ចាប់បានហើយ! ជនម្នាក់ប្រើល្បិ.ចបន្លំលួ.ចលុយតាមវីង និងកន្លែងដូរលុយជាច្រើននៅភ្នំពេញ
- ភ្នំពេញ
រាជធានីភ្នំពេញ ៖ បុរសជាជនបរទេសម្នាក់ដែលជំនាញខាងបន្លំលួចលុយនៅតាមវីង និងកន្លែងដូរ
រាជធានីភ្នំពេញ ៖ បុរសជាជនបរទេសម្នាក់ដែលជំនាញខាងបន្លំលួចលុយនៅតាមវីង និងកន្លែងដូរ និងផ្ញើរលុយនៅក្នុងរាជធានីភ្នំពេញត្រូវបានប្រជាពលរដ្ឋឃាត់ខ្លួនបានហើយ ។
ការឃាត់ខ្លួនជនបរទេសរូបនោះបានកើតឡើងកាលពីវេលាម៉ោងប្រមាណ១២ថ្ងៃត្រង់ថ្ងៃទី១១ ខែកញ្ញា ឆ្នាំ ២០២៣នេះ បន្ទាប់ពីជននោះបានរៀបចំទៅបន្លំលួចលុយនៅកន្លែងវីងមួយកន្លែងនៅផ្សារ៧មករា តាមផ្លូវលេខ ៦១៤ ក្នុងសង្កាត់បឹងកកក់ទី២ ខណ្ឌទួលគោក រាជធានីភ្នំពេញ។
ជនសង្ស័យជាជនបរទេសដែលបន្លំលួចលុយរូបនោះ ពុំទាន់ស្គាល់អត្តសញ្ញាណនៅឡើយ គ្រាន់តែដឹងថាជាជនជាតិអីរ៉ាក់ ។ បន្ទាប់ពីឃាត់ខ្លួនក៍បានប្រគល់អោយសមត្ថកិច្ចបញ្ជូនទៅកាន់អធិការដ្ឋាននគរបាលខណ្ឌទួលគោក ដើម្បីសាកសួរ ។
តាមព័ត៌មានអោយដឹងថា កាលពីវេលាថ្ងៃត្រង់ទី១០ ខែកញ្ញា ឆ្នាំ ២០២៣ម្សិលមិញនេះ ជនជាតិបរទេសរូបនោះ បានយកប្រាក់ដុល្លារក្រដាស១០០ដុល្លារ មួយចំនួនធ្វើជាទៅដូរយកប្រាក់ដុល្លារ យកប្រាក់ដុល្លារក្រដាស់១០០ ដែលមានលេខខាងចុងអក្សរ «S» ហើយបានបន្លំលួចលុយពីកន្លែងវីង មួយកន្លែង នៅផ្សារ៧មករា យកលុយបាន៥០០ដុល្លារ ។
តាមប្រភពព័ត៌មានបានបន្តថា លុះនៅវេលាថ្ងៃត្រង់ទី១១ ខែកញ្ញា ឆ្នាំ២០២៣នេះ ជនរូបនោះក៏បានជិះម៉ូតូកង់៣រួមជាមួយស្ត្រីម្នាក់ បានធ្វើសកម្មភាពធ្វើជាទៅដូរលុយនៅកន្លែងវីងមួយកន្លែងទៀត នៅផ្សារ៧មករា តាមផ្លូវលេខ៦១៤ ហើយត្រូវបានម្ចាស់សង្ស័យក៏ទាក់ទងទៅជនរងគ្រោះដែលជននោះបន្លំលួចលុយកាលពីម្សិលមិញមកមើល ទើបស្គាល់មុខ ក៏នាំគ្នាឃាត់ខ្លួនប្រគល់អោយសមត្ថកិច្ចតែម្តង ។
គួរបញ្ជាក់ថា ជនបរទេសរូបនោះ បានធ្វើសកម្មភាពបន្លំលួចលុយ គឺនៅពេលដែលជនសង្ស័យទៅដូរលុយគឺធ្វើជាសុំយកលុយពីជនរងគ្រោះមកមើល ហើយបន្លំលួយលុយនោះម្តង១សន្លឹកៗ ។ ជនបរទេសរូបនោះ ដោយសារតែប្រើរូបភាពដដែលៗធ្វើជាដូរលុយ ហើយបន្លំលួចលុយនៅកន្លែងផ្ញើប្រាក់ និងដូរលុយជាច្រើនកន្លែង នៅក្នុងរាជធានីភ្នំពេញ រួមមានខណ្ឌមានជ័យ ខណ្ឌដង្កោជាដើម ។ ទន្ទឹមនោះ រូបភាពដែលជននោះបន្លំលួចលុយ ត្រូវបានជនរងគ្រោះបង្ហោះនៅក្នុងបណ្តាញសង្គមជាបន្តបន្ទាប់ ទីបំផុតជននោះគេចមិនផុតពីសំណាញ់ច្បាប់ឡើយ ៕
ចែករំលែកព័តមាននេះ