បុរសជាជនជាតិចិនម្នាក់ មានទំនាស់ពាក្យសម្តីគ្នានៅក្នុងហាងផឹកស៊ីមួយកន្លែង រហូតវា.យបុរសម្នាក់ជាជនជាតិចិនដូចគ្នាបណ្តាលឱ្យរងរបួសបែកក្បាលជាច្រើនថ្នេរ ហូរឈា.មស្រោចខ្លួន បន្ទាប់មក
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសជាជនជាតិចិនម្នាក់ មានទំនាស់ពាក្យសម្តីគ្នានៅក្នុងហាងផឹកស៊ីមួយកន្លែង រហូតវា.យបុរសម្នាក់ជាជនជាតិចិនដូចគ្នាបណ្តាលឱ្យរងរបួសបែកក្បាលជាច្រើនថ្នេរ ហូរឈា.មស្រោចខ្លួន បន្ទាប់មកបុរសជាបង្ករត់គេចខ្លួនបាត់ ស្រាប់តែបុរសជនជាតិចិនដែលត្រូវរងរបួសខឹងក៏វា.យបំផ្លិចបំផ្លាញទ្រព្យសម្បត្តិនៅខាងមុខផ្ទះរបស់បុរសជាបង្កខ្ទេចខ្ទីអស់មួយចំនួន បង្កឱ្យភ្ញាក់ផ្អើលដល់សមត្ថកិច្ចកាលពីវេលាម៉ោង១០និង១៥នាទីយប់ ថ្ងៃទី១៦ ខែកញ្ញា ឆ្នាំ២០២៣ នៅត្រង់ចំណុចផ្ទះយីហោ «សាឡន មីងជៀន» ទល់មុខហាងកើតហេតុ យីហោ «ម្ហូបឆ្នាំងដី» ស្ថិតក្នុងភូមិព្រៃទារ២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
បើតាមប្រភពព័ត៌មាននៅកន្លែងកើហេតុ បានប្រាប់ឱ្យដឹងថា នៅមុនពេលកើតហេតុ គេឃើញបុរសជាជនជាតិចិន២នាក់ (ជនបង្ក និងជនរងគ្រោះ) បានចូលទៅអង្គុយផឹកស៊ីនៅក្នុងហាងយីហោ «ម្ហូបឆ្នាំងដី» ដែលនៅទល់មុខផ្ទះរបស់បុរសបង្ក។ បន្ទាប់ពីផឹកស៊ីស្រវឹងរៀងៗខ្លួន ដោយមិនដឹងថា តើពួកគេទាំង២នាក់នោះមានទំនាស់ពាក្យសម្តីគ្នា ឬដើមហេតុចេញពីរឿងអ្វីនោះទេ? ស្រាប់តែនៅសុខៗបុរសជាជនបង្ក និងបុរសជារងគ្រោះ បានឈ្លោះប្រកែកគ្នាយ៉ាងខ្លាំង ហើយក៏ប្រវា.យប្រតប់គ្នាតែម្ដង បណ្តាលឱ្យបុរសជនជាតិម្នាក់រងគ្រោះបែកក្បាលហូរឈា.មស្រោចខ្លួន ដេរអស់ជាច្រើនថ្នេរ ចំណែកបុរសជាជនជាតិចិនបង្ក ក៏រត់គេចខ្លួនបាត់ស្រមោលទៅ។
ប្រភពដដែលបានបន្តថា ក្រោយមក បុរសជាជនជាតិចិនរងគ្រោះ ក៏បានស្ទុះដើរទៅយកតុឈើ រួចវា.យបំផ្លិចបំផ្លាញសម្ភារៈដែលនៅខាងមុខផ្ទះរបស់បុរសបង្ក ទល់មុខហាងផឹកស៊ីនោះ បណ្តាលឱ្យរងការខូចខាតទ្រព្យសមប្បត្តិអស់មួយចំនួន បង្កឱ្យមានការភ្ញាក់ផ្អើលដល់សមត្ថកិច្ចចុះទៅអន្តរាគមន៍ រួចនាំខ្លួនបុរសរងគ្រោះទៅមន្ទីពេទ្យ បន្ទាប់មកទទួលពាក្យបណ្តឹងនៅប៉ុស្តិ៍នគរបាលចោមចៅទី៣ ដើម្បីស្រាវជ្រាវតាមរកបុរសជាបង្កឃាត់ខ្លួនមកដោះស្រាយគ្នាទៅតាមនីតិវិធីនៃច្បាប់៕
ចែករំលែកព័តមាននេះ