ADផ្ទាំងផ្សព្វផ្សាយពាណិជ្ជកម្ម

Picture

ត្រឹម​២​ថ្ងៃ​! សមត្ថកិច្ច​ចុះ​បង្ក្រាប​ឃាត់ខ្លួន​ប្រុស​ស្រី​ចំនួន​៥​នាក់ ក្នុង​ករណី​២​ផ្សេង​ៗ​ពី​គ្នា

1 អាទិត្យ មុន
  • ឧត្តរមានជ័យ

មនុស្ស​ប្រុស​ស្រី​ចំនួន​៥​នាក់ ត្រូវ​បាន​កងកម្លាំង​ប៉ូលិស និង​កម្លាំង​ប៉េ​អឹ​ម​ចុះ​ធ្វើការ​បង្ក្រាប ដោយ​ជាប់​ពាក់ព័ន្ធ​ចែកចាយ និង​ប្រើប្រាស់​គ្រឿ​.​ង​ញៀ​.​ន​ចំនួន​២​ករណី​នៅ​ទីតាំង​ផ្សេង​ៗ​គ្នា

ខេត្តឧត្តរមានជ័យ ៖ មនុស្ស​ប្រុស​ស្រី​ចំនួន​៥​នាក់ ត្រូវ​បាន​កងកម្លាំង​ប៉ូលិស និង​កម្លាំង​ប៉េ​អឹ​ម​ចុះ​ធ្វើការ​បង្ក្រាប ដោយ​ជាប់​ពាក់ព័ន្ធ​ចែកចាយ និង​ប្រើប្រាស់​គ្រឿ​.​ង​ញៀ​.​ន​ចំនួន​២​ករណី​នៅ​ទីតាំង​ផ្សេង​ៗ​គ្នា កាលពី​ថ្ងៃ​ទី​១៧ និង​ថ្ងៃ​ទី​១៨ ខែកញ្ញា ឆ្នាំ​២០២៣ ស្ថិត​នៅ​ក្នុងស្រុក​អន្លង់​វែង ខេត្តឧត្តរមានជ័យ ។

ពាក់ព័ន្ធ​នឹង​បង្ក្រាប​ខាងលើ​នេះ ករណី​ទី​១ សមត្ថកិច្ច​ប៉ូលិស​ចុះ​ធ្វើការ​បង្ក្រាប នៅ​ចំណុច​ផ្ទះ​ជួល​មួយ​​កន្លែង ស្ថិត​ក្នុងភូមិ​ទួល​ទ្រាស ឃុំ​លំ​ទង ស្រុក​អន្លង់​វែង ឃាត់ខ្លួន​មនុស្ស​៣​នាក់ ក្នុង​ស្រី​ម្នាក់ រួម​មាន ៖ ១- ឈ្មោះ ប៊ុ​ន វ៉ា​ន់ ភេទ​ប្រុស អាយុ​៤២​ឆ្នាំ មុខរបរ​មិន​ពិតប្រាកដ​, ២- ឈ្មោះ ឃុ​ត ណ​យ ភេទ​ប្រុស អាយុ​២៤​ឆ្នាំ មុខរបរ​មិ​ពិតប្រាកដ និង​៣- ឈ្មោះ យ៉េ​ង សុ​ភ័​ក្ដ​ភេទ​ស្រី អាយុ​៣៩​ឆ្នាំ មុខរបរ​មិន​ពិតប្រាកដ​។

ជនសង្ស័យ​ទាំង​៣​នាក់​នេះ រស់នៅ​ក្នុងភូមិ​ទួល​ទ្រាស ឃុំ​អន្លង់​វែង ស្រុក​អន្លង់​វែង ចំណែក​វត្ថុ​តាង​ដែល​ឆែកឆេរ និង​ដកហូត​បាន ដូច​ជា ៖ ថ្នាំ​ញៀ​.​ន​មេ​តាំ​ហ្វេ​តា​មីន ប្រភេទ​ម៉ា​ទឹកកក ICE ចំនួន​២៥​កញ្ចប់ (៩​កញ្ចប់​ធំ និង​១៦​កញ្ចប់​តូច​), ទូរស័ព្ទ​ដៃ​ចំនួន​២​គ្រឿង​, ម៉ូតូ​ចំនួន​២​គ្រឿង​, កាំ​ភ្លើ​.​ង​ខ្យល់​កែ​ច្នៃ​ចំនួន​១​ដើម​, គ្រា​.​ប់​សំណរ​ចំនួន​៨០​គ្រា​.​ប់​, ជញ្ជីង​សម្រាប់​ថ្លឹង​ថ្នាំ​ញៀ​.​ន​ចំនួន​១​គ្រឿង​, សម្ភារៈ​ប្រើប្រាស់ និង​វេច​ខ្ចប់​គ្រឿ​.​ង​ញៀ​.​ន​មួយ​ចំនួន​។

បច្ចុប្បន្ន​ជនសង្ស័យ​ខាងលើ​នេះ ត្រូវ​បាន​ឃាត់ខ្លួន​នៅ​អធិការដ្ឋាន​នគរបាល​ស្រុក ដើម្បី​សាកសួរ និង​កសាង​សំណុំរឿង​ចាត់ការ​បន្ដ​តាម​ផ្លូវច្បាប់​។

ចំណែក​ករណី​ទី​២ កងកម្លាំង​អាវុធ​ហត្ត​ស្រុក​អន្លង់​វែង ចុះ​ធ្វើការ​បង្ក្រាប​មួយ​ករណី ស្ថិត​ក្នុងភូមិ​ភូមិ​ទូល​សាលា ឃុំ​ត្រពាំង​ប្រី​យ៏ ស្រុក​អន្លង់​វែង កាលពី​វេលា​ម៉ោង​៣​រសៀល ថ្ងៃ​ទី​១៨ ខែកញ្ញា ឆ្នាំ​២០២៣​។ ជា​លទ្ធផល គឺ​ឃាត់ខ្លួន​ជនសង្ស័យ​ចំនួន​២​នាក់ ក្នុង​នោះ​១- ឈ្មោះ​មាន ថា ភេទ​ប្រុស អាយុ​២៩​ឆ្នាំ មុខរបរ​ធ្វើ​ចម្ការ រស់នៅ​ភូមិ​បឹង ឃុំ​ត្រពាំង​ប្រី​យ៏ ស្រុក​អន្លង់​វែង និង​២- ឈ្មោះ សុខ សុ​វ​ណ្ណា​រិ​ទ្ធិ ភេទ​ប្រុស អាយុ​៤២​ឆ្នាំ មុខរបរ​ធ្វើ​ចម្ការ រស់នៅ​ភូមិ​ទូល​សាលា ឃុំ​ត្រពាំង​ប្រី​យ៍ ស្រុក​អន្លង់​វែង​។

ចំណែក​ដកហូត​បាន​វត្ថុ​តាង​បាន រួម​មាន ៖ ម្ស៉ៅ​ក្រាម​ពណ៌​ស ម៉ា​ទឹកកក ចំនួន​៣​កញ្ចប់​តូច​, ទូរស័ព្ទ​ដៃ​ម៉ាក OPPO ពណ៌​ខ្មៅ ចំនួន​១​គ្រឿង​, ទូរស័ព្ទ​ម៉ាក VIVO ពណ៌​ខៀវ​លាយ​ខ្មៅ ចំនួន​០១​គ្រឿង​, ការ​បូ​ប​ស្ពាយ​ពណ៌​ខ្មៅ ចំនួន​១, ប្រអប់​ពណ៌​ស តូច​សម្រាប់​ដាក់​ថ្នាំ​ញៀ​.​ន ម៉ា​ទឹកកក ចំនួន​១៦, ម៉ូតូ​ហុងដា​ឌ្រី ពណ៌​ខ្មៅ បិទ​ស្កុ​ត​ពណ៌​ក្រហម គ្មាន​ស្លាក​លេខ ចំនួន​១​គ្រឿង​។

បច្ចុប្បន្ន ជនសង្ស័យ​ទាំង​២​ខាងលើ​នេះ ព្រមទាំង​វត្ថុ​តាង ត្រូវ​បាន​មន្ត្រី​ជំនាញ​មូលដ្ឋាន អ​.​ហ ស្រុក កំពុង​បន្ត​នីតិវិធី​នៃ​ច្បាប់​។

លោក​អធិការ​ស្រុក និង​លោក​មេបញ្ជាការ​អាវុធហត្ថ​ប៉េ​អឹ​ម ស្រុក​អន្លង់​វែង បាន​ឲ្យ​ដឹង​ថា យោង​តាម​បទបញ្ជា​ពី​ថ្នាក់​ខេត្ត យ៉ាង​តឹង​រឹង​បំផុត ឲ្យ​កងកម្លាំង​នៅ​តាម​បណ្តា​ស្រុក ត្រូវ​តែ​យកចិត្តទុក​ដាក់​បំផុត​ចំពោះ​បញ្ហា​បទល្មើស​គ្រប់​ប្រភេទ​ដូច​ជា ៖ ល្បែ​.​ង​ស៊ីសង​, ករណី​គ្រឿ​.​ង​ញៀ​.​ន​តូច ឬ​ធំ​, ក្រុម​​ចោ​.​រ​លួ​.​ច​, ចោ​.​រ​ប្ល​.​ន់​តូច ឬ​ធំ​, ក្រុម​ក្មេង​ៗ​បង្ក​អុកឡុក​ដល់​អសន្តិសុខ​កើត​មាន​ក្នុង​មូលដ្ឋាន ត្រូវ​តែ​បង្ក្រាប​មិន​ឲ្យ​កើត​មាន​បន្ត​ទៀត នៅ​តាម​បណ្តា​ក្នុងស្រុក​ឡើយ​។ ដូច​ពាក្យស្លោក​ថា «​ភូមិ​-​ឃុំ​មាន​សុវត្ថិភាព​» ពិតប្រាកដ​ជូន​ប្រជាពលរដ្ឋ ជូន​រាជរដ្ឋាភិបាល​។

លោក​អធិការ និង​លោក​មេបញ្ជាការ​អាវុធហត្ថ​ស្រុក​អន្លង់​វែង បាន​បញ្ជាក់​ថា ជាក់ស្តែង​នៅ​ក្នុង​អំឡុង​រយៈពេល​ដើមខែ​នេះ សមត្ថកិច្ច​ខិតខំ​យកចិត្តទុកដាក់ ចុះ​ធ្វើការ​ស្រាវជ្រាវ​រាល់​មុខសញ្ញា​ក្រុម​ចោ​.​រ​លួ​.​ច​, ក្រុម​ចែកចាយ​គ្រឿ​.​ង​ញៀ​.​ន​, ក្រុម​ក្មេង​ៗ​បង្ក​អុកឡុក​ដល់​អ​សនិ្ត​សុខ សមត្ថកិច្ច​បង្ក្រាប​បានជា​បន្តបន្ទាប់ ដើម្បី​ចាត់ការ​ទៅ​តាម​នីតិវិធី​ច្បាប់​៕