ដីព្រៃសហគមន៍ការពារដោយព្រះរាជក្រឹត្យ ស្ថិតនៅក្នុងទីតាំងភ្នំព្រះលាន ស្ថិតក្នុងភូមិស្រែធ្នង់ ឃុំរមណីយ ស្រុករវៀង ខេត្តព្រះវិហារ រាប់រយហិកតា ត្រូវបានមន្ត្រីខិ.លខូ.ចខេត្តព្រះវិហារ មិនត្រឹមតែឃុ.បឃិ.តគ្នាចេញប្លង់
ខេត្តព្រះវិហារ ៖ ដីព្រៃសហគមន៍ការពារដោយព្រះរាជក្រឹត្យ ស្ថិតនៅក្នុងទីតាំងភ្នំព្រះលាន ស្ថិតក្នុងភូមិស្រែធ្នង់ ឃុំរមណីយ ស្រុករវៀង ខេត្តព្រះវិហារ រាប់រយហិកតា ត្រូវបានមន្ត្រីខិ.លខូ.ចខេត្តព្រះវិហារ មិនត្រឹមតែឃុ.បឃិ.តគ្នាចេញប្លង់រឹងជាកម្មសិទ្ធិស្របច្បាប់លើផ្ទៃដីទំហំចំនួន ៣០០ហិកតា ឲ្យទៅឈ្មួញអ្នកមានលុយម្នាក់ប៉ុណ្ណោះទេ ថែមទាំងប្រើគ្រឿងចក្រវា.យកម្ទេចព្រៃឈរ ឈូសឆាយវាទរំលោ.ភយកផ្ទៃដីសហគមន៍បន្ថែមរាប់រយហិកតាទៀត នេះដូចគេថា កន្ទេលធំបន្លំដេកយ៉ាងត្រជាក់ពងទេឬ?
បើតាមការបញ្ជាក់របស់ប្រជាសហគមន៍រស់នៅតំបន់ខាងលើ សុំមិនបញ្ចេញឈ្មោះថា ដីព្រៃភ្នំព្រះលាននេះ កាលពីអំឡុងឆ្នាំ២០០៨ ត្រូវបានព្រះមហាក្សត្រ ឡាយព្រហស្ថលេខា ព្រះរាជក្រឹត្យដាក់ជាតំបន់ការពារធម្មជាតិព្រៃសហគមន៍ ។
ប្រភពដដែលឲ្យដឹងទៀតថា កន្លងទៅ ប្រជាសហគមន៍បានខិតខំការពារថែរក្សាណាស់។ ប៉ុន្តែចាប់តាំងពីឆ្នាំ២០១៩ មក រហូតមកដល់ដំណាក់កាលប្រទេសជាតិស្ថិតក្នុងបរិបទកូវីដ១៩ ក្រោមការសន្សំចិត្តរបស់បុគ្គលមានលុយទុច្ចរិតមួយក្តាប់តូច បានប្រើគំនិតឃុ.បឃិ.តគ្នាជាមួយបុគ្គលមានអំណាច រិះរកគ្រប់វិធី ប្រើគ្រប់កលល្បិច ដើម្បីរំលោ.ភបំពានយកជាកម្មសិទ្ធិដែលស្មានតែគ្មានអ្នកណាដឹង ។
ប្រភពដដែលបន្តថា កាលពីជំនាន់អតីតអភិបាលខេត្តព្រះវិហារ គេបានរៀបចំកែខៃក្រឡៃប្រវត្តិដីធ្លីនេះ ក្រោមពាក្យស្នើសុំកាន់កា.ប់ដោយស្របច្បាប់។ ដោយក្រុមមន្ត្រីពាក់ព័ន្ធខិ.លខូច.បានសហ ការឃុ.បឃិ.តគ្នារៀបចំឯកសារស្នើសុំកាន់កា.ប់ដោយមានឈ្មោះ លោក យី ស៊ីណាត ជាអ្នកចេញសុំធ្វើប័ណ្ណកម្មសិទ្ធិកាន់កា.ប់ផ្ទៃដីទំហំចំនួន ៣០០ហិកតា ជាដីអាស្រ័យផល ដោយយកលេសថា នៅឆ្នាំ២០១៩ ខ្លួនបានទិញដី៣០០ហិកតានេះ ពីប្រជាពលរដ្ឋអាស្រ័យផលជាក់ស្តែង ដែលមានចម្ការស្វាយ និងចម្ការស្វាយចន្ទី អាស្រ័យផលជាច្រើនឆ្នាំមកហើយ។
ប្រភពដដែលបញ្ជាក់ទៀថា តាមការពិតនៅឆ្នាំ២០១៩ ឈ្មោះ យី ស៊ីណាត បានបំផុសប្រជាពលរដ្ឋកា.ប់រានព្រៃលក់មកឲ្យខ្លួន ក្នុងតម្លៃថោក ដោយពុំមានចម្ការស្វាយ និងចម្ការស្វាយចន្ទីខ្មោចយរ៍ស្អីទេ។ ជាក់ស្តែងអំឡុងខែមេសា ឆ្នាំ២០២៣ ពេលដែលទទួលបានប័ណ្ណកម្មសិទ្ធិ ឈ្មោះ យី ស៊ីណាត បានប្រើគ្រឿងចក្រឈូសព្រៃឈើក្នុងព្រៃសហគមន៍ការពារធម្មជាតិព្រះលាន មិនត្រឹមតែក្នុងដីមានប័ណ្ណនោះទេ ថែមទាំងឈូសឆាយរំលោ.ភវាទចូលព្រៃសហគមន៍រាប់រយហិកតាថែមទៀត កុំស្មានថា ប្រជាសហគមន៍អត់ដឹង។
