស្គមដូចជ្រុលពេក កំពុងតែរីករាលដាលមិនឈប់ទៅវិញ។ និងអ្វីដែលនឹកស្មានមិនដល់ជាងនេះទៅទៀតនោះ បែរជារងនូវការរិះគន់កាន់តែខ្លាំងឡើងពីអ្នកនិយមលេង Internet អំពីរូបរាងរាងកាយរបស់នាងថា បើស្គមសល់តែស្បែក និងឆ្អឹងអញ្ចឹង ឈប់ធ្វើជាតារាទៅខ្មាស់គេណាស់»។ រហូតមានអ្នកខ្លះដាក់ទៅចំៗថា «ពីមុនថា តារាស្រី Mai Davikah ទៅស្គម ឥឡូវមកតារាស្រី Janie ឯណេះវិញរឹតតែស្គមជាងជាង Mai ទ្វេរដង»។
ចំពោះបញ្ហាដែលបានកើតឡើងពាសពេញប្រព័ន្ធផ្សព្វផ្សាយ Internet នេះផងដែរ វានឹងនៅតែមិនអាចបញ្ចប់ទៅដោយងាយៗនោះទេ។ ជាពិសេសដូចជាការបង្ហោះរូបភាពចុងក្រោយដែលតារាស្រីអ្នកម៉ាក់កូនមួយ Janie បានចែករំលែកតាមរយៈនៅក្នុងគណនី Instagram ក៏ដូចជាហ្វេសប៊ុកផេករបស់នាង ។ ដោយ Janie nineeleven បានបើកបង្ហាញជារូបថតរបស់នាងក្នុងរូបរាងដ៏គួរឱ្យស្រលាញ់ខ្លាំងណាស់ អមដោយទឹកមុខស្រទន់ ជាមួយនឹងសម្លៀកបំពាក់ស្លៀករ៉ូបពណ៌ផ្កាឈូកខ្លី បញ្ចេញវាលខ្នងដ៏ស.ភ្លឺចែងចាំង ទាក់ចិត្តភ្នែកបែបផ្អែមល្ហែម ជាមួយការរចនាម៉ូដដ៏គួរឱ្យស្រលាញ់។ រួមជាមួយនឹងការបង្ហោះរូបដ៏គួរឱ្យស្រលាញ់សម្រាប់អ្នកថតរូបជិតស្និទ្ធ ដើម្បីថតរូបឱ្យបានល្អបំផុត។
ប៉ុន្តែវាផ្ទុយស្រឡះនៃការគិតទាំងស្រុងទៅវិញ នៃការបញ្ចេញមតិទៅលើរូបភាពរបស់នាង មិនត្រឹមតែមានមតិរិះគន់ដូចទឹកបាក់ទំនប់នោះទេ តារាស្រីរូបនេះ នាងក៏មានការសរសើរផងដែរ ដែលត្រូវបានគេផ្ញើសារដោយផ្ទាល់ទៅកាន់តារាស្រីល្បីឈ្មោះ Janie ថា «កុំឱ្យគិតច្រើន ធ្វើតាមនៅអ្វីដែលយើងស្រលាញ់ចង់បានទៅ កុំទៅខ្វល់នឹងសម្ដីមួយចំនួនដែលអត់បានការអី»។
ប៉ុន្តែ ក៏នៅមានសារមួយចំនួនទៀត ដែលចូលមកនិយាយអំពីរូបរាងកាយរបស់នាង រួមទាំងការបង្ហាញពីក្តីបារម្ភចំពោះសុខភាពផងដែរដូចជា ៖ «អ្នកស្គមពេក សុំរាងធាត់ជាងនឹងបន្តិចទៀតបានអត់», «សូមផ្លាស់ប្តូរការញ៉ាំអាហារសម្រក មកញ៉ាំអាហារមានការបំប៉នខ្លះមក ខ្ញុំបារម្ភពីសុខភាពរបស់អ្នកខ្លាំងណាស់ ព្រោះមើលទៅស្គមពេក», «បន្តិចទៀតនឹងធ្វើឱ្យអ្នកលែងស្អាត ហើយស្គមកាន់តែខ្លាំងដូចជាអ្នកឈឺមានជំងឺអញ្ចឹង មុខមាត់ស្អាតដូចមុន ខុសតែរូបរាងប៉ុណ្ណោះ»៕ ដោយ ៖ សុភា ដានេត
ចែករំលែកព័តមាននេះ