រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ប្រជាពលរដ្ឋនាំគ្នាចាប់បានចោ.រឆ.ក់ម្នាក់ដែលធ្វើសកម្មភាពឆក់ទូរស័ព្ទដៃពីជនបរទេស រួចជិះម៉ូតូរត់គេច តែត្រូវបុរសម្នាក់លោ.តធាក់ធ្វើឱ្យដួលម៉ូតូតែម្តង រួចចាប់ប្រគល់ជូនសមត្ថកិច្ចភ្លាមៗ បង្កឱ្យមានការភ្ញាក់ផ្អើលកាលពីវេលាម៉ោង១និង៤០នាទីរំលងអធ្រាត្រឈានចូលថ្ងៃទី៤ ខែសីហា ឆ្នាំ២០២៣ នៅលើកំណាត់ផ្លូវលេខ២៨២ ស្ថិតក្នុងមូលដ្ឋានសង្កាត់ បឹងកេងកង១ ខណ្ឌបឹងកេងកង ។
យោងតាមប្រភពព័ត៌មានពីប្រជាពលរដ្ឋស្ថិតនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញជនសង្ស័យវ័យជាង២០ឆ្នាំ បានជិះម៉ូតូ Scoopy ពណ៌ស មានស្លាកលេខ ភ្នំពេញ1KH-6627 ដែលជាស្លាកលេខម៉ូតូផ្សេងយកមកបំពាក់លើម៉ូតូរបស់ខ្លួន រួចចេញធ្វើសកម្មភាពឆ.ក់ទូរស័ព្ទដៃពីជនជាតិចិនម្នាក់ នៅចំណុចទល់មុខអាផាតមិន មួយកន្លែង ស្ថិតនៅទីតាំងកើតហេតុខាងលើ។
ប្រភពដដែលបន្តថា បន្ទាប់ពីឆ.ក់រួច ជនសង្ស័យបានព្យាយាមជិះរត់គេចខ្លួន តែត្រូវបុរសម្នាក់ លោ.តធាក់ បណ្តាលឲ្យដួលម៉ូតូអូសជាច្រើនម៉ែត្រតែម្តង ចំណែកជនសង្ស័យបន្តរត់គេចខ្លួន តែគេចមិនផុត ក៏ត្រូវប្រជាពលរដ្ឋនាំគ្នាព្រួតវា.យម្នាក់១ដៃ១ជើង ព្រមទាំងប្រគល់ជូនសមត្ថកិច្ចយកទៅប៉ុស្តិ៍ធ្វើការសាកសួរភ្លាមៗផងដែរ។
ពាក់ព័ន្ធក្នុងករណីខាងលើនេះ គឺជនសង្ស័យប្រមាណ៥ទៅ៦ម៉ូតូដែលចាំបិតគូទ ប៉ុន្តែត្រូវបានបរាជ័យ បន្ទាប់ពីបុរសម្នាក់លោ.តធាក់ម៉ូតូ បណ្តាលឲ្យគ្នីគ្នាឯទៀតភ័យជិះរត់គេចបាត់អស់។ រីឯអ្នកលោ.តធា.ក់ម៉ូតូចោ.រ ក៏បានរងរបួសធ្ងន់ផងដែរ និងត្រូវបានបញ្ជូនទៅសង្គ្រោះនៅមន្ទីរពេទ្យ ។
ក្រោយពេលកើតហេតុ ជនសង្ស័យ និងម៉ូតូ ត្រូវបានកម្លាំងសមត្ថកិច្ចមូលដ្ឋានប៉ុស្តិ៍នគរបាលរដ្ឋបាលបឹងកេងកង១ នាំយកទៅប៉ុស្តិ៍ ដើម្បីធ្វើការសាកសួរ និងបំពេញសំណុំរឿងចាត់ការបន្តតាមនីតិវិធីនៅពេលក្រោយ៕
ចែករំលែកព័តមាននេះ