ខេត្តកំពង់ចាម ៖ ក្រុមក្មេងទំនើងមួយក្រុម មានគ្នាចំនួន៥នាក់ រស់នៅស្រុកចំការលើ ជិះម៉ូតូចំនួន2គ្រឿងប្រដាប់ដោយកាំបិត បានកាប់ទៅលើគូជម្លោះម្នាក់ជាច្រើនកាំបិត បណ្តាលឱ្យដាច់ដៃសងខាង ។ ហេតុការណ៍នេះ…
ខេត្តកំពង់ចាម ៖ ក្រុមក្មេងទំនើងមួយក្រុម មានគ្នាចំនួន៥នាក់ រស់នៅស្រុកចំការលើ ជិះម៉ូតូចំនួន2គ្រឿងប្រដាប់ដោយកាំបិត បានកាប់ទៅលើគូជម្លោះម្នាក់ជាច្រើនកាំបិត បណ្តាលឱ្យដាច់ដៃសងខាង ។ ហេតុការណ៍នេះ កើតឡើងកាលពីវេលាម៉ោង៧និង៤០នាទីយប់ថ្ងៃទី៨ កញ្ញា ២០២៣ នៅចំណុចក្នុងចំការកៅស៊ូតំបន់អូរបេង ក្នុងភូមិអូរបេង ឃុំមេសរជ្រៃ ស្រុកស្ទឹងត្រង់។ ក្រោយហេតុការណ៍ ក្រុមក្មេងទំនើងទាំងនោះបាននាំគ្នាជិះម៉ូតូរត់គេចខ្លួនបាត់ស្រមោលតែម្ដង។
យោងតាមប្រភពពីមន្ត្រីអាវុធហត្ថស្រុកស្ទឹងត្រង់បានឱ្យដឹងថា ស្របពេលដែលអ្នករងគ្រោះឈ្មោះម៉ាន ចិត្ត អាយុ២៧ ឆ្នាំទីលំនៅឃុំមេសជ្រៃស្រុកស្ទឹងត្រង់ កំពុងតែជិះម៉ូតូមួយគ្រឿងតាមដងផ្លូវអមសងខាងដោយចំការកៅស៊ូ ស្រាប់តែប្រទះជាមួយនិងគូជម្លោះ។ ស្រាប់តែពួកគេនាំគ្នាព្រួតវាយនឹងកាត់មកលើជនរងគ្រោះ បណ្ដាលឱ្យរងរបួសធ្ងន់ធ្ងររហូតសន្លប់ ចំណែកសង្សារដែលជិះជាមួយពុំបានរងរបួសនោះទេ។
មន្ត្រីអាវុធហត្ថប្រាប់បន្តឲ្យដឹងទៀតថា ក្រុមក្មេងទំនើង០១ក្រុមមានគ្នាចំនួន០៥នាក់ ជិះម៉ូតូ០២គ្រឿងត្រូវបានសមត្ថកិច្ចដាក់ការសង្ស័យស្គាល់អត្តសញ្ញាណចំនួនពីរនាក់ ក្នុងចំណោម៥នាក់រស់នៅ ស្រុកចំការលើ ខេត្តកំពង់ចាម និងក្រុមបក្សពួក០៣នាក់ទៀតមិនស្គាលអត្តសញ្ញាណ បានធ្វើសកម្មភាពជិះម៉ូតូដេញកាប់ទៅជនរងគ្រោះឈ្មោះ ម៉ាន ចិត្ត ភេទ ប្រុស អាយុ២៧ឆ្នាំ ខ្មែរ មានទីលំនៅភូមិត្រពាំង ឃុំមេ.សជ្រៃ ស្រុកស្ទឹងត្រង់ ។
បន្ទាប់ពីធ្វើសកម្មភាពរួចក្រុមក្មេងទំនើងទាំងនោះ បាននាំគ្នាប្រញាប់ប្រញាល់ឡើងម៉ូតូជិះគេខ្លួនត្រឡប់ទៅផ្ទះរបស់ខ្លួនវិញ ។ ចំណែកអ្នករងគ្រោះត្រូវបានក្រុមសាច់ញាតិដឹកតាមរថយន្តសាមុយ យកទៅសង្គ្រោះនៅមន្ទីរពេទ្យកាល់ម៉ែត្ររាជធានីភ្នំពេញ។ ចំពោះមូលហេតុដែលបង្កឲ្យមានអំពើហិង្សាដោយចេតនាបែបនេះសមត្ថកិច្ចមិនទាន់ដឹងពីមូលហេតុនៅឡើយទេដោយសារតែអ្នករងគ្រោះស្ថិតនៅមន្ទីរពេទ្យ។
អ្នកស្រីហេង ថាត អាយុ៤៣ ឆ្នាំត្រូវជាម្ដាយមីងបង្កើត។ របស់អ្នករងគ្រោះបានប្រាប់តាមទូរសព្ទឱ្យដឹងដែរថាមុនពេលកើតហេតុក្មួយរបស់គាត់ឈ្មោះចិត្ត បានយកម៉ូតូសេរ 125 របស់គាត់ស៊េរី 2013 ឡើងតាម 2022 ចេះចេញពីផ្ទះនៅឃុំមេសរជ្រៃជាមួយនឹងសង្សារឈ្មោះស្រីណេត ដោយពុំបានបញ្ជាក់ថាទៅណានោះទេ។
ស្រាប់តែនៅវេលាម៉ោងជិត៨យប់ថ្ងៃទី៨កញ្ញា គាត់បានទទួលដំណឹងថាក្មួយប្រុសរបស់គាត់ត្រូវបានក្រុមក្មេងទំនើងមួយក្រុមកាប់ត្រូវ។ខ្នង ក និងដាច់ដៃសង្ខាងបណ្ដាលឲ្យរងរបួសធ្ងន់ធ្ងរ ហើយអ្នករងគ្រោះគឺជាកូនទី២ ក្នុងចំណោមបងប្អូនប្រាំនាក់ដែលកំព្រាឪពុកម្ដាយ។ មានពេលខ្លះក្មួយប្រុសបានចូលមកផ្ទះរបស់គាត់ហូបបាយរួចក៏ចេញទៅវិញបាត់មិនដែលដេកនៅផ្ទះរបស់គាត់ឡើយ។ គាត់ជាម្ដាយមីងមិនបានចេញទៅមើលក្មួយនៅភ្នំពេញនោះទេ។
ដោយសារតែមានជីវភាពខ្វះខាត តែបានសង្សារនិងប្អូនបង្កើតឈ្មោះប៉ុន្មានម៉នអាយុ១៨ឆ្នាំមើលកំដរ កំពុងតែស្ថិតនៅក្នុងមន្ទីរពេទ្យកាល់ម៉ែត រាជនីភ្នំពេញ ។
រហូតមកដល់ជិតវេលាម៉ោង១០ ព្រឹកថ្ងៃទី៩ កញ្ញា ក្មួយរបស់គាត់ពុំទាន់ដឹងខ្លួននៅឡើយទេ ។
ចែករំលែកព័តមាននេះ