រាជ​ធានី​ភ្នំពេញ ៖ កាល​ពី​ថ្ងៃទី៧ ឧសភា ​ក្រុមហ៊ុន Pizza Company ​បាន​ធ្វើការ​ប្រកួត​បាល់​ទាត់​លក្ខណៈ​មិត្ត​ភាព​ជាមួយ​សណ្ឋា​គារ​​សាន់វេ នៅ​ទី​លាន​បាល់​ទាត់​​របស់សាកល​វិទ្យា​ល័យមេគង្គ​កម្ពុជា ។
លទ្ធផល​នៃ​ការប្រកួត​ គឺ​ក្រុម​បាល់​ទាត់ក្រុម​ហ៊ុន​ Pizza Company ​​ចាញ់​​ក្រុមបាល់​ទាត់​​សណ្ឋា​គារ​សាន់វេ២​ទល់នឹង៣ ។ ​ខែ​ក្រោយ​ក្រុ​មបាល់​ទាត់ Pizza Company នឹង​ត្រូវ​​ប្រកួត​ជា​លក្ខណៈ​​មិត្ត​ភាព​ជា​មួយក្រុម​ធនាគារ SBC ​ហើយ​រាល់​ថ្ងៃ​សៅរ៍ ក្រុម​កីឡាករ Pizza Company តែង​តែ​ទៅធ្វើ​ការ​​ហ្វឹក​ហាត់​នៅ​ទី​លាន​បាល់​ទាត់​​របស់​សាកល​វិទ្យា​ល័យ​មេគង្គ​​ជា​ប្រចាំ  ដើម្បីពង្រឹង​​សមត្ថ​ភាព​របស់​គេ​ឱ្យ​កាន់​តែ​រឹង​មាំជាងនេះទៅ​ទៀត ។​ រៀងរាល់​ចុង​ខែ ​ក្រុម​បាល់​ទាត់ Pizza Company ​តែងតែ​ធ្វើ​ការ​ប្រកួត​ជាមួយ​​ក្រុម​​បាល់​ទាត់​តាម​បណ្តា​ក្រុម​ហ៊ុន​នានា​ជា​លក្ខណៈ​មិត្ត​ភាព​។
គួរបញ្ជាក់​ឱ្យ​ដឹង​ដែរថា នេះគឺជាការ​ប្រកួត​​​លើកទី៤ហើយ ដែល​៣លើកកន្លង​មក​ ក្រុម​បាល់​ទាត់​ Pizza Company បានទទួល​ជ័យ​ជម្នះ​​ទាំង​៣លើក​ តែ​លើកទី៤នេះត្រូវចាញ់​ក្រុម​បាល់​ទាត់សណ្ឋាគារ​សាន់វេក្នុង​លទ្ធ​ផល២​ទល់​នឹង៣ ។
The Pizza Company គឺជាសមាជិក​របស់​ក្រុមហ៊ុន EFG ជាក្រុម​ហ៊ុននាំ​ចូល​ និងទិញ​សិទ្ធិ​ផ្តាច់​មុខ​ភោជនីយដ្ឋាន​ល្បីៗ​លំដាប់ថ្នាក់​អន្តរ​ជាតិ​ ដែលក្នុងនោះ​មាន​ភោជនីយដ្ឋាន​សាច់អាំង ​និងបំពង BBQ Chicken ​និង​ហាងការ៉េមពេញ​និយម Swensen’s ផង​ដែរ ៕