ADផ្ទាំងផ្សព្វផ្សាយពាណិជ្ជកម្ម

Picture

ស្លុ.ត​ចិត្ត​ពេល​ដឹង​ប្រវត្តិ​ពិត​អង្គ​រក្ស​ជំនិត​លោក​ភីថា​ដែល​ធ្លាប់​ជា​ជន​អន្ធ​ពា.ល​ជាប់​គុ.ក​៦​ឆ្នាំ

6 ខែ មុន

សម្រេច​បញ្ឈរ​ជើង​អង្គ​រក្ស​ម្នាក់​របស់​​​​លោក​ភីថា​ ដែល​ជា​ប្រធាន​គណ​បក្ស​ឆ្ពោះ​ទៅ​មុខ​ និង​ជា​បេក្ខ​ជន​នាយក​រដ្ឋ​មន្ត្រី​ថៃ​​​ បន្ទាប់​ពី​អ្នក​លេង​បណ្ដាញ​សង្គម​ស្រាវ​ជ្រាវ​ឃើញ​ថា​បុរស​រូប​នោះ​​មាន​ប្រវត្តិ​ជា​ឧក្រិដ្ឋ​ជន​។ គាត់​ត្រូវ​តុលាការ​ផ្ដន្ទា​ទោស​ដាក់​ពន្ធ​នា​គារ​កាល​ពី​ឆ្នាំ​២០១១​ពី​បទ​​ជំរិត​មនុស្ស​ដើម្បី​​គាប​យក​លុយ​ និង​របស់​មាន​តម្លៃ​​។​ បុរស​ជា​អង្គ​រក្ស​រូប​នោះ​ឈ្មោះ​ស៊ីសុរិយេន​ ​សិក្ខ​មន្ត​ភក្ដី​ (Sisuriyen Sikamonpakdee)។…

សម្រេច​បញ្ឈរ​ជើង​អង្គ​រក្ស​ម្នាក់​របស់​​​​លោក​ភីថា​ ដែល​ជា​ប្រធាន​គណ​បក្ស​ឆ្ពោះ​ទៅ​មុខ​ និង​ជា​បេក្ខ​ជន​នាយក​រដ្ឋ​មន្ត្រី​ថៃ​​​ បន្ទាប់​ពី​អ្នក​លេង​បណ្ដាញ​សង្គម​ស្រាវ​ជ្រាវ​ឃើញ​ថា​បុរស​រូប​នោះ​​មាន​ប្រវត្តិ​ជា​ឧក្រិដ្ឋ​ជន​។ គាត់​ត្រូវ​តុលាការ​ផ្ដន្ទា​ទោស​ដាក់​ពន្ធ​នា​គារ​កាល​ពី​ឆ្នាំ​២០១១​ពី​បទ​​ជំរិត​មនុស្ស​ដើម្បី​​គាប​យក​លុយ​ និង​របស់​មាន​តម្លៃ​​។​ បុរស​ជា​អង្គ​រក្ស​រូប​នោះ​ឈ្មោះ​ស៊ីសុរិយេន​ ​សិក្ខ​មន្ត​ភក្ដី​ (Sisuriyen Sikamonpakdee)។ បុរស​រូប​នេះ​​​ផ្ទុះ​ការ​ចាប់​អារម្មណ៍​នៅ​លើ​បណ្ដាញ​សង្គម​​ដោយ​សារ​គាត់​​​​ជា​មនុស្ស​មោះ​មុត​ ​និង​ហ៊ានស្ម័គ្រ​ស្លាប់​ដើម្បី​ការ​ពារ​សុវត្ថិ​ភាព​ជូន​ចៅ​ហ្វាយ​របស់​ខ្លួន​ ​ទោះ​បី​ទៅ​ដល់​ទី​ណា​ក៏​ដោយ​។​

លោក​ភីថា ត្រូវ​បាន​ហ៊ុម​ព័ទ្ធ​ដោយ​កង​អង្គ​រក្ស​ដែល​ស្ម័គ្រ​ស្លាប់​ដើម្បី​ការ​ពារ​សុវត្ថិភាព​ជូន​លោក​

ប៉ុន្តែ​អ្នក​លេង​បណ្ដាញ​សង្គម​ភ្ញាក់​ផ្អើល​យ៉ាង​ខ្លាំង​នៅ​ពេល​ដឹងថា​​​បុរស​​ទ្រូង​ពាស​ដែក​រូប​នេះ​​​ តាម​ពិត​​ គាត់​មាន​ប្រវត្តិ​ជា​ជន​ពាល​​។​ គេ​ស្រាវ​ជ្រាវ​ប្រវត្តិ​របស់​គាត់​ដឹង​ថា​គាត់​ជាប់​ពាក់​ព័ន្ធ​នឹង​​ការ​​ចាប់​ជំរិត​១​​ករណី​កាល​ពី​១២​ឆ្នាំ​មុន​។ ឥឡូវ​នេះ​ បុរស​អង្គ​​រក្ស​ឈ្មោះ​ស៊ីសុរិយេន​កំពុង​តែ​ពិបាក​នៅ​ក្នុង​ចិត្ត​មិន​ស្ទើរ​ទេ​។​ ​​គាត់​​ត្រូវ​​​​ចេញ​មុខ​បក​ស្រាយ​​ការ​ពិត​ជូន​សាធារណ​ជន​។

បុរស​ស្លៀក​ពាក់​ឈុត​អង្គ​រក្ស​នៅ​ខាង​ឆ្វេង​ដៃ​លោក​ភីថា (បើ​មើល​ក្នុង​រូប​នៅ​ខាង​ស្ដាំ​ដៃ) ជា​បុរស​ឈ្មោះ​ស៊ីសុរិយេន​ ​សិក្ខ​មន្ត​ភក្ដី​ (Sisuriyen Sikamonpakdee)

​គាត់​គ្មាន​ជាប់​ជំពាក់​នឹង​បញ្ហា​ផ្លូវ​ច្បាប់​ត​ទៅ​ទៀត​ទេ​ ព្រោះ​គាត់​បាន​អនុវត្ត​ទោស​ចប់​សព្វ​គ្រប់​អស់​ហើយ​។​ ប៉ុន្តែ​​​បើ​គាត់​ឆ្លើយ​បំភ្លឺ​​​ប្រវត្តិ​ពិត​ដូច​ការ​​និយាយ​ត​គ្នា​​ គាត់​ម្នាក់​ឯង​មិន​ថ្វី​ទេ ​អ្នក​ដែល​រង​ផល​ប៉ះពាល់​ខ្លាំង​គឺ​​​ប្រធាន​គណបក្ស​ឆ្ពោះ​ទៅ​មុខ​ លោក​ភីថា​​។ ​​​អនុ​ប្រធាន​គណ​បក្ស​ឆ្ពោះ​ទៅ​មុខ​ទទួល​