ADផ្ទាំងផ្សព្វផ្សាយពាណិជ្ជកម្ម

Picture

មិន​ធម្មតា​, បុរស​ម្នាក់​នេះ​ឡើង​ដូរ​អំពូល​ភ្លើង​នៅ​លើ​អង់តែន​ទូរទស្សន៍​ម្ដង​គិត​លុយ​២ម៉ឺន​ដុល្លារ

6 ខែ មុន

បុរស​ម្នាក់​នេះ​អាច​​រក​បាន​ប្រាក់​កម្រៃ​​ច្រើន​គួរ​សម​ដោយ​​ឡើង​ទៅ​ដូរ​អំពូល​ភ្លើង​នៅ​លើ​​អង់តែន​ទូរ​ទស្សន៍​​កម្ពស់​៤៥៧​​ម៉ែត្រ​។ បើ​សម្រាប់​មនុស្ស​ធម្មតា​ គ្រាន់​តែ​ឡើង​ទៅ​ដល់​ប៉ែក​ខាង​លើ ហើយ​សម្លឹង​មើល​ចុះ​ក្រោម​សឹង​តែ​វិល​មុខ​ ឬ​សឹង​តែ​​ខ្យល់​ចាប់​ភ្លាម​ៗ​។ ប៉ុន្តែ​សម្រាប់​បុរស​ដ៏​ក្លាហាន​ម្នាក់​នេះ,​ ​គាត់​អាច​ឡើង​ទៅ​ដល់​លើ​នោះ និង​ដូរ​អំពូល​ប្រកប​ដោយ​​ ​ជំនាញ​​វិជ្ជា​ជីវៈ​។ ​ក្នុង​​១​ឆ្នាំ​ៗ,​…

បុរស​ម្នាក់​នេះ​អាច​​រក​បាន​ប្រាក់​កម្រៃ​​ច្រើន​គួរ​សម​ដោយ​​ឡើង​ទៅ​ដូរ​អំពូល​ភ្លើង​នៅ​លើ​​អង់តែន​ទូរ​ទស្សន៍​​កម្ពស់​៤៥៧​​ម៉ែត្រ​។ បើ​សម្រាប់​មនុស្ស​ធម្មតា​ គ្រាន់​តែ​ឡើង​ទៅ​ដល់​ប៉ែក​ខាង​លើ ហើយ​សម្លឹង​មើល​ចុះ​ក្រោម​សឹង​តែ​វិល​មុខ​ ឬ​សឹង​តែ​​ខ្យល់​ចាប់​ភ្លាម​ៗ​។ ប៉ុន្តែ​សម្រាប់​បុរស​ដ៏​ក្លាហាន​ម្នាក់​នេះ,​ ​គាត់​អាច​ឡើង​ទៅ​ដល់​លើ​នោះ និង​ដូរ​អំពូល​ប្រកប​ដោយ​​ ​ជំនាញ​​វិជ្ជា​ជីវៈ​។

​ក្នុង​​១​ឆ្នាំ​ៗ,​ គាត់​ត្រូវ​គេ​ជួល​ឱ្យ​ឡើង​ទៅ​ដូរ​អំពូល​ភ្លើង​ដែល​បំពាក់​នៅ​កំពូល​អង់​តែន​ ដោយ​មួល​អំពូល​ចាស់​ចេញ​ ហើយ​ដាក់​អំពូល​​​ថ្មី​ចូល​ជំនួស​។​ បន្ទាប់​ពី​ដូរ​អំពូល​ចប់,​ ​កិច្ច​ការ​របស់​គាត់​ក៏​ត្រូវ​ចប់​ត្រឹម​​នេះ​​។ បន្ទាប់​មក,​ គាត់​​សម្រូត​ខ្លួន​ចុះ​មក​ដី​វិញ​។​ ដូរ​អំពូល​ដើម្បី​ធានា​សុវត្ថិ​ភា​ព​សម្រាប់​ការ​ហោះ​ហើរ​នៃ​យន្ត​ហោះ​តូច​ធំ​គ្រប់​ប្រភេទ​។ តាម​រយៈ​ការ​បញ្ចេញ​ពន្លឺ​ភ្លើង​ពី​អំពូល​អង់​តែន​នេះ យន្ត​ហោះ​អាច​មើល​ឃើញ​ពី​ចម្ងាយ​ថា​មាន​អ្វី​មួយ​នៅ​ពី​មុខ​ផ្លូវ​ហោះ​ហើរ។​​ ដូច្នេះ អាកាស​យានិក​អាច​បញ្ជា​យន្ត​ហោះ​ឱ្យ​​ហោះ​ខ្ពស់​ជាង​នេះ ឬ​ងាក​ចេញ​ពី​មុខ​អំពូល​​ភ្លើង​។

​អង់តែន​ទូរទស្សន៍​​នេះ​មាន​ទី​តាំង​នៅ​រដ្ឋ​ដាកូតា​ខាង​ត្បូង (South Dakota)​ នៃ​ប្រទេស​អាមេរិក​។ ​​សម្រាប់​ថ្លៃ​ឈ្នួល​ពល​កម្ម​នៃ​ការ​ឡើង​ទៅ​ដូរ​អំពូល​អង់​តែន​នោះ​ម្ដង​ គាត់​អាច​ទទួល​បាន​២​ម៉ឺន​ដុល្លារ​អាមេរិក​​​។​ ដូច្នេះ នៅ​ក្នុង​​១​ឆ្នាំ​ៗ គាត់​ឡើង​ទៅ​ដូរ​អំពូល​អង់​តែន​២​ដង​ ​មាន​ន័យ​ថា​គា​ត់​អាច​រក​ប្រាក់​ចំណូល​បាន​៤​ម៉ឺន​ដុល្លារ​យ៉ាង​ងាយ​ស្រួល​ត្រឹម​តែ​១​ប៉​ប្រិច​ភ្នែក​ប៉ុណ្ណោះ​​។

ការ​ឡើង​ទៅ​ដូរ​អំពូល​នៅ​លើ​ទី​តាំង​ខ្ពស់​ៗ​បែប​នេះ​គេ​ឱ្យ​តម្លៃ​ខ្លាំង​ណាស់​នៅ​ប្រទេស​អាមេរិក​។ នេះ​មិន​មែន​ជា​កិច្ច​ការ​ដែល​នរណា​ៗ​ក៏​អាច​ធ្វើ​បាន​នោះ​ទេ​។​ មនុស្ស​ភាគ​ច្រើន​បំផុត​មិន​អាច​ធ្វើ​កិច្ច​ការ​នេះ​បាន​ឡើយ​។ ទម្រាំ​ឡើង​ទៅ​ដល់​កំពូល​អង់​តែន, បុរស​​ជាង​​ភ្លើង​ឈ្មោះ​​ខេវីនស្មីត​​ (Kevin Schmidt) ត្រូវ​ចំណាយ​ពេល​២​ម៉ោង​។ គាត់​បាន​ប្រឡូក​នៅ​ក្នុង​វិស័យ​នេះ​រយៈ​ពេល​៨​ឆ្នាំ​មក​ហើយ​ ហើយ​ធ្លាប់​ឡើង​បង្គោល​អង់តែន​ដើម្បី​ដូរ​អំពូល​បែប​នេះ​រាប់​រយ​កន្លែង​។​

គាត់​​មិន​ត្រឹម​តែ​មិន​ញញើត​នឹង​​ការ​ឡើង​​ទៅ​លើ​ទី​ខ្ពស់​ដល់​កម្រិត​នេះទេ​។ ប៉ុន្តែ​គាត់​ហាក់​ដូច​ជា​រំភើប​នឹង​ការ​ងារ​នេះតែ​ម្ដង​។​​​ ​ពេល​ខ្លះ, ​នៅ​ពេល​ឡើង​ដល់​កំពូល​អង់តែន គាត់​​ឆ្លៀត​​ទាញ​ស្មាត​ហ្វូន​មក​ថត​សែលហ៊្វី​មួយ​ប៉ុស្តិ៍​ពីរ​ប៉ុស្តិ៍​​ទុក​ជា​អនុស្សា​វរីយ៍​ថែម​ទៀត​ផង​។​​ យោង​តាម​ការិយាល័យ​ស្ថិតិ​ការ​ងារ​របស់​អាមេរិក​, បុគ្គលិក​ដែល​បម្រើ​ការ​នៅ​ក្នុង​ផ្នែក​ឡើង​បង្គោល​អង់តែន​អគ្គិសនី និង​បង្គោល​ប្រព័ន្ធ​ទំនាក់​ទំនង​ចល័ត​នៅ​ប្រទេស​អភិវឌ្ឍ​ គេ​ឱ្យ​តម្លៃ​ការ​ងារ​នេះ​ណាស់​។

​បុគ្គលិក​អាច​ទទួល​បាន​ប្រាក់​បំណាច់​ប្រ​ចាំ​ឆ្នាំ​៦​ម៉ឺន ៧ពាន់​ដុល្លារ​​ជា​មធ្យម​។​ ប៉ុន្តែ​មុន​នឹង​ទទួល​បាន​ប្រាក់​បំណាច់​ប៉ុណ្ណេះ មិន​មែន​មនុស្ស​ទូទៅ​សុទ្ធ​តែ​អាច​ធ្វើ​បាន​នោះ​ទេ​។ អ្នក​ដែល​គេ​ផ្ដល់​សេចក្ដី​ទុក​ចិត្ត​ដើម្បី​ធ្វើ​ការ​លើ​ផ្នែក​នេះ​ត្រូវ​​តែ​មាន​ជំនាញ​វិជ្ជាជីវៈ​ច្បាស់​លាស់​ ហើយ​ជា​អ្នក​ដែល​ហ៊ាន​ប្រឈម​នឹង​ហា​និភ័យ​ខ្ពស់​ដល់​អាយុ​ជីវិត។ ម៉្យាង​ទៀត​​ ពួក​​គេ​ត្រូវ​តែ​មាន​សញ្ញា​ប័ត្រ​​ជំនាញ​ខាង​អគ្គិសនី​ ​ហើយ​ត្រូវ​តែ​ជា​អ្នក​ដែល​បាន​ឆ្លង​កាត់​​ការ​ហ្វឹក​ហាត់​ការ​ប្រថុយ​នឹង​គ្រោះ​ថ្នាក់​បែប​នេះ​កម្រិត​ខ្ពស់​៕​​

ប្រភព៖ Daily Mail, USA Today និង​ប្រភព​ដទៃ​ទៀត​
https://ng.opera.news/ng/en/military/ec79c17cf7b042352c85411c3ea7ee1f 
http://wholesomeposts.com/video-this-man-works-1-day-every-6-months-earns-20000-time-changing-bulb/
https://www.dailymail.co.uk/news/article-2896320/The-vertigo-inducing-moment-daredevil-climbs-1-500-feet-change-lightbulb-atop-TV-tower-pauses-SELFIE.html
https://www.usatoday.com/story/news/nation/2015/01/11/sky-high-climb-passes-1-million-views/21616985/

អត្ថបទសរសេរ ដោយ

កែសម្រួលដោយ