ខេត្តតាកែវ ៖ លោកព្រះរាជអាជ្ញាអមសាលាដំបូងខេត្តតាកែវ ចុះអប់រំណែនាំ និងធ្វើកិច្ចសន្យា ដល់ក្រុមយុវជនចំនួន១៧នាក់ដែលជិះម៉ូតូបង្ហោះជែងគ្នា ដោយគ្មានសណ្ដាប់ធ្នាប់ នៅចំណុចផ្លូវជាតិលេខ២២ និងផ្លូវជាតិលេខ២ ស្ថិតនៅភូមិសាស្ត្រស្រុកត្រាំកក់។
![](https://kohsantepheapdaily.com.kh/wp-content/uploads/2023/08/735b90b4568125ed6c3f678819b6e058-24.jpg)
ហើយការចុះធ្វើការអប់រំណែនាំដល់ក្រុមយុវជនទាំងនេះធ្វើឡើងនៅថ្ងៃទី៣០ ខែសីហា ឆ្នាំ២០២៣នេះ ក្រោមអធិបតីលោក ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ ចុះធ្វើការអប់រំ ណែនាំ និងធ្វើកិច្ចសន្យា ដល់ក្រុមយុវជនដែលជិះម៉ូតូបង្ហោះជែងគ្នា ដោយគ្មានសណ្ដាប់ធ្នាប់ នៅចំណុចផ្លូវជាតិលេខ២២ និងផ្លូវជាតិលេខ២ ស្ថិតក្នុងស្រុកត្រាំកក់ រួចប្រគល់ឲ្យអាណាព្យាបាលវិញ ដើម្បីយកទៅអប់រំណែនាំបន្ត ក្រោយពេលសមត្ថកិច្ចចុះឃាត់ខ្លួនបាន និងនាំមកកាន់អធិការដ្ឋាននគរបាលស្រុកត្រាំកក់។
![](https://kohsantepheapdaily.com.kh/wp-content/uploads/2023/08/a3f390d88e4c41f2747bfa2f1b5f87db-24.jpg)
លោក ឯក ឆេងហួត ព្រះរាជអាជ្ញាអមសាលាដំបូងខេត្ត បានធ្វើការអប់រំណែនាំ និងហៅអាណាព្យាបាលទៅធ្វើកិច្ចសន្យា ដើម្បីធានាយកទៅអប់រំបន្ត ឲ្យបញ្ឈប់ការបង្ហោះម៉ូតូតាមផ្លូវតទៅទៀត ព្រោះមិនមែនត្រឹមតែបង្កគ្រោះថ្នាក់តែខ្លួនឯងនោះទេ ក៏អាចបង្កគ្រោះដល់អ្នកដទៃផងដែរ។
![](https://kohsantepheapdaily.com.kh/wp-content/uploads/2023/08/14bfa6bb14875e45bba028a21ed38046-24.jpg)
ហើយក្រុមយុវជនទាំងអស់នេះ បានជិះម៉ូតូគ្មានសណ្ដាប់ធ្នាប់ និងត្រូវសមត្ថកិច្ចចាប់នេះ រួមមាន ៖ ម៉ូតូចំនួន៨គ្រឿង មានគ្នាចំនួន១៧នាក់ មកពីស្រុកស្អាង ខេត្តកណ្ដាល ក្នុងគោលបំណងឆ្ពោះទៅខេត្តកំពត ដើម្បីដើរលេង ៕
![](https://kohsantepheapdaily.com.kh/wp-content/uploads/2023/08/7cbbc409ec990f19c78c75bd1e06f215-26.jpg)
![](https://kohsantepheapdaily.com.kh/wp-content/uploads/2023/08/e2c420d928d4bf8ce0ff2ec19b371514-24.jpg)
![](https://kohsantepheapdaily.com.kh/wp-content/uploads/2023/08/32bb90e8976aab5298d5da10fe66f21d-25.jpg)
ចែករំលែកព័តមាននេះ