ខេត្តកំពង់ឆ្នាំង ៖ បុរសម្នាក់បានយកកាំបិតចុងស្រួចអារ និងចាក់.កខ្លួនឯងធ្វើឱ្យមានការភ្ញាក់ផ្អើល ហើយត្រូវបានក្រុមគ្រួសារដឹកយកទៅសង្គ្រោះនៅមន្ទីរពេទ្យខេត្តជាបន្ទាន់ កាលពីវេលាម៉ោង៥ និង៣០នាទីល្ងាចថ្ងៃទី១១ ឧសភា ២០១១ នៅផ្ទះបុរសរងគ្រោះស្ថិតក្នុងភូមិប៉ាហ៊ី ឃុំអណ្តូងស្នាយ ស្រុករលាប្អៀរ
ខេត្តកំពង់ឆ្នាំង ៖ បុរសម្នាក់បានយកកាំបិតចុងស្រួចអារ និងចាក់.កខ្លួនឯងធ្វើឱ្យមានការភ្ញាក់ផ្អើល ហើយត្រូវបានក្រុមគ្រួសារដឹកយកទៅសង្គ្រោះនៅមន្ទីរពេទ្យខេត្តជាបន្ទាន់ កាលពីវេលាម៉ោង៥ និង៣០នាទីល្ងាចថ្ងៃទី១១ ឧសភា ២០១១ នៅផ្ទះបុរសរងគ្រោះស្ថិតក្នុងភូមិប៉ាហ៊ី ឃុំអណ្តូងស្នាយ ស្រុករលាប្អៀរ ។ តាមការរៀបរាប់របស់ស្ត្រីឈ្មោះដាំ សៅ អាយុ៣៨ឆ្នាំ ដែលត្រូវជាប្រពន្ធរបស់បុរសខាងលើនេះបាននិយាយថា ប្តីគាត់ឈ្មោះឃុត បៀនអាយុ៤០ឆ្នាំ បានរៀបការជាមួយគាត់៣ឆ្នាំហើយមានកូន២នាក់ ។
ប៉ុន្មានថ្ងៃមុនពេលកើតហេតុនេះ ប្តីគាត់ចេះតែប្លែកដោយមានទឹកមុខខ្មៅ និងមិននិយាយស្តីអ្វីទេ ចេះតែមុខស្រពោន កាលណោះលោកមេភូមិបានប្រាប់គាត់ថា ប្តីគាត់មានគ្រោះហើយ ហើយឱ្យរកគ្រូដោះគ្រោះទៅ។ គាត់ក៏បានរកគ្រូដោះគ្រោះដែរ ប៉ុន្តែមិនទាន់ដល់ថ្ងៃដែលត្រូវធ្វើ ក៏ស្រាប់តែនៅល្ងាចនោះ ខណៈដែលគាត់រវល់ដាំស្លនៅផ្ទះបាយប្តីគាត់នៅលើផ្ទះបានយកកាំបិតចុងស្រួចទៅអារ.ក និងចាក់បំពង់.កខ្លួនឯង ឃើញដូចនោះគាត់ក៏ចូលទៅចាប់ និងស្រែកឱ្យអ្នកជិតខាងជួយ។ ភ្លាមៗនោះអ្នកស្រុកក៏បានចូលមក ជួយ និងដឹកយកទៅសង្គ្រោះនៅមន្ទីរពេទ្យខេត្តបន្ទាន់ ។ ស្ត្រីជាប្រពន្ធបានបញ្ជាក់ថា ប្តីគាត់ត្រូវខ្មោចចូល ហើយបើតាមលោកមេភូមិប្រាប់ថា គឺប្តីគាត់មានគ្រោះកំបុត.ក ។
នៅក្នុងមន្ទីរពេទ្យគ្រូពេទ្យបាននិយាយថា បុរសរូបនោះបានអារដាច់៣កន្លែងដោយដាច់សរសៃឈាមតូចៗទើបមានឈាមច្រើន ចំណែកការចាក់មួយកាំបិត គឺមិនជ្រៅចូលដល់បំពង់.កទេ ហើយមុខរបួស គឺមធ្យមអាចជួយសង្គ្រោះបាន៕
ចែករំលែកព័តមាននេះ