កម្លាំងរដ្ឋបាលខណ្ឌជលផលខេត្ត សហការជាមួយអាជ្ញាធរស្រុកជាងព្រៃ បើកប្រតិបត្តិការបង្ក្រាបបទល្មើសនេសាទក្នុងរដូវបិទ ដោយធ្វើឡើងស្ទើរពេញមួយថ្ងៃ។ ក្នុងនោះ អាជ្ញាធររឹបអូសបានស្បៃមុង រហូតដល់
ខេត្តកំពង់ចាម ៖ កម្លាំងរដ្ឋបាលខណ្ឌជលផលខេត្ត សហការជាមួយអាជ្ញាធរស្រុកជាងព្រៃ បើកប្រតិបត្តិការបង្ក្រាបបទល្មើសនេសាទក្នុងរដូវបិទ ដោយធ្វើឡើងស្ទើរពេញមួយថ្ងៃ។ ក្នុងនោះ អាជ្ញាធររឹបអូសបានស្បៃមុង រហូតដល់រាប់ពាន់ម៉ែត្រឯណោះ និងចាក់លែងកូនត្រីជាច្រើនគីឡូក្រាមទៅក្នុងបឹងធម្មជាតិវិញ។
លោក អ៊ុក ណារិន នាយខណ្ឌរដ្ឋបាលជលផលខេត្ត បានប្រាប់ឱ្យដឹងថា ក្រោមការណែនាំពីសំណាក់ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈបញ្ជាការឯកភាពខេត្ត ក្នុងពេលប្រជុំបូកសរុបការងារនៅសាលសន្និសីទ ឱ្យសមត្ថកិច្ច និងមន្ត្រីជំនាញ ត្រូវយកចិត្តទុកដាក់បង្ក្រាបបទល្មើសនេសាទនៅក្នុងរដូវបិទ ដោយធ្វើឡើងដូចភ្លៀងរលឹម។
លោកនាយខណ្ឌរដ្ឋបាលជលផលខេត្ត ប្រាប់ឱ្យដឹងបន្តថា ជាក់ស្ដែងនៅថ្ងៃទី៤ ខែកញ្ញា ឆ្នាំ២០២៣ ខណ្ឌរដ្ឋបាលជលផលកំពង់ចាម បានសហការជាមួយអាជ្ញាធរស្រុកជើងព្រៃ កម្លាំងអធិការដ្ឋាននគរបាលស្រុកជើងព្រៃ កម្លាំងប៉ុស្តិ៍នគរបាលរដ្ឋបាលឃុំសូទិព្វ និងដោយមានការអនុញ្ញាតពីឯកឧត្តម វង្ស ប៊ុនវិសុទ្ធ ព្រះរាជអាជ្ញាអយ្យការអមសាលាដំបូងខេត្តកំពង់ចាម ចុះទប់ស្កាត់ និងបង្ក្រាបបទល្មើសជលផលបានចំនួន០៣ករណី ដោយកសាងសំណុំរឿងចាត់ការតាមនីតិវិធីនៃច្បាប់ស្តីពីជលផល និងរុះរើបំផ្លាញចោលវត្ថុតាង នៃបទល្មើសជលផលជាច្រើន ដែលក្រុមមនុស្សខិ.លខូ.ចបានលួ.ចដាក់នៅតាមបឹងបួរនានា។
នាយខណ្ឌរដ្ឋបាលជលផលខេត្ត បន្តឲ្យដឹងទៀតថា ក្នុងប្រតិបត្តិការខាងលើនេះ ដោយកម្លាំងចម្រុះ គឺបានចុះបង្ក្រាបបទល្មើសនេសាទដែលធ្វើឡើងបន្តបន្ទាប់ចំនួន៣ករណី ក្នុងនោះរួមមាន ៖
ករណីទី០១- នៅចំណុចក្រោយភូមិចាំនាង ស្ថិតក្នុងឃុំផ្តៅជុំ ស្រុកជើងព្រៃ ខេត្តកំពង់ចាម ដោយកម្លាំងចម្រុះរឹបអូសបានឧបករណ៍លូស្បៃមុងចំនួន១៥មាត់, របាំងស្បៃមុងចំនួន០៣កន្លែងប្រវែង៧៥០ម៉ែត្រ, បង្គោលចម្រឹងចំនួន២២៥ដើម, ចាក់លែងកូនត្រីចម្រុះទម្ងន់១៦គីឡូក្រាម។
ករណីទី០២- នៅចំណុចកំពង់បឹងជ្រោយ ឃុំសូទិព្វ ស្រុកជើងព្រៃ ខេត្តកំពង់ចាម កម្លាំងចម្រុះចុះរឹបអូស និងចាក់លែងកូនត្រីជាប្រយោជន៍សាធារណៈ ដែលបានមកពីការធ្វើនេសាទឧបករណ៍ខុសច្បាប់ ចំនួន២០០គីឡូក្រាម។
ករណីទី០៣- នៅចំណុចទំនប់បឹងជ្រោយ ស្ថិតក្នុងឃុំសូទិព្វ ស្រុកជើងព្រៃ ខេត្តកំពង់ចាម កម្លាំងចម្រុះបង្ក្រាបបាន ឧបករណ៍លូស្បៃមុងចំនួន០៨មាត់, របាំងស្បៃមុងចំនួន០២កន្លែងប្រវែង៤០០ម៉ែត្រ, បង្គោលចម្រឹងចំនួន១២០ដើម និងចាក់លែងកូនត្រីចម្រុះទម្ងន់១២គីឡូក្រាម។
លោក អ៊ុក ណារិន នាយខណ្ឌរដ្ឋបាលជលផលខេត្ត បានបញ្ជាក់ថា ក្នុងពេលដែលកម្លាំងចុះបង្ក្រាបបទល្មើសនេសាទក្នុងរដូវបិទនោះ គឺមិនមានលេចមុខបុគ្គលណាម្នាក់មកអះអាងថា ឧបករណ៍ដែលរឹបអូស និងបំផ្លាញចោលទាំងនោះ ជារបស់ខ្លួនឡើយ។ ប៉ុន្តែមន្ត្រីជំនាញបានអះអាងថា អ្នកដែលលួ.ចដាក់បទល្មើសនេសាទនេះ សង្ស័យជាមនុស្សដដែលៗ ដូច្នេះសូមបងប្អូនមេត្តាបញ្ឈប់សកម្មភាពនេសាទដោយប្រើឧបករណ៍ខុសច្បាប់ ព្រោះវាបានបំផ្លាញមច្ឆាជាតិតូចធំ ហើយធ្វើយ៉ាងណា សូមបងប្អូនងាកមកនេសាទឧបករណ៍លក្ខណៈគ្រួសារវិញទើបជាការប្រសើរ។
ចែករំលែកព័តមាននេះ