យោងតាមឯកសារពាក្យស្នើសុំកាន់កា.ប់របស់ឈ្មោះ យី ស៊ីណាត អាយុ៣៧ឆ្នាំ ទៅរដ្ឋមន្ត្រីក្រសួងបរិស្ថាននៅថ្ងៃទី១៨ ខែកុម្ភៈ ឆ្នាំ២០២២ បានលើកឡើងដោយភូតកុហកថា ឆ្នាំ២០១៩ ខ្លួនបានទិញដី៣០០ហិកតានេះ ពីប្រជាពលរដ្ឋអាស្រ័យផលជាក់ស្តែង ដែលមានចម្ការស្វាយ និងចម្ការស្វាយចន្ទី អាស្រ័យផលជាច្រើនឆ្នាំមកហើយ។ ការស្នើសុំដោយភូតកុហកថ្នាក់ដឹកនាំនេះ ក៏មានការឯកភាពយល់ព្រមពីអតីតចៅហ្វាយខេត្តព្រះវិហារផងដែរ លើលិខិតស្នើសុំនេះ និងបានបន្តគោរពជូនលោករដ្ឋមន្ត្រីក្រសួងបរិស្ថានពិនិត្យ។
តាមរបាយការណ៍ភូតភរនេះ នៅថ្ងៃទី២៥ ខែកក្កដា ឆ្នាំ២០២២ ក្រសួងបរិស្ថានបានចេញលិខិតលេខ១២៩៧ សជណ.ប.ស្ថ ជម្រាបជូនមកលោកអភិបាលខេត្តព្រះវិហារ ជ្រាបថា ករណីការស្នើសុំកាន់កា.ប់ដីអាស្រ័យផលរបស់លោក យី ស៊ីណាត ដែលជាប្រជាពលរដ្ឋរស់នៅភូមិអូរពោធិ៍ ឃុំរមណីយ ស្រុករវៀង ខេត្តព្រះវិហារ យល់ព្រមលើការស្នើសុំចុះបញ្ជីធ្វើប្លង់កម្មសិទ្ធិកាន់កា.ប់ក្នុងផ្ទៃដីចំនួន៣០០ហិកតា ស្ថិតក្នុងតំបន់ដែនជម្រកសត្វព្រៃបឹងពែរ ឲ្យទៅលោក យី ស៊ីណាត។
ចំណុចនេះ ត្រូវបានប្រភពប្រជាសហគមន៍ និងមជ្ឍដ្ឋាននានា បានលើកឡើងថា នេះជាការរៀបចំខ្សែចង្វាក់បណ្តុំអ្នកមានអំណាចឃុ.បឃិ.តគ្នាក្នុងខេត្ត ជាមួយបុគ្គលអ្នកមានលុយម្នាក់នេះ ដោយបានប្រើគ្រប់វិធីពុករលួយ ដើម្បីលេបត្របាក់យកទ្រព្យសម្បត្តិធនធានធម្មជាតិរបស់រដ្ឋយ៉ាងមហន្តរាយធ្វើជាកម្មសិទ្ធិឯកជនផ្ទាល់ខ្លួន ។
ចំណែកប្រភពពីមន្ត្រី នៃមន្ទីររៀបចំដែនដីនគរូបនីយកម្ម និងសំណង់ខេត្ត បានទម្លាយថា ក្នុងរឿងដីព្រៃសហគមន៍ភ្នំព្រះលាន ស្ថិតក្នុងឃុំស្រែធ្នង់នេះ កាលពីថ្ងៃទី២៧ ខែកុម្ភៈ ឆ្នាំ២០២៣ ខាងមន្ទីររៀបចំដែនដីនគរូបនីយកម្ម និងសំណង់ បានចេញប័ណ្ណកម្មសិទ្ធិប្លង់រឹងអោយទៅឈ្មោះ យី ស៊ីណាត នេះ វាជារឿងដ៏ «មហាអច្ឆរិយ» បំផុត សម្រាប់បុគ្គលអ្នកមានលុយម្នាក់នេះ ជាឈ្មួញដីដ៏អស្ចារ្យ ដែលអាចទាញមន្ត្រីមានតួនាទី មានអំណាចយកទៅប្រើគ្រប់ទម្រង់ទាំងស្របច្បាប់ និងទាំងបំពាននីតិវិធី ។
សូមរម្លឹកថា បញ្ហាដីធ្លីរបស់រដ្ឋ ដីព្រៃសហគមន៍ ដីព្រៃការពារ សម្តេចតេជោ ហ៊ុន សែន អតីតនាយករដ្ឋមន្ត្រី បានមានប្រសាសន៍ថា បញ្ហាដីធ្លីនេះ ដល់ពេលត្រូវជម្រះ និងត្រូវវះកាត់មន្ត្រីដែលខិ.លខូ.ចហើយ ។
ទាក់ទិនករណីខាងលើ លោក សុង ចាន់សុជាតិ ប្រធានមន្ទីរបរិស្ថាន បានប្រាប់កោះសន្តិភាពនាព្រឹកថ្ងៃទី៤ ខែកញ្ញា ២០២៣នេះថា ខ្ញុំអត់ដឹងថា មានរាប់ពាន់ហិកតាទេ ដូចជាអត់មានទេ ទាល់តែខ្ញុំចុះពិនិត្យសិន បានឆ្លើយកើត។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព៕
ចែករំលែកព័តមាននេះ