ADផ្ទាំងផ្សព្វផ្សាយពាណិជ្ជកម្ម

Picture

ផ្ទុះ​វែកញែក​! ក្រោយ​ពី​លោក ម៉​ម មិថុនា បញ្ជាក់​ថា ម្ចាស់​បទ «​ឱ ភ្នំពេញ​អើយ​» ជា​បទ​របស់​ឪពុក​លោក

10 ខែ មុន
  • ភ្នំពេញ

រាល់ពេល​ស្ដាប់​បទ​ចម្រៀង​ប្រវត្តិសាស្ត្រ «​ឱ ភ្នំពេញ​អើយ​» ពលរដ្ឋ​ខ្មែរ​គ្រប់​រូប​ដែល​ឆ្លងកាត់​សម័យ​របប​ប៉ុ​ល​ពត ប្រាកដជា​នឹកឃើញ​ដល់​គ្រា​ឈឺចាប់​បំផុត ដែល​ទីក្រុង​ភ្នំពេញ​ដ៏​ស្រស់​ស្អាត ត្រូវ​ធ្លាក់​ក្រោម​​ការ​គ្រប់គ្រង​របស់​របប​ខ្មែរក្រហម មក​បំផ្លាញ

រាជធានី​ភ្នំពេញ ៖ រាល់ពេល​ស្ដាប់​បទ​ចម្រៀង​ប្រវត្តិសាស្ត្រ «​ឱ ភ្នំពេញ​អើយ​» ពលរដ្ឋ​ខ្មែរ​គ្រប់​រូប​ដែល​ឆ្លងកាត់​សម័យ​របប​ប៉ុ​ល​ពត ប្រាកដជា​នឹកឃើញ​ដល់​គ្រា​ឈឺចាប់​បំផុត ដែល​ទីក្រុង​ភ្នំពេញ​ដ៏​ស្រស់​ស្អាត ត្រូវ​ធ្លាក់​ក្រោម​ការ​គ្រប់គ្រង​របស់​របប​ខ្មែរក្រហម មក​បំផ្លាញ​សុខ​សន្តិភាព​របស់​ប្រជាជន​ខ្មែរ អគារ​ខ្ពស់​ៗ ជីវិត​ពលរដ្ឋ​ស្លា​.​ប់ និង​បែកបាក់​គ្រួសារ​ផង​ដែរ​។

ហើយដោយ​ការ​ខិតខំ​ប្រឹងប្រែង​តស៊ូ​រំដោះជាតិ​មាតុភូមិ ក្រោម​នយោបាយ ឈ្នះ ឈ្នះ របស់​សម្តេច​តេ​ជោ ហ៊ុន សែន​… នៅ​ទីបំផុត​! របប​ខ្មែរក្រហម​ក៏​ត្រូវ​ដួល​រលំ​។ ចំណែក​ប្រជាពលរដ្ឋ​រង​ការ​លំបាក ស្រេកឃ្លាន​នៅ​តាម​ជនបទ ក៏​បាន​វិល​ត្រឡប់​មក​ទីក្រុង​ភ្នំពេញ​វិញ ក្រោយ​ពី​ត្រូវ​បាន​ដេញ​ចេញពី​ទីក្រុង​ភ្នំពេញ​អស់​រយៈពេល​៣​ឆ្នាំ​៨​ខែ​២០​ថ្ងៃ​។

គ្រា​ពេល​នោះ​បទ «​ឱ​ភ្នំពេញ​អើយ​» ក៏​ចាប់ផ្ដើម​ល្បីល្បាញ ហើយ​ប្រជាពលរដ្ឋ​ខ្មែរ​ទាំងអស់​ទទួលស្គាល់ ដឹង និង​ចង​ចាំ​ថា បទ​នេះ ជា​ការ​តែង​និពន្ធ​ទំនុកច្រៀង​ដោយ ៖ ឯកឧត្ដម កែវ ចិន្ដា តែ​ម្នាក់​គត់ និង​សម្រួល​កែ​បទ​ភ្លេង​ដោយ​លោក ជ័យ សោភា ច្រៀង​ដោយ ៖ អ្នក​នាង សូ ច​ន្នី​។ មិន​ត្រឹមតែ​ប៉ុណ្ណោះ បទ​នេះ​ត្រូវ​បាន​ថត​នៅ​ថ្ងៃ​ទី​៣ ខែមករា ឆ្នាំ​១៩៧៩ ក្នុង​ខេត្តក្រចេះ ហើយ​ចាក់​ផ្សាយ​នៅ​ថ្ងៃ​ទី​៧ ខែមករា ឆ្នាំ​១៩៧៩ និង​ជា​បទ​ចម្រៀង​ដំបូង​គេ ដែល​ចាក់​ផ្សាយ បន្ទាប់​ពី​របប​ខ្មែរក្រហម​ដួល​រលំ​។ បទ​ចម្រៀង​ដ៏​កម្សត់​នេះ បង្ហាញ​ពី​ការ​ចាប់ផ្ដើម​ជីវិត​ថ្មី​ក្នុង​វិស័យ​សិល្បៈ វប្បធម៌ និង​វិស័យ​ផ្សេង​ៗ​នៅ​កម្ពុជា ហើយ​ក៏​ជា​បទ​ចម្រៀង​មួយ​បទ ដែល​គត់​ត្រា​ការ​ចង​ចាំ ក្ដី​ឈឺចាប់ មិន​អាច​បំភ្លេច​បាន​របស់​ពលរដ្ឋ​ខ្មែរ​ក្នុ​របប​ខ្មែរក្រហម​។

ចំពោះ​ការ​លើក​ឡើង​របស់​លោក ម៉​ម មិថុនា ដែល​បាន​លើក​ទ្បើ​ង​ថា ឪពុក​របស់​លោក គឺ​លោក ម៉​ម ធឿ​ន ជា​អ្នកនិពន្ធ​នោះ ជា​រឿង​ដ៏​គួរ​ឲ្យ​ភ្ញាក់ផ្អើល និង​ចម្លែក​មួយ​សម្រាប់​មហាជន ដោយ​លោក​លើក​ទ្បើ​ង​ថា «​បទ​ចម្រៀង «​ឱ ភ្នំពេញ​អើយ​» គឺជា​ស្នាដៃ​និពន្ធ​របស់​ឪពុក​គាត់ គឺ​លោក​ពុក ម៉​ម ធឿ​ន លោក​អ៊ំ ជ័យ សោភា និង​លោកពូ អ៊ឹម ឈឿ​ន ដែល​និពន្ធ​បទ​ភ្លេង​ដោយ​ពុក និង​និពន្ធ​ទំនុកច្រៀង​ដោយ​គាត់​ទាំង​៣​នាក់ ច្រៀង​ដោយ​អ្នក​មីង សូ ចាន់​នី​។ ហើយ​បន្តិចទៀត ខ្ញុំ​នឹង​បង្ហោះ​សាក្សី​ដែល​គាត់​បាន​និពន្ធ​ជាមួយ​គ្នា ព្រោះ​គាត់​នៅ​មានជីវិត​នៅឡើយ ហើយ​ការ​បង្ហោះ​របស់ខ្ញុំ​នេះ មិន​មាន​ចេតនា​ផ្ចាញ់ផ្ចាល ឬ​ចង់​ចាញ់​ឈ្នះ​អ្វី​នោះ​ទេ ខ្ញុំបាទ​គ្រាន់តែ​ចង់​រក្សា​ស្នាដៃ និង​កេរ្តិ៍ឈ្មោះ​របស់​ឪពុក​ខ្ញុំ​តែ​ប៉ុណ្ណោះ​។ ប្រសិនបើ​មានការ​ខុសឆ្គង ខ្ញុំបាទ​សុំ​អភ័យទោស​ទុកជា​មុន​»​។

ក្នុង​នោះ​ផង​ដែរ ចៅ​ៗ និង​កូន​របស់​ឯកឧត្ដម កែវ ចិន្ដា ដែល​គេ​ស្គាល់​ថា គឺជា​ម្ចាស់​ស្នាដៃ​តែង​និពន្ធ​បទ «​ឱ​ភ្នំពេញ​អើយ​» ពិតប្រាកដ ក៏​បាន​ចេញ​មុខ​មក​តវ៉ា​កា​ពារ ដើម្បី​ថែរក្សា​មរតក​របស់​ឯកឧត្ដម កែវ ចិន្តា ត្រូវជា​លោកតា និង​ជា​ឪពុក​របស់​គាត់ ដោយ​ភ្ជាប់​ជាមួយ​ឯកសារ​ពិត ដែល​បាន​ចងក្រង​ជា​យូរ​មក​ហើយ​នៅ​លើ​បណ្ដាញ​សង្គម និង Google Internet​។ ក្នុង​នោះ​ក៏​មាន​សិល្បករ សិល្ប​ការិនី​ជា​ច្រើន​រូប​បាន​បង្ហោះ​សារ ក៏​ដូច​ជា Video បញ្ជាក់​ថា «​ឯកឧត្តម កែវ ចិន្តា ជា​ម្ចាស់​ស្នាដៃ​តែង​និពន្ធ​តែ​មួយ​រូប​គត់ ដែល​គាត់​ទទួលស្គាល់​»​។

សិល្បករ សិល្ប​ការិនី​ទាំងអស់​ខាងលើ​នោះ​មាន​ដូច​ជា ៖ អ្នក​នាង ម៉េ​ង កែវ​ពេ​ជ្ជ​តា​, លោក អ៊ុ​ក ណា​រិ​ន​, ឯកឧត្ដម ជុំ កុសល់ អតីតរដ្ឋមន្ត្រី​ក្រសួង​ព័ត៌មាន​, ឯកឧត្តម ខៀវ កញ្ញា​រិ​ទ្ធ​, ឯកឧត្តម ជា ច័ន្ទ​បរិបូ​ណ៍ រួម​ទាំង​ផេ​ក​ដំណើរ​ខ្មែរ និង​សិល្បករ សិល្ប​ការិនី​ជា​ច្រើន​រូប​ទៀត​ផង​។

សូម​បញ្ជាក់​ថា ប្រវត្តិសាស្ត្រ​អម​ដោយ​ឯកសារយោង បទ «​ឱ ភ្នំពេញ​អើយ​» តែង​និពន្ធ​ទំនុកច្រៀង​ដោយ​ឯកឧត្តម កែវ ចិន្តា សម្រួល​កែ​បទ​ភ្លេង​ដោយ​លោក ជ័យ សោភា រៀង​ដោយ​អ្នក​នាង សូ ច​ន្នី និង​ឯកឧត្តម កែវ ចិន្តា អតីតរដ្ឋមន្ត្រី​ក្រសួង​វប្ប​ធ​ម៍ និង​ជា​អតីត​អភិបាល​រាជធានី​ភ្នំពេញ និង​ជា​ម្ចាស់​តែង​និពន្ធ​ទំនុកច្រៀង​បទ «​ឱ​ភ្នំពេញ​អើយ​» តែ​ម្នាក់​គត់​។

សូម​បញ្ជាក់​ទៀត​ថា ពេល​នេះ យើង​នៅ​មិន​ទាន់​ដឹង​ច្បាស់​នៅ​ទ្បើ​យ​ទេ​ថា បទ «​ឱ ភ្នំពេញ​អើយ​» ម្ចាស់​បទ គឺជា​នរណា​អោយ​ប្រាកដ​នោះ​ទេ តែបើ​តាម page ដំណើរ​ខ្មែរ ដែល​ជា page តែងតែ​បង្ហោះ​អំពី​ប្រវត្តិរូប​តារាចម្រៀង​ខ្មែរ​សម័យ​ដើម និង​បទ​ចម្រៀង រួម​ទាំង​របាំ​បុរាណ និង​សិល្បករ សិល្ប​ការិនី​ខ្មែរ​ជា​ច្រើន​រូប គឺ​បាន​បញ្ជាក់​យ៉ាង​ច្បាស់​ថា ម្ចាស់​បទ «​ឱ ភ្នំពេញ​អើយ​» គឺជា​ការ​តាក់តែង​របស់​ឯកឧត្តម កែវ ចិន្តា តែ​ម្នាក់​គត់​។ ដោយ ៖ សុជាតា

អត្ថបទសរសេរ ដោយ

កែសម្រួលដោយ