រាជធានីភ្នំពេញ ៖ កាលពីព្រឹកថ្ងៃទី១០ ឧសភា ឆ្នាំ២០១១ លោកគួច ចំរើន អភិបាលខណ្ឌមានជ័យ អមដំណើរដោយលោកប្រាជ្ញ សីហា និងលោកសួស សារិន ចៅសង្កាត់បឹងទំពុន បានចុះពិនិត្យការដ្ឋានស្ថាបនាផ្លូវបេតុងមួយខ្សែស្ថិតនៅភូមិសន្សំកុសល ដែលស្ថាបនាឡើងក្នុងគម្រោងថវិកា៥០+៥០
រាជធានីភ្នំពេញ ៖ កាលពីព្រឹកថ្ងៃទី១០ ឧសភា ឆ្នាំ២០១១ លោកគួច ចំរើន អភិបាលខណ្ឌមានជ័យ អមដំណើរដោយលោកប្រាជ្ញ សីហា និងលោកសួស សារិន ចៅសង្កាត់បឹងទំពុន បានចុះពិនិត្យការដ្ឋានស្ថាបនាផ្លូវបេតុងមួយខ្សែស្ថិតនៅភូមិសន្សំកុសល ដែលស្ថាបនាឡើងក្នុងគម្រោងថវិកា៥០+៥០។
កំណាត់ផ្លូវបេតុងថ្មីមួយខ្សែខាងលើនេះ មានទទឹង៥ម៉ែត្រ និងបណ្តោយប្រវែង៥១៣ម៉ែត្រ ស្ថាបនាឡើងដោយចំណាយថវិកាអស់ជាង១៧៨លានរៀល ។ ក្នុងឱកាសចុះពិនិត្យការដ្ឋានស្ថាបនាផ្លូវថ្មីនៅចំណុចភូមិសាស្ត្រខាងលើនេះ លោកគួច ចំរើន បានណែនាំដល់ការិយាល័យសាធារណការខណ្ឌដែលជាមន្ត្រីជំនាញទទួលបន្ទុកស្ថាបនាផ្លូវខាងលើ ធ្វើយ៉ាងណាដំណើរការចាក់បេតុងលើទ្រូងផ្លូវឱ្យបានល្អ តាមបទដ្ឋានបច្ចេកទេស ដើម្បីធានាគុណភាពផ្លូវជូនប្រជាពលរដ្ឋប្រើប្រាស់បានយូរអង្វែង ។
សូមរំឭកថា នៅទូទាំងខណ្ឌមានជ័យនាពេលបច្ចុប្បន្នមានផ្លូវបេតុងខ្វាត់ខ្វែងផុសឡើងក្រោមគំនិតផ្តួចផ្តើមកសាងដឹកនាំដោយលោកគួច ចំរើន អភិបាលខណ្ឌមានជ័យជាមួយចៅសង្កាត់ទាំងអស់នៅទូទាំងខណ្ឌ ។ ជាងនេះទៅទៀត សម្រាប់សង្កាត់ថ្មីចំនួន៤ សង្កាត់ដែលបានកាត់បញ្ចូលពីស្រុកកៀនស្វាយ មកខណ្ឌមានជ័យ ក៏លោកអភិបាលខណ្ឌកំពុងផ្តួចផ្តើមគំនិតស្ថាបនាផ្លូវថ្នល់នេះដែរ ៕
ចែករំលែកព័តមាននេះ