ស្ត្រីម្នាក់ជិះម៉ូតូបណ្ដើរ និយាយទូរស័ព្ទបណ្ដើរ ជួបគ្រោះមុខហាងនំប៉័ង តាមផ្លូវជាតិលេខ៣
- ភ្នំពេញ
រាជធានីភ្នំពេញ ៖ ស្ត្រីម្នាក់បានជិះម៉ូតូដោយដៃម្ខាងកាន់ចង្កូតម៉ូតូ រីឯដៃម្ខាងទៀតកាន់ទូរស័ព្ទ
រាជធានីភ្នំពេញ ៖ ស្ត្រីម្នាក់បានជិះម៉ូតូដោយដៃម្ខាងកាន់ចង្កូតម៉ូតូ រីឯដៃម្ខាងទៀតកាន់ទូរស័ព្ទនិយាយបណ្តើរ ស្រាប់តែវាក់ជាមួយម៉ូតូនៅខាងមុខ ខំគេចចេញខ្លា.ចបុ.កគ្នា ជាហេតុធ្វើឲ្យរេចង្កូតជ្រុលឡើងលើខឿនចិញ្ចើមផ្លូវ ហើយជ្រុលទៅបុ.កផ្ទប់ជាមួយរថយន្តមួយគ្រឿង ពណ៌ស ដែលកំពុងចតស្ងៀមនៅមុខផ្ទះចម្ងាយពីផ្លូវជាតិប្រមាណ១០ម៉ែត្រ បណ្តាលឲ្យរងរបួសបែកប្រអប់ដៃឆ្វេងខ្លួនឯងយ៉ាងធ្ងន់ធ្ងរ។
ហេតុការណ៍ខាងលើនេះបានកើតឡើងកាលពីវេលាម៉ោង៧ព្រឹកថ្ងៃទី០១ ខែកញ្ញា ឆ្នាំ២០២៣ នៅតាមផ្លូវជាតិលេខ៣ ត្រង់ចំណុចមុខហាងនំបុ័ងយីហោ តាំងប៊ុន ស្ថិតនៅក្នុងភូមិព្រៃព្រីងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឲ្យដឹងថា ស្ត្រីរងគ្រោះខាងលើនោះឈ្មោះ ញ៉េប ចំណាន អាយុ៤៨ឆ្នាំ មុខរបរកម្មការនីរោងចក្រ មានទីលំនៅភូមិថ្មគោល២ សង្កាត់ចោមចៅទី២ ខណ្ឌពោធិ៍សែនជ័យ ។
តាមប្រភពព័ត៌មានបានឱ្យដឹងបន្តថា មុនពេលកើតហេតុ គាត់បានជិះម៉ូតូម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខ ភ្នំពេញ 1IK-1467 ជិះទៅធ្វើការនៅរោងចក្រនៅម្ដុំភូមិព្រៃស្ពឺ សង្កាត់ចោមចៅទី២ ដោយធ្វើដំណើរពីជើងទៅត្បូង ។
តាមប្រភពដដែលបានប្រាប់ឲ្យដឹងថា ខណៈនោះ ដៃគាត់ម្ខាងកាន់ដៃចង្កូតម៉ូតូ រីឯដៃម្ខាងទៀតកាន់ទូរស័ព្ទនិយាយ លុះពេលទៅដល់ចំណុចត្រង់ចំណុចកើតហេតុ បានវាក់ជាមួយម៉ូតូនៅខាងមុខ ហើយក៏រេចង្កួតឡើងខឿនផ្លូវរួចជ្រុលទៅបុ.កផ្ទប់រថយន្ត១គ្រឿងម៉ាកហ្វ័ដ ពណ៌ស ពាក់ស្លាកលេខ ភ្នំពេញ 2BI-8487 ដែលម្ចាស់ចតទុកមុខផ្ទះ ចម្ងាយពីផ្លូវជាតិជិត១០ម៉ែត្រ បណ្តាលឲ្យស្ត្រីជាអ្នកជិះម៉ូតូខាងលើរងរបួសបែកប្រអប់ដៃឆ្វេង ហើយរថយន្តរងខូចខាតរីឯម៉ូតូបានដួលនៅក្បែររថយន្តនោះតែម្ដង ។
ក្រោយពេលកើតហេតុ ស្ត្រីរូបនោះពុំបាននិយាយថាមកពីគាត់រវល់និយាយទូរស័ព្ទនោះទេ ប៉ុន្តែគាត់និយាយថា មកពីគាត់វិលមុខ ទើបជិះម៉ូតូរេចង្កូតឡើងខឿនចិញ្ចើមផ្លូវជ្រុលទៅបុករថយន្តបែបនេះ។ បន្ទាប់មកក្រុមគ្រួសាររបស់គាត់បានទៅដល់ហើយបានបញ្ជូនគាត់ទៅកាន់មន្ទីរពេទ្យ ព្រមទាំងសុំធ្វើការសម្របសម្រួលជាមួយម្ចាស់រថយន្ត ដោយចេញសំណងថ្លៃជួលជុលរថយន្ត ដើម្បីបញ្ចប់រឿងប៉ុន្តែអត់ដឹងថាតើត្រូវរ៉ូវគ្នាក្នុងតម្លៃណាឡើយ ៕
ចែករំលែកព័តមាននេះ