ខេត្តក្រចេះ ៖ លទ្ធផលនៃការវាស់វែងឈើប្រណីត និងឈើអារប្រភេទលេខ១ ក្រោយរឹបអូសនៅបរិវេណស្ថានីយប្រេងឥន្ទនៈតេលា ស្ពានតេ ស្ថិតនៅសង្កាត់រការកណ្តាល ក្រុងក្រចេះ មានចំនួនសរុបប្រមាណជាជិត១៦ម៉ែត្រគូបត្រីគុណ ។…
ខេត្តក្រចេះ ៖ លទ្ធផលនៃការវាស់វែងឈើប្រណីត និងឈើអារប្រភេទលេខ១ ក្រោយរឹបអូសនៅបរិវេណស្ថានីយប្រេងឥន្ទនៈតេលា ស្ពានតេ ស្ថិតនៅសង្កាត់រការកណ្តាល ក្រុងក្រចេះ មានចំនួនសរុបប្រមាណជាជិត១៦ម៉ែត្រគូបត្រីគុណ ។
យោងតាមរបាយការណ៍រដ្ឋបាលព្រៃឈើគោរព ជូនលោកប្រធានមន្ទីរកសិកម្មរុក្ខាប្រមាញ់ និងនេសាទខេត្តក្រចេះ លទ្ធផលវាស់វែង ឈើចាប់ដឹកជញ្ជូន និងសន្និធិផល អនុផលព្រៃឈើ ដោយគ្មានលិខិតអនុញ្ញាតដកហូត កាលថ្ងៃទី២៧ ខែ កក្កដា ឆ្នាំ២០២៣ នៅចំណុចបរិវេណស្ថានីយ ប្រេងគល់ស្ពានតេ ភូមិរកាកណ្តាល សង្កាត់រការកណ្តាល ក្រុងក្រចេះ មានរថយន្ត ម៉ាកសាំងយ៉ុង ចំនួន២គ្រឿងមួយ គ្រឿងរក្សាទុក នៅអធិការស្រុកចិត្របុរី ឈើអារប្រណីត និងឈើអារលេខ១ សរុបចំនួន៥៥៦ ដុំសន្លឹក ស្មើ១៥,៩៨៣ម៉ែត្រគូប ក្នុងនោះ រួមមានប្រភេទឈើនាងនូនចំនួន៩៥ដុំស្មើ៣,៤២៨ម៉ែត្រគូប ឈើអារលេខ១ សុក្រមចំនួន១០៦ដុំស្មើ៧, ២៩៩ម៉ែត្រគូប ក្តារឈើលេខ១ ដួងចែមចំនួន២១០សន្លឹក ស្មើ៣, ៧៥៩ ម៉ែត្រគូប ឈើលេខ១ កកោះ ចំនួន១៤៥ដុំ ស្មើ១,៤៩៧ ម៉ែត្រគូប ។
វត្ថុតាងខាងលើ បាននាំយកមករក្សាទុក ជាបណ្តោះអាសន្ន នៅស្ថានីយបណ្តុះកូនឈើខ្សារ នៃផ្នែករដ្ឋបាលព្រៃឈើ ក្រចេះ ដើម្បីអនុវត្តនិតិវិធី តាមច្បាប់ស្តីពីព្រៃឈើ ។ គួរបញ្ជាក់ថា ការរឹបអូសឈើចម្រុះខាងលើ គឺនៅយប់រំលងអធ្រាត្រឈានចូលថ្ងៃទី២៧ កក្កដា ២០២៣ មានរថយន្តសាំងយ៉ុង ចំនួន២គ្រឿងដឹកឈើបង្កប់គ្រឿងសង្ហារឹមគោលដៅចេញពីខេត្តស្ទឹងត្រែង ឆ្ពោះទៅភ្នំពេញក្រោយឆ្លងកាត់ដែនដីខេត្តក្រចេះ ក៏ត្រូវសមត្ថកិច្ចប្រដេញឃាត់ត្រួតពិនិត្យ តែរថយន្តទាំង២គ្រឿងនោះពុំបានឈប់ឡើយព្រមទាំងបើកបំបុក និងកៀរថយន្តមន្ត្រីយោធាសឹករងខេត្តម្នាក់បណ្តាលអោយធ្លាក់ផ្លូវ និងរងរបួសជាទម្ងន់ក្រោយកើតហេតុក្រុមរថយន្តទាំង២គ្រឿងនោះ បានបើករត់គេចខ្លួនទៅជ្រកនៅក្នុងបរិវេណស្ថានីយប្រេងឥន្ធនៈតេលាចំណុចស្ពានតេ ។
ដោយមានការរារាំងនិងជួយលាក់កំបាំងពីម្ចាស់ស្ថានីយប្រេងនៅព្រឹកថ្ងៃទី២៧កក្តដា២០២៣កម្លាំងចម្រុះក្រោមការដឹកនាំសម្របសម្រួលពីព្រះរាជអាជ្ញារងអមសាលាដំបូង លោក រ៉ា បូរា៉ន់ឌី បានសម្រេចធ្វើការឆែកឆេរទីតាំងស្ថានីយប្រេងឥន្ទនៈនោះក៏ប្រទះឃើញរថយន្តដឹកឈើចំនួន២គ្រឿងដឹកឈើបង្កគ្រោះថ្នាក់ចរាចរណ៍ដល់មន្ត្រីយោធានោះដែរ។
ក្រោយការប្រទះឃើញរថយន្តល្មើសរួមទាំងវត្ថុតាងបទល្មើសព្រៃឈើផងនោះ ព្រះរាជអាជ្ញារងក៏បានបញ្ជាអោយរឹបអូសរថយន្ត និងវត្ថុតាងយកទៅរក្សាទុក នៅស្ថានីយបណ្ដុះកូនឈើខ្សារ ដើម្បីចាត់ការតាមច្បាប់ ស្ដីពីរដ្ឋបាលព្រៃឈើ៕
ចែករំលែកព័តមាននេះ