ចាប់បុគ្គលិកទីផ្សារក្រុមហ៊ុនលក់គ្រឿងសំណង់ម្នាក់ ទារលុយអតិជនជាង៦ពាន់ដុល្លារ រួចគេចខ្លួនបាត់
- បន្ទាយមានជ័យ
ខេត្តបន្ទាយមានជ័យ ៖ បុរសជាបុគ្គលិកផ្នែកទីផ្សារក្រុមហ៊ុនលក់គ្រឿងសំណង់ម្នាក់ ទារលុយពីអតិ
ខេត្តបន្ទាយមានជ័យ ៖ បុរសជាបុគ្គលិកផ្នែកទីផ្សារក្រុមហ៊ុនលក់គ្រឿងសំណង់ម្នាក់ ទារលុយពីអតិ
ខេត្តបន្ទាយមានជ័យ ៖ បុរសជាបុគ្គលិកផ្នែកទីផ្សារក្រុមហ៊ុនលក់គ្រឿងសំណង់ម្នាក់ ទារលុយពីអតិជនបានជាង៦ពាន់ដុល្លារ យកទៅលេងល្បែងអស់ ត្រូវម្ចាស់ក្រុមហ៊ុនដាក់ពាក្យប្តឹងឱ្យសមត្ថកិច្ចឃាត់ខ្លួនបញ្ជូនទៅសាលាដំបូងខេត្តបន្ទាយមានជ័យកាលពីថ្ងៃទី១៨ ខែកញ្ញា ឆ្នាំ២០២៣។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ជនសង្ស័យដែលឃាត់ឈ្មោះ ម៉ុន ផល្លា ភេទប្រុស អាយុ៣៥ឆ្នាំ ជាបុគ្គលិកទីផ្សារក្រុមហ៊ុនលក់គ្រឿងសំណង់ នៅភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
លោកបានបញ្ជាក់ថា ក្រោយទទួលពាក្យបណ្តឹងពីឈ្មោះ ស សំរិត ភេទប្រុស អាយុ៤៥ឆ្នាំ ជាម្ចាស់ក្រុមហ៊ុនលក់គ្រឿងសំណង់ នៅភូមិខាងលើបានប្តឹងឈ្មោះ ម៉ុន ផល្លា ជាបុគ្គលិកផ្នែកទីផ្សារ បានយកលុយចំនួន៦.៥៣៤.៥ដុល្លារ ដែលយកពីអថិតិជនថ្លៃគ្រឿងសំណង់ចំនួន៣ទីតាំង ហើយគេចខ្លួន។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ក្រោយទទួលពាក្យបណ្តឹងខាងលើភ្លាម កម្លាំងជំនាញបានស្រាវជ្រាវដឹង និងធ្វើលិខិតអញ្ជើញជនសង្ស័យឱ្យចូលខ្លួនបំភ្លឺនៅទីបញ្ជាការដ្ឋានកងរាជអាវុធហត្ថក្រុងប៉ោយប៉ែត និងធ្វើការសាកសួរ បើតាមចម្លើយសារភាពរបស់ជនសង្ស័យថា ពិតជាបានយកលុយរបស់ក្រុមហ៊ុមលក់គ្រឿងសំណង់ទៅលេងល្បែងនិងចាយអស់ ។ បន្ទាប់មកជនសង្ស័យត្រូវសមត្ថកិច្ចសម្រេចឃាត់ខ្លួននៅថ្ងៃទី១៧ ខែកញ្ញា ឆ្នាំ២០២៣ និងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមច្បាប់ ៕
ចែករំលែកព័តមាននេះ