កម្លាំងសមត្ថកិច្ចចម្រុះដឹកនាំដោយព្រះរាជអាជ្ញារងអមសាលាដំបូងខេត្ត បានចុះបង្ក្រាបទីតាំងល្បែ.ងបញ្ចល់មាន់តាមអនឡាញដុះស្លែដោយខុសច្បាប់មួយកន្លែង
ខេត្តកំពង់ចាម ៖ កម្លាំងសមត្ថកិច្ចចម្រុះដឹកនាំដោយព្រះរាជអាជ្ញារងអមសាលាដំបូងខេត្ត បានចុះបង្ក្រាបទីតាំងល្បែ.ងបញ្ចល់មាន់តាមអនឡាញដុះស្លែដោយខុសច្បាប់មួយកន្លែង កាលពីវេលាម៉ោង៨យប់ ថ្ងៃទី១៤ ខែកញ្ញា ឆ្នាំ២០២៣ ស្ថិតនៅក្នុងភូមិទី៤ សង្កាត់វាលវង់ ក្រុងកំពង់ចាម ដោយឃាត់ខ្លួនអ្នកញៀ.នល្បែ.ងបានចំនួន១០នាក់ ព្រមទាំងដកហូតវត្ថុតាងលុយ និងម៉ូតូជាច្រើនគ្រឿងទៀតផង។
បើតាមប្រភពពីសមត្ថកិច្ច បានប្រាប់ឲ្យដឹងកាលពីព្រឹកថ្ងៃទី១៥ ខែកញ្ញា នេះថា ដោយទទួលបានការណែនាំពីសំណាក់ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈបញ្ជាការឯកភាពខេត្ត លោក លី សុវណ្ណ អភិបាលក្រុង បានបើកប្រតិបត្តិការឆ្មក់បង្ក្រាបទីតាំងល្បែ.ងស៊ីសង ក្រោមការសម្របសម្រួលនីតិវីធីពីលោក សេង រិទ្ធី ព្រះរាជអាជ្ញារង នៃអយ្យការអមសាលាដំបូងខេត្ត គឺមិនឱ្យក្រុមអ្នកញៀ.នល្បែ.ងទាំងនោះដឹងខ្លួនជាមុនឡើយ។
សមត្ថកិច្ច បានប្រាប់បន្តថា នៅក្នុងប្រតិបត្តិការចុះបង្ក្រាបបទល្មើសល្បែ.ងស៊ីសងខាងលើនេះក្នុងនោះរួមមាន ៖ កម្លាំងនគរបាលព្រហ្មទណ្ឌក្រុងកំពង់ចាម កម្លាំងប៉ុស្ដិ៍នគរបាលរដ្ឋបាលវាលវង់ កម្លាំងកងរាជអាវុធហត្ថក្រុងកំពង់ចាម ចុះបង្ក្រាបកន្លែងលួ.ចលា.ក់លេងល្បែ.ងស៊ីសង (ជល់មាន់តាមទូរទស្សន៍អនឡាញ ភ្នាល់ដាក់ប្រាក់) នៅចំណុចរោងបុកប៊ីយែរ ស្ថិតក្នុងនៅភូមិទី៤ សង្កាត់វាលវង់ ក្រុងកំពង់ចាម ។
សមត្ថកិច្ចបានប្រាប់បន្តទៀតថា ដោយមានការបញ្ជា និងការសម្របសម្រួលពីលោក សេង រិទ្ធី ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម សមត្ថកិច្ចបានធ្វើការឃាត់ខ្លួនអ្នកញៀ.នល្បែ.នចំនួន១០នាក់ ក្នុងនោះប្រុសទាំងអស់។ ហើយដកហូតសម្ភារៈមួយចំនួន ដូចជា ៖ ទូរស័ព្ទចំនួន១៥គ្រឿង, ម៉ូតូចំនួន១១គ្រឿង, កាបូបដៃពណ៌ខ្មៅ ចំនួន០៣, ដុំសាកទូរស័ព្ទចំនួន១, កាបូបស្ពាយពណ៌ខ្មៅចំនួន១, ប្រាក់ដុល្លារចំនួន៣០១០ដុល្លារ, ប្រាក់រៀល ចំនួន១៣.៥៧២.០០០រៀល, ទូរទស្សន៍ម៉ាក LG ចំនួន០១គ្រឿង, កុំព្យូទ័រម៉ាក LEOVOSE ចំនួន០២គ្រឿង, ឃីបត ចំនួន០២ (ដុំសាកថ្មចំនួន០២, ឌុយភ្លើងចំនួន០២ ក្បាលវាយហ្វាយចំនួន០៣), ឡេបថបម៉ាក GATEWAY ចំនួន០១គ្រឿង និងរថយន្ដចំនួន០២គ្រឿង (ម៉ាកLEXUS 350 ពណ៌ស ពាក់ស្លាកលេខ ភ្នំពេញ2BW-7477មួយគ្រឿង និងម៉ាក PRIUS ពណ៌ស ពាក់ស្លាកលេខ ត្បូងឃ្មុំ 2A-2322 មួយគ្រឿងទៀត។ ហើយក្នុងការធ្វើតេស្តស្វែងរកសាធាតុញៀ.ន ជាលទ្ធផលគឺអវិជ្ជមានទាំង១០នាក់។
បច្ចុប្បន្ន ក្រុមអ្នកញៀ.នល្បែ.ងខាងលើនេះ ត្រូវបានឃាត់ខ្លួនជាបណ្ដោះអាសន្ននៅអធិការដ្ឋាននគរបាលក្រុងកំពង់ចាម តាមបញ្ជារបស់លោក សេង រិទ្ធី ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម ដើម្បីសួរនាំ។
សមត្ថកិច្ចបញ្ជាក់ថា ទីតាំងបើកល្បែ.ងស៊ីសងដោយខុសច្បាប់នេះ ធ្លាប់ត្រូវបានកម្លាំងនគរបាលក្រុងកំពង់ចាម ធ្វើកិច្ចសន្យាអប់រំចំនួន២លើករួចមកហើយ គឺមិនអនុញ្ញាតឱ្យលេងល្បែ.ងខុសច្បាប់បន្តទៀតនោះទេ។ មិនត្រឹមតែប៉ុណ្ណោះទីតាំងនេះ បានជួលពីបុរសម្នាក់ឈ្មោះវណ្ណា ឱ្យទៅអ្នកផ្សេង ហើយលោកព្រះរាជអាជ្ញារងក៏បានកោះហៅឲ្យបុរសរូបនេះ ចូលខ្លួនមកបំភ្លឺថា តើជួលឱ្យបុគ្គលណាម្នាក់ឈ្មោះអ្វី? ហើយមានដឹងគេថា តើលួ.ចបើកលេងល្បែ.ងដោយខុសច្បាប់ដែរឬទេ?
នៅពេលដែលសមត្ថកិច្ចនាំខ្លួនក្រុមអ្នកញៀ.នល្បែងទាំង១០នាក់ខាងលើមកកាន់អធិការដ្ឋាននគរបាលក្រុងកំពង់ចាម ពួកគាត់ទាំងនោះមិនបានឆ្លើយបំភ្លឺ និងស្គាល់អ្នកណាជាម្ចាស់ទីតាំងល្បែ.ងពិតប្រាកដនៅឡើយទេ។ ហើយសមត្ថកិច្ចក៏បានលួ.ចខ្សឹបប្រាប់ទៀតថា «កន្លែងបើកទីតាំងល្បែ.ងខុសច្បាប់នេះ អ្នកមើលការខុសត្រូវមានឈ្មោះថា បញ្ញា»។
ចែករំលែកព័តមាននេះ