ភ្នំពេញ៖ សហព័ន្ធកីឡាបាល់ទាត់​កម្ពុជា បានបញ្ចេញនូវបញ្ជីឈ្មោះកីឡាករ ២៣នាក់ចុងក្រោយ សម្រាប់ការប្រកួតពានរង្វាន់ AFF U23 Championship 2023 នៅប្រទេសថៃ ដែលនឹងប្រព្រឹត្តទៅពីថ្ងៃទី១៧ ដល់​ថ្ងៃ​ទី​២៦ ខែ​សីហា ​ឆ្នាំ​​២០​២៣​​។​ ​កីឡា​​ករ​​​​​​កម្ពុជា​​ ទាំង​​​ ២៣​​​នាក់​​​​​នេះ ​​ត្រូវ​​​​បាន​​​​ជ្រើស​​​ចេញ​​​​​នៅ​​​​​វគ្គ​​​​​ទី​​​​២ ក្នុងចំណោមកីឡាករ ២៨នាក់​។

បញ្ជី U23 កម្ពុជា សម្រាប់ការ​ប្រកួតពានរង្វាន់​ AFF U23 Championship 2023 ដែលសហព័ន្ធ​កីឡា​បាល់​ទាត់​​កម្ពុជា បានផ្សាយ នៅថ្ងៃទី១៤ ខែសីហា ឆ្នាំ២០២៣ ទាំង ២៣នាក់ រួមមាន៖ មកពីបឹងកេត ៣នាក់៖ ថា ច័ន្ទឫទ្ធី ឃាន់ សុប៉ិន និងតាំង ប៊ុនឆៃ។ មកពីវិសាខា ៦នាក់៖ សារទី ស៊ិនសុវណ្ណមករា ឡេងណូរ៉ា សរតនា ភឿកថាតថៃ និងមានចាន់រិទ្ធ។ មកពីគិរីវង់សុខសែនជ័យ ២នាក់ ​រួមមាន អ៊ន់សីហា និងអ៊ានពិសី។ មកពីណាហ្កាវើលដ៍ ២នាក់ រួមមាន៖ រ៉េត​លីហេង និងហួតវ៉ាន់ណេត។ មក​ពី​ភ្នំពេញ​ក្រោន ៣​នាក់ រួមមាន៖ ឈុំសុខហៃ កើតពេជ្រ និងសំអុលទីណា។ មកពីដង្កោសែនជ័យ ម្នាក់៖ អៀម​រតនា​។ មកពី​ព្រៃវែងអេហ្វស៊ី ៣នាក់​ រួមមាន៖ គឹម ចាន់វាសនា អ៊ិនឃីនដារ៉ូ និងគង់លីហួរ។ មកពី​ព្រះខ័ន​រាជស្វាយរៀង ២នាក់ គឺ​មិនរតនៈ និងជូស៊ីនទិ។ មកពីកងយោធពលខេមរភូមិន្ទម្នាក់ គឺកីឡាករ យ៉ង់ ភូមិន្ទ។

សូមរម្លឹក​​ថា ការប្រកួតពានរង្វាន់ AFF U23 Championship 2023 នៅប្រទេសថៃ ដែលនឹង​ប្រព្រឹត្ត​ទៅ ពីថ្ងៃទី១៧ ដល់ថ្ងៃទី២៦ ខែសីហា ឆ្នាំ២០២៣ នឹងត្រូវ​ប្រកួត ​នៅរ៉ៃយ៉ង និងឈុន​ប៊ូរី ដោយមានក្រុមបាល់ទាត់ ១០ប្រទេស ចូលរួម គឺវៀតណាម ហ្វីលីពីន ឡាវ ទីម័រ ម៉ាឡេស៊ី ឥណ្ឌូនេស៊ី ថៃ កម្ពុជា ប៊្រុយណេ និងមីយ៉ាន់ម៉ា។ វៀតណាម គឺជាក្រុមការងារតំណែង​ជើងឯក​។

កម្ពុជាយើង ស្ថិតនៅក្នុងពូល A ដែលមាន ៤ក្រុម គឺម្ចាស់ផ្ទះថៃ កម្ពុជា ប៊្រុយណេ និងមីយ៉ាន់ម៉ា។ កម្ពុជាយើង ត្រូវទាត់បើកឆាកមុនគេ នៅថ្ងៃទី១៧ ខែសីហា វេលាម៉ោង ៤រសៀល​ ដោយជួប​ជាមួយ​ប៊្រុយណេ។ ថ្ងៃទី១៩សីហា ម៉ោង ៤រសៀល​ កម្ពុជា ជួបមីយ៉ាន់ម៉ា។ ថ្ងៃទី២១សីហា វេលាម៉ោង ៨យប់ កម្ពុជា ជួបម្ចាស់ផ្ទះថៃ។

ចំណែកពូល B មាន ៣ក្រុម រួមមាន៖ ទីម័រ ម៉ាឡេស៊ី និងឥណ្ឌូនេស៊ី។ រីឯពូល C មាន ៣ក្រុមដែរ គឺ វៀតណាម ហ្វីលីពីន និងឡាវ​៕