ADផ្ទាំងផ្សព្វផ្សាយពាណិជ្ជកម្ម

Picture

ស្រី​តែងខ្លួន​ជា​ប្រុស តាម​នារី​ម្នាក់​ជាង​២​ឆ្នាំ ត្រូវ​សមត្ថកិច្ច​កោះហៅធ្វើ​កិច្ចសន្យា​បញ្ឈប់​តាម​រំខាន​ជីវិត​នាង​ទៀត

10 ខែ មុន

រាជធានី​ភ្នំពេញ ៖ អស់​រយៈពេលប្រហែលជា​ជាង​០២​ឆ្នាំ កន្លង​មក​ហើយ ជីវិត​នារី​វ័យក្មេង​រូប​ស្រស់​ស្អាត​ម្នាក់ គ្មាន​សេរីភាព​សោះឡើយ ដោយសារ​តែស្ត្រី​ម្នាក់​តែងខ្លួន​ជា​ប្រុស (​ជាភេទ​ទី​៣ និង​ជាអតីត​អ្នកធ្វើការ​ជាមួយ​គ្នា​) តែងតែ​ជិះ​ម៉ូតូ​តាម​ស្ទើរ​គ្រប់ពេលវេលា…

រាជធានី​ភ្នំពេញ ៖ អស់​រយៈពេលប្រហែលជា​ជាង​០២​ឆ្នាំ កន្លង​មក​ហើយ ជីវិត​នារី​វ័យក្មេង​រូប​ស្រស់​ស្អាត​ម្នាក់ គ្មាន​សេរីភាព​សោះឡើយ ដោយសារ​តែស្ត្រី​ម្នាក់​តែងខ្លួន​ជា​ប្រុស (​ជាភេទ​ទី​៣ និង​ជាអតីត​អ្នកធ្វើការ​ជាមួយ​គ្នា​) តែងតែ​ជិះ​ម៉ូតូ​តាម​ស្ទើរ​គ្រប់ពេលវេលា ត្រូវ​បាន​មន្ត្រី​ប៉ុស្តិ៍​នគរបាល​រដ្ឋបាល​ភ្នំពេញ​ថ្មី កោះហៅ​សាកសួរ និង​បញ្ជូន​​ទៅ​អធិការដ្ឋាន​នគរបាល​ខណ្ឌ​សែន​សុខ ដើម្បី​ចាត់ការ​តាម​នីតិវិធី ។

ក្រុមការងារ​ព័ត៌មាន និង​ប្រតិកម្ម​រហ័ស នៃ​ស្នងការដ្ឋាន​នគរបាល​រាជធានី​ភ្នំពេញ បានអោយ​ដឹង​ថា ក្រោយ​ពី​បានឃើញ​នូវ​ហេតុការណ៍​បង្ហោះ​វី​ដេ​អូ​មួយ​ឃ្លី​ប តាម​បណ្តាញ​ព័ត៌មាន​សង្គម​ពី​សំណាក់​ស្ត្រី​ម្នាក់ ចោទប្រកាន់​ស្ត្រី​ម្នាក់​តែងខ្លួន​ជា​ប្រុស​ដែល​ជា​(​អតីត​អ្នកធ្វើការ​ជាមួយ​គ្នា​) បាន​តាម​អុកឡុក​រំខាន​ដល់​ជីវិត​នាង​ជា​រៀងរាល់ថ្ងៃ​ប​នោះ លោកនាយ​ប៉ុស្តិ៍​នគរបាល​រដ្ឋបាល​ភ្នំពេញ​ថ្មី នៃ​អធិការដ្ឋាន​នគរបាល​ខណ្ឌ​សែន​សុខ បាន​បញ្ជាក់​ថា នៅ​រសៀល​ថ្ងៃ​ទី​១៣ ខែកញ្ញា ឆ្នាំ​២០២៣ ស្ត្រី​តែងខ្លួន​ជា​ប្រុស​មានឈ្មោះ ឡុ​ង សុខ​គី​ម អាយុ​៣៣​ឆ្នាំ រស់នៅ​ភូមិ​ចំការ​ឳ​ឡឹ​ក សង្កាត់​កា​កាប​១ ខណ្ឌ​ពោធិ៍​សែន​ជ័យ ត្រូវ​បាន​បញ្ជូន​ទៅ​អធិការដ្ឋាន​នគរបាល​ខណ្ឌ​សែន​សុខ ដើម្បី​ចាត់ការ​តាម​នីតិវិធី បន្ទាប់​ពី​ស្ត្រី​តែងខ្លួន​ជា​ប្រុស បាន​ចូលខ្លួន​តាម​ការ​កោះហៅ​របស់​មន្ត្រី​ប៉ុស្តិ៍​នគរបាល​រដ្ឋបាល​ភ្នំពេញ​ថ្មី ។

លោកនាយ​ប៉ុស្តិ៍​នគរបាល​រដ្ឋបាល​ភ្នំពេញ​ថ្មី បាន​បកស្រាយ​ថា កាលពី​ថ្ងៃ​ទី​០៤ ខែកុម្ភៈ ឆ្នាំ​២០២៣ កន្លង​ទៅ​នេះ ស្ត្រី​ឈ្មោះ វណ្ណ ឌី​លក្ខណ៍ អាយុ​៣១​ឆ្នាំ ទីលំនៅ​បច្ចុប្បន្ន​ផ្ទះ​លេខ​១៣៨ ផ្លូវ​១៩៨៦ ភូមិ​ទំនប់ សង្កាត់​ភ្នំពេញ​ថ្មី ខណ្ឌ​សែន​សុខ បាន​ប្តឹង​ឈ្មោះ ឡុ​ង សុខ​គី​ម ភេទ​ស្រី អាយុ​៣៣​ឆ្នាំ រស់នៅ​ភូមិ​ចំការ​ឳ​ឡឹ​ក សង្កាត់​កា​កាប​១ ខណ្ឌ​ពោធិ៍​សែន​ជ័យ ពី​បទ​តាម​អុកឡុក ។

នៅ​ពេល​នោះ មន្ត្រី​ប៉ុស្តិ៍​នគរបាល​រដ្ឋបាល​ភ្នំពេញ​ថ្មី ក៏​បាន​កោះហៅ​ស្ត្រី​រង​ការ​ចោទប្រកាន់ ដើម្បី​សាកសួរ​ជុំវិញ​បណ្តឹង​នេះ​។ លុះ​នៅ​ថ្ងៃ​ដដែល ភាគី​ទាំង​ពីរ គឺ​ស្ត្រី​ដើមបណ្តឹង និង​ស្ត្រី​ចុង​បណ្តឹង ក៏​បាន​សម្របសម្រួល​គ្នា​ម្តង​រួច​មក​ហើយ សម្រេច​ដក​ពាក្យបណ្តឹង​ពី​ប៉ុស្តិ៍​នគរបាល​រដ្ឋបាល​ភ្នំពេញ​ថ្មី មិន​ប្តឹង​ចោទ​ស្ត្រី​ចុង​បណ្តឹង​នោះ​ទៀត​ទេ ។

នៅ​ពេល​នោះ សម្រាប់​ស្ត្រី​ចុង​បណ្តឹង តែងខ្លួន​ជា​ប្រុស​មានឈ្មោះ ឡុ​ង សុខ​គី​ម សមត្ថកិច្ច​សម្រប​ប​សម្រួល​បញ្ចប់​វិវាទ ដោយ​ឲ្យ​ធ្វើ​កិច្ចសន្យា​បញ្ឈប់​សកម្មភាព​តាម​យាយី អុកឡុក ក្នុង​ជីវិត​ស្ត្រី​ដើមបណ្តឹង​តទៅ​ទៀត ក្នុង​ករណី​បើ​មាន​កើតឡើង​បន្ត​ទៀត ស្ត្រី​ខាងលើ នឹង​ទទួលខុសត្រូវ ចំពោះ​មុខ​ច្បាប់ ។

ដោយឡែក គណនី​ហ្វេ​ស​ប៊ុ​ក​ឈ្មោះ Ah Leak បាន​ធ្វើការ live វី​ដេ​អូ ដើម្បី​ឲ្យ​បងប្អូន​មហាជន​នៅ​ក្នុង​បណ្តាញ​សង្គម​ហ្វេ​ស​ប៊ុ​ក បាន​ស្គាល់​មុខមាត់មនុស្ស​ស្រី​ធ្វើ​ប្រុស​រូប​នេះ និង​​សំណូមពរ​ទៅ​កាន់​សមត្ថកិច្ច​ខណ្ឌ​សែន​សុខ​ថា តើ​ឲ្យ​រូប​នាង​ទៅ​ប៉ុស្តិ៍​ប៉ុន្មាន​ដង​ទៀត ព្រោះ​នាង​បាន​ទៅ​ប្តឹង​ច្រើន​លើក​ច្រើន​សារ​រួច​ហើយ​។ នៅ​ពេល​នាំ​ខ្លួន​មនុស្ស​ភេទ​ទី​៣​រូប​នេះ ទៅ​ប៉ុស្តិ៍ សូម​ឲ្យ​ឪពុក​ម្តា​យមក​ធានា​ឲ្យ​ឈប់​តាម​រំខាន​ជីវិត​របស់​នាង​ទៀត ចុះ​ហេតុ​អ្វី​បានជា​បណ្តែតបណ្តោយ​ឲ្យ​មនុស្ស​រោគ​ចិត្ត​ដដែល​នេះ នៅ​តែម​កតាម​បែប​នេះ​ទៀត ? ខណៈ​រូប​នាង​ជា​កូនកំព្រា ទៀត​នោះ ៕

អត្ថបទសរសេរ ដោយ