ឡានដឹកដែកជាន់ហ្វ្រាំងមិនស៊ី ទាញចង្កូតគេចអ្នកដំណើរឈប់ស្តុប ជួបគ្រោះផ្អើលមហាវិថីឈ្នះឈ្នះ
- ភ្នំពេញ
រាជធានីភ្នំពេញ ៖ រថយន្តដឹកដែកធុនធ្ងន់មួយគ្រឿង អ្នកបើកបានបង្ខំចិត្តទាញចង្កូតធ្លាក់ផ្លូវ
រាជធានីភ្នំពេញ ៖ រថយន្តដឹកដែកធុនធ្ងន់មួយគ្រឿង អ្នកបើកបានបង្ខំចិត្តទាញចង្កូតធ្លាក់ផ្លូវបុ.កបង្គោលភ្លើងមួយដើមបា.ក់ដា.ច់ ដើម្បីបញ្ចៀសគ្រោះថ្នាក់ដល់អ្នកដំណើរកំពុងតែឈប់ស្តុបនិងជនពិការដែលកំពុងតែច្រៀងស្វែងរកអំណោយពីសប្បុសជន។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោងប្រមាណ១២ថ្ងៃត្រង់ទី៤ខែកញ្ញា ឆ្នាំ ២០២៣ នៅតាមបណ្តោយមហាវីថីឈ្នះឈ្នះ ក្នុងភូមិឡកំបោរ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ ។
រថយន្តដែលជួបគ្រោះថ្នាក់ខាងលើម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ ៣D-៨១៤៣ បើកបរដោយបុរសម្នាក់ មិនស្គាល់អត្តសញ្ញាណ ។
តាមសាក្សីបានអោយដឹងថា នៅមុនពេលកើតហេតុ គេឃើញរថយន្តដឹកដែកខាងលើបានធ្វើដំណើរតាមមហាវិថីឈ្នះឈ្នះ ក្នុងទិសដៅពីលិចទៅកើត លុះនៅពេលមកដល់កន្លែងកើតហេតុដែលជាចំណុចស្តុប ស្រាប់តែរថយន្តរ៉េចង្កូតមកស្តាំដៃធ្លាក់ផ្លូវ និងបុ.កបង្គោលភ្លើងមួយដើមបា.ក់ដា.ច់ត្រឹមគល់ ។ ទោះបីជាយ៉ាងណា ពុំបណ្តាលអោយមនុស្សណាម្នាក់រងរបួសឡើយ។
តាមអ្នកបើកបរបានអោយដឹងថា មូលហេតុដែលបណ្តាលអោយកើតមានគ្រោះថ្នាក់នេះ គឺដោយសារតែរថយន្តដាច់ហ្វ្រាំងជាន់មិនស៊ី ហើយគាត់បង្ខំចិត្តទាញចង្កូតគេចពីយានយន្តកំពុងតែឈប់ស្តុប និងគេចរោងដែលជនពិការច្រៀងស្វែងរកថវិកាជួយដល់មន្ទីរពេទ្យគន្ធបុប្ជាដើម្បីកុមារកម្ពុជាដើម្បីបញ្ចៀសគ្រោះថ្នាក់ធ្ងន់ធ្ងរ ។
បន្ទាប់ពីកើតមានគ្រោះថ្នាក់ នគរបាលការិយាល័យចរាចរណ៍ផ្លូវគោកក៏បានចុះទៅវាស់វែងនាំយករថយន្តមកកាន់ការិយាល័យ ដើម្បីដោះស្រាយសងការខូចខាតទ្រព្យសម្បត្តិសាធារណៈ ៕
ចែករំលែកព័តមាននេះ