ជប៉ុនបា.ញ់បង្ហោះដោយជោគជ័យយានស្រាវជ្រាវភពព្រះចន្ទ
ប្រទេសជប៉ុន ៖ យានភពព្រះចន្ទរបស់ជប៉ុនត្រូវបានបា.ញ់បង្ហោះកាលពីថ្ងៃទី៧ កញ្ញា ដែលនោះជា
ប្រទេសជប៉ុន ៖ យានភពព្រះចន្ទរបស់ជប៉ុនត្រូវបានបា.ញ់បង្ហោះកាលពីថ្ងៃទី៧ កញ្ញា ដែលនោះជា
ប្រទេសជប៉ុន ៖ យានភពព្រះចន្ទរបស់ជប៉ុនត្រូវបានបាញ់បង្ហោះកាលពីថ្ងៃទី៧ កញ្ញា ដែលនោះជាការប៉ុនប៉ងថ្មីរបស់ប្រទេសនេះ ឲ្យបានចូលក្នុងក្លឹបបណ្ដា ប្រទេសដែលទទួលបានជោគជ័យក្នុងការបញ្ជូនយានមួយទៅចុះលើភពព្រះចន្ទ។ នោះជាបច្ចេកវិទ្យាដែលប្រទេសឥណ្ឌា ទើបបានសម្រេចជោគជ័យក្នុងការបញ្ជូនយានមួយទៅចុះលើភពនោះរួចហើយកាលពីខែមុន។ នេះបើតាមសេចក្ដីរាយការណ៍របស់AFP។
ក្រោយពីពន្យារពេល៣លើកមកហើយ ចាប់តាំងពីដំណាច់ខែសីហា មកពីឧតុនិយមមិនអំណោយផល កាំជ្រួចH-IIA របស់ទីភ្នាក់ងារអវកាសជប៉ុនJAXA ត្រូវបានបា.ញ់បង្ហោះដូចការគ្រោងទុកនាថ្ងៃទី៦ កញ្ញា វេលាម៉ោង៨និង៤២នាទីម៉ោងក្នុងស្រុក ចេញពីមូលដ្ឋានបាញ់បង្ហោះរបស់JAXA នៅតាណេហ្គាស៊ីម៉ាភាគនិរតីជប៉ុន ជាប់មហាសមុទ្រប៉ាស៊ីហ្វិក។
កាំជ្រួចនោះដែលផ្ទុកជាពិសេសយានភពព្រះចន្ទតូចមួយ មានឈ្មោះSLIMនិងមានរហ្សនាមថា MOON SNIPER គ្រោងទៅចុះលើភពព្រះចន្ទក្នុងរយៈពេលពី៤ទៅ៦ខែទៀត ត្រង់គោលដៅដែលកំណត់ទុក បើខុសយ៉ាងច្រើនត្រឹម១០០ម៉ែត្រផ្ទុយពីច្រើនគីឡូម៉ែត្រដូចតាមទម្លាប់។ ប្រមាណជា៤៥នាទីក្រោយការបាញ់បង្ហោះ យានSLIMបានបំបែកចេញពីកាំជ្រូចដោយជោគជ័យ នាំឲ្យផ្ទុះក្ដីសប្បាយនិងការទះដៃអបអរយ៉ាងកងរំពងនៅមជ្ឈមណ្ឌលត្រួតពិនិត្យរបស់់JAXA។ នេះបើយោងតាមបណ្ដារូបភាពផ្សាយតាមYOU TUBE៕
ចែករំលែកព័តមាននេះ