រាជធានីភ្នំពេញ ៖ វង្ស ណយ អ្នកប្រដាល់មកពីក្លឹបកងពលតូចលេខ៣១សុំប្រកួតសងសឹកជាមួយស៊ីវ ឌីណា មកពីក្លឹបកងទ័ពពិសេសឆត្រយោង៩១១នៅលើសង្វៀន CTN ថ្ងៃសៅរ៍ ទី១៤ ឧសភា ខាងមុខ ម្តងទៀត ខណៈយស់ សំអាល់ មកពីក្លឹបឃ្លាំងមឿងកីឡាជួបសាកកម្លាំងជាមួយជឹម ដារ៉ា មកពីក្លឹបសិង្ហកីឡា។
កាលពីថ្ងៃអាទិត្យ ទី១ ខែឧសភា វង្ស ណយ និងស៊ីវ ឌីណា ធ្លាប់បានជួបគ្នាម្តងរួចមកហើយ ដែលកាលណោះវង្ស ណយ ត្រូវឌីណា
រាជធានីភ្នំពេញ ៖ វង្ស ណយ អ្នកប្រដាល់មកពីក្លឹបកងពលតូចលេខ៣១សុំប្រកួតសងសឹកជាមួយស៊ីវ ឌីណា មកពីក្លឹបកងទ័ពពិសេសឆត្រយោង៩១១នៅលើសង្វៀន CTN ថ្ងៃសៅរ៍ ទី១៤ ឧសភា ខាងមុខ ម្តងទៀត ខណៈយស់ សំអាល់ មកពីក្លឹបឃ្លាំងមឿងកីឡាជួបសាកកម្លាំងជាមួយជឹម ដារ៉ា មកពីក្លឹបសិង្ហកីឡា។
កាលពីថ្ងៃអាទិត្យ ទី១ ខែឧសភា វង្ស ណយ និងស៊ីវ ឌីណា ធ្លាប់បានជួបគ្នាម្តងរួចមកហើយ ដែលកាលណោះវង្ស ណយ ត្រូវឌីណាវាយឱ្យសន្លប់នៅក្នុងទឹកទី៤។ វង្ស ណយ ជាកំពូលអ្នកប្រដាល់ដែលមានស្នៀតកែងរហ័សរហួនគួរសម ប៉ុន្តែបែរជាមកភ្លាត់ស្នៀតបណ្តោយឱ្យឌីណាវាយរហូតដល់សន្លប់។ ប៉ុន្តែបើតាមការអះអាងរបស់វង្ស ណយ ថា គេខិតខំប្រឹងប្រែងហ្វឹកហាត់មិនហ៊ានធ្វេសប្រហែសឡើយ ជាពិសេសគេព្យាយាមរកល្បិចទប់ទល់នឹងស្នៀតកែង និងជង្គង់របស់ឌីណាឱ្យបានល្អបំផុត។ ឌីណា ក៏មិនហ៊ានអួតក្អេងក្អាងទុកមុននោះដែរ ព្រោះគេគិតថា ជ័យជំនះកាលពីលើកមុនទំនងមកពី វង្ស ណយ ប្រហែសបន្តិច។ លើកនេះ គេមិនហ៊ានមើលស្រាលលើវង្ស ណយ ទេ។
យស់ សំអាល់ និងជឹម ដារ៉ា មិនធ្លាប់ប៉ះគ្នាពីមុនមកឡើយ ប៉ុន្តែសំរាប់គូនេះសំបូរល្បិចប្រយុទ្ធដូចគ្នា ។ ដោយសារតែកន្លងមកគេមិនធ្លាប់ប៉ះគ្នានោះទាំងសងខាងសុទ្ធតែមានការកោតញញើតគ្នាទៅវិញទៅមក។ សំអាល់ស្នៀតកណ្តាប់ដៃរបស់គេអាចវាយចេញបានរហ័ស ឯ ស្នៀតជើងក៏មិនអន់ដែរ។ អ្នកប្រដាល់រូបនេះពូកែអត់ធ្មត់បំផុត។ ចំណែកជឹម ដារ៉ា វិញស្នៀតប្រយុទ្ធរបស់គេក៏សំបូរបែបណាស់ដែរ ទាំងស្នៀតជើង និងកណ្តាប់ដៃសុទ្ធតែអាចយកជាការបានទាំងអស់។ គូនេះអ្នកណាខ្លាំង អ្នកណាខ្សោយមានតែរង់មើលលើការប្រកួតថ្ងៃនោះមកដល់សិនទើបអាចដឹងបាន។
មៀច សុខរ៉ា មកពីក្លឹបតាព្រហ្មមានជ័យប្រកួតជាមួយអ៊ុំ ពិសិដ្ឋ មកពីក្លឹបកងពលធំអន្តរាគមន៍លេខ៣ព្រះវិហារ។ យិន បូរិន មកពីក្លឹបរិទ្ធីស័ក្តិកីឡាប្រកួតជាមួយសឿន សារ៉ាក់ មកពីក្លឹបវីអាយភីចំការមន។ សូ វេត មកពីក្លឹបរមាសខេត្តកំពង់ឆ្នាំង ប្រកួតលក្ខណៈសាកលជាមួយយឹម វិចិត្រ មកពីក្លឹបឥន្ទ្រីកីឡា ៕
ចែករំលែកព័តមាននេះ