ក្រសួងទេសចរណ៍ស្នើឱ្យបុគ្គលដែលនិយាយមិនល្អពីម្ហូបអាហារខ្មែរ ចេញមុខសុំទោសជាធារណៈ
- ភ្នំពេញ
រាជធានីភ្នំពេញ ៖ ក្រសួងទេចរណ៍កម្ពុជាបានសម្តែងការសោកស្តាយចំពោះការវាយតម្លៃមិនល្អមក
រាជធានីភ្នំពេញ ៖ ក្រសួងទេចរណ៍កម្ពុជាបានសម្តែងការសោកស្តាយចំពោះការវាយតម្លៃមិនល្អមក
រាជធានីភ្នំពេញ ៖ ក្រសួងទេចរណ៍កម្ពុជាបានសម្តែងការសោកស្តាយចំពោះការវាយតម្លៃមិនល្អមកលើម្ហូបអាហារខ្មែរ ហើយបានស្នើឲ្យបុគ្គលដែលនិយាយចេញមុខសុំទោសជាសាធារណៈ។
យោងតាមសេចក្ដីថ្លែងការណ៏ ក្រសួងទេសចរណ៍នៅថ្ងៃទី៧ ខែសីហា ឆ្នាំ២០២៣ បានលើកឡើងថា សូមជម្រាបជូនភ្ញៀវទេសចរជាតិ និងអន្តរជាតិ ផ្នែកឯកជនក្នុងឧស្សាហកម្មទេសចរណ៏ និងសាធារណជនទូទៅ មេត្តាជ្រាបថា ក្រសួងទេសចរណ៍ មានការសោកស្តាយជាយ៉ាងខ្លាំង ក្រោយពីបានឃើញ វីដេអូដែលវាយតម្លៃមិនល្អមកលើម្ហូបអាហារខ្មែរ នៅលើបណ្ដាញសង្គម Channel YouTube ឈ្មោះថាNigel Ng ចុះផ្សាយកាលពីថ្ងៃទី៣០ ខែកក្កដា ឆ្នាំ២០២៣ មានចំណងជើងថា«Uncle Roger Make Adobo»។
សេចក្តីថ្លែងការណ៍បានបន្តថា ការវាយតម្លៃរបស់បុគ្គលខាងលើនេះ បានប្រាសចាកទាំងស្រុង ពីតថភាពនៃកិ ត្យានុភាព និងអត្តសញ្ញាណ ម្ហូបអាហារខ្មែរ ជាពិសេសបានធ្វើឱ្យប៉ះពាល់យ៉ាង ខ្លាំង ដល់ទេសចរណ៍ម្ហូបអាហារ ដែលរាជរដ្ឋាភិបាលកម្ពុជា ក៏ដូចជា ក្រសួងទេសចរណ៍ បានខិតខំជំរុញការផ្សព្វផ្សាយនៅលើឆាកអន្តរជាតិឱ្យពិភពលោកទាំងមូលបានស្គាល់ យ៉ាងទូលំទូលាយថា «កម្ពុជាមានវប្បធម៌ដ៏ល្អផូរផង់ និងមានម្ហូបអាហារដ៏សម្បូរបែប» ។ ជាក់ស្ដែង កាលពីឆ្នាំ២០២២ សៀវភៅម្ហូបអាហារខ្មែរ «The Taste of Angkor» ដែលចងក្រងដោយក្រសួងការបរទេស និងសហប្រតិបត្តិការ អន្តរជាតិកម្ពុជា បានជាប់ចំណាត់ថ្នាក់ The Best Asian Cookbook Prize នៅក្នុងកម្មវិធី The Gourmand World Cookbook Awards 2021 នៅទីក្រុងប៉ារីស។
សេចក្តីថ្លែងការណ៍គូសបញ្ជាក់ថា៖«ក្នុងន័យនេះ ក្រសួងទេសចរណ៏ កំពុងសហការជាមួយ ភាគីពាក់ព័ន្ឋយ៉ាងជិតស្និទ្ធ និងស្នើឱ្យបុគ្គល Nigel Ng ឬ Uncle Roger កើតថ្ងៃទី១៥ ខែមីនា ឆ្នាំ១៩៩១ ធ្វើការសុំទោសជាសាធារណៈចំពោះប្រជាជនកម្ពុជា និងកែតម្រូវ វីដេអូដែល បានចុះផ្សាយនោះឡើងវិញជាបន្ទាន់នៅលើបណ្តាញសង្គមរបស់ខ្លួន»។
ក្រសួងទេសចរណ៍ សូមថ្លែងអំណរគុណចំពោះការចូលរួមផ្តល់យោបល់កែលម្អរបស់សាធារណជន ដើម្បីលើកស្ទួយវិស័យ ទេសចរណ៍ជាតិ ក៏ដូចជាគាំទ្រ និងស្វាគមន៍ជា និច្ចចំពោះអ្នកលេងបណ្តាញសង្គម ឬ អ្នកមានឥទ្ឋិពលក្នុងបណ្ដាញសង្គម (Influencer) ដែលមានបំណងចូលរួមផ្សព្វផ្សាយអំពីអច្ឆរិយភាពនៃវប្បធម៌ ធម្មជាតិ និងភាពសម្បូរ បែបនៃម្ហូបអាហារកម្ពុជា ដល់ទេសចរជាតិ-អន្តរជាតិជុំវិញពិភពលោក ៕
ចែករំលែកព័តមាននេះ