ឆេះភោជនីយដ្ឋានធំមួយកន្លែង ផ្អើលក្រុងបានលុង ខេត្តរតនគិរី
- រតនគិរី
ខេត្តរតនគិរី ៖ ភោជនីយដ្ឋានមួយកន្លែងយីហោពន្លឺថ្មី.ជាទីតាំងសម្រាប់ទទួលភ្ញៀវពិសាភោជនាហារ
ខេត្តរតនគិរី ៖ ភោជនីយដ្ឋានមួយកន្លែងយីហោពន្លឺថ្មី.ជាទីតាំងសម្រាប់ទទួលភ្ញៀវពិសាភោជនាហារក្នុងពិធីរៀបអាពាហ៍ពិពាហ៍ ត្រូវបានអគ្គិភ័យលេបត្របាក់ស្ទើរអស់ទាំងស្រុង សង្ស័យបណ្តាលមកពីភ្លើងចង្ក្រានហ្គាសដែលភ្លេចបិទ។
ហេតុការណ៍ខាងលើនេះបានកើតឡើងកាលពីវេលាម៉ោងប្រហែល១២យប់រំលងអធ្រាត្រឈានចូលថ្ងៃទី២៨ ខែកក្កដា ឆ្នាំ២០២៣ នៅចំណុចភោជនីយដ្ឋានពន្លឺថ្មី ស្ថិតក្នុងភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី ។
តាមប្រភពបឋមថាការឆាបឆេះនោះបណ្តាលមកពីភ្លើងចង្ក្រានហ្គាសដែលភ្លេចបិទ និងបង្ករឲ្យមានអណ្តាតភ្លើងឆាបឆេះស្ទើរអស់ទាំងស្រុងប្រមាណជា៨០% នៅសល់តែផ្នែកខាងមុខ នៅខាងក្នុង និងផ្នែកខាងលើរហូតមកដល់ព្រឹកនេះនៅបន្តឆេះនៅឡើយ ដោយសារមានគំនរឈើចាស់ៗជាច្រើន។
ក្នុងហេតុការណ៍ខាងលើនោះមានកម្លាំងជំនាញកំពុងជួយអន្តរាគមន៍មានរថយន្តជាច្រើនគ្រឿងផងដែរជួយបាញ់ទឹកពន្លត់ភ្លើងដែលនៅសេសសល់បន្តឆេះនោះ។
សមត្ថកិច្ចកំពុងចុះត្រួតពិនិត្យការខូចខាត និងស្រង់តួលេខឲ្យពិតប្រាកដមិនទាន់ដឹងនៅឡើយ ។
ក្នុងហេតុការណ៍ខាងលើនោះពុំបណ្តាលឲ្យមានគ្រោះថ្នាក់ដល់ជីវិតមនុស្សឡើយ ៕
ចែករំលែកព័តមាននេះ