ដោយមានការសម្របសម្រួលនីតិវិធីពីលោក ពេញ ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តព្រះសីហនុ លោក សរ កក្កដា អភិបាលក្រុងព្រះសីហនុ បានដឹកនាំកម្លាំងគណៈបញ្ជាការឯកភាពរដ្ឋបាលក្រុងព្រះសីហនុ
ខេត្តព្រះសីហនុ ៖ ដោយមានការសម្របសម្រួលនីតិវិធីពីលោក ពេញ ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តព្រះសីហនុ លោក សរ កក្កដា អភិបាលក្រុងព្រះសីហនុ បានដឹកនាំកម្លាំងគណៈបញ្ជាការឯកភាពរដ្ឋបាលក្រុងព្រះសីហនុ នៅព្រឹកថ្ងៃទី២៦ ខែកក្កដា ឆ្នាំ២០២៣ ធ្វើការកម្ទេចចោលទូហ្គេមអេឡិចត្រូនិកពុំមានច្បាប់អនុញ្ញាត ដែលបង្ក្រាបបានកន្លងមកក្នុងអំឡុងពីខែមករា ដល់ខែឧសភា ឆ្នាំ២០២៣ ក្នុងក្រុងព្រះសីហនុចំនួន១៥ទីតាំង ក្នុងនោះមានទូហ្គេមអេឡិចត្រូនិកសរុបទាំងអស់ចំនួន៤៦គ្រឿង ។
លោក សរ កក្កដា អភិបាលក្រុងបានលើកឡើងថា ចំពោះទីតាំងទូហ្គេមអេឡិចត្រូនិចអត់ច្បាប់ ដែលលបលួចបើកនៅក្នុងក្រុងព្រះសីហនុកន្លងមក អាជ្ញាធរបានបង្ក្រាប និងធ្វើការកម្ទេចម្ដងមកហើយ ។ ម្ដងនេះទៀត ត្រូវកម្ទេចចោលជាលើកទី២ ក្នុងរយៈពេល៨ខែកន្លងមកនេះ ។
លោកអភិបាលក្រុងព្រះសីហនុបានបញ្ជាក់បន្ថែមថា ចំពោះទីតាំងល្បែងអត់ច្បាប់នៅក្នុងក្រុងព្រះសីហនុ អាជ្ញាធរនឹងធ្វើការបង្ក្រាបជាបន្តបន្ទាប់ មិនអនុញ្ញាតឲ្យមានការបើក ដោយគ្មានច្បាប់អនុញ្ញាតនោះឡើយ ៕
ចែករំលែកព័តមាននេះ