ខេត្តក្រចេះ ៖ ក្រុមក្មេងទំនើងស្រី-ប្រុសចំនួន២៦នាក់ ត្រូវបានឃាត់ខ្លួនដោយកម្លាំងអធិការដ្ឋាននគរបាល ដើម្បីធ្វើការអប់រំ កាលពីយប់រំលងអធ្រាត្រឈានចូលថ្ងៃទី១២ ខែកញ្ញា ឆ្នាំ២០២៣។ប្រតិបត្តិការនេះ កម្លាំងអធិការដ្ឋានក្រុងក្រចេះ បានរួមសហការជាមួយប៉ុស្តិ៍នគរបាលរដ្ឋបាលក្រចេះ…
ខេត្តក្រចេះ ៖ ក្រុមក្មេងទំនើងស្រី-ប្រុសចំនួន២៦នាក់ ត្រូវបានឃាត់ខ្លួនដោយកម្លាំងអធិការដ្ឋាននគរបាល ដើម្បីធ្វើការអប់រំ កាលពីយប់រំលងអធ្រាត្រឈានចូលថ្ងៃទី១២ ខែកញ្ញា ឆ្នាំ២០២៣។
ប្រតិបត្តិការនេះ កម្លាំងអធិការដ្ឋានក្រុងក្រចេះ បានរួមសហការជាមួយប៉ុស្តិ៍នគរបាលរដ្ឋបាលក្រចេះ និងប៉ុស្តិ៍នគរបាលរដ្ឋបាលក្រគរ ។
អធិការដ្ឋាននគរបាលក្រុងក្រចេះ លោក អេង ហឿន ប្រាប់ថា ក្រោមប្រតិបត្តិការខាងលើ កម្លាំងអធិការដ្ឋានក្រុងក្រចេះ បានរួមសហការជាមួយប៉ុស្តិ៍នគរបាលរដ្ឋបាលក្រចេះ និងប៉ុស្តិ៍នគរបាលរដ្ឋបាលក្រគរបានចុះប្រមូល ក្រុមក្មេងដោយសង្កេតឃើញតែងតែធ្វើសកម្មភាពដើរលេងរហូតដល់យប់ជ្រៅ ចាប់ពីម៉ោង៣ ដល់ម៉ោង៤ទៀបភ្លឺ នៅតែមិនទាន់ចូលផ្ទះសម្បែងហើយពួកគាត់នេះគឺជាមុខសញ្ញាដ៏ដែលៗ ហើយក្មេងទាំងនេះភាគច្រើនមកពីឆ្ងាយស្នាក់នៅបន្ទុបជួល ឪពុកម្ដាយមិនដឹង ខ្លះជាសិស្សសាលា មួយចំនួនទៀតអ្នកបំរើការងារតាមហាងពេលចេញពីធ្វើការនាំសង្សាដើរលេងពេលយប់បែបអនាធិបតេយ្យ។
លោកអធិការបន្តទៀតថា ក្មេងទំនើងទាំង២៦នាក់នេះ សមត្ថកិច្ចគ្រាន់តែហៅមកធ្វើការអប់រំ នៅអធិការដ្ឋានរួចប្រគល់ជូនឲ្យអាណាព្យាបាល ធានាយកទៅអប់រំបន្តនៅលំនៅឋានវិញ ។ លោកបញ្ជាក់ទៀតថា នាពេលកន្លងមក សមត្ថកិច្ចតែងតែបង្ក្រាបជាហូរហែ តែជាករណីតូចតាច តែលើកនេះ ជាលក្ខណៈទ្រុងទ្រាយធំ ហើយលោកនៅតែបន្តដាក់កម្លាំងនៅតាមគោលដៅបង្ក្រាបរហូតឲ្យតែពាក់ព័ន្ធនឹងមុខសញ្ញា គឺកងកម្លាំងនិងធ្វើការបង្ក្រាបទាំងអស់ មិនថាជាមុខសញ្ញាអ្វីនោះទេ ។
ចែករំលែកព័តមាននេះ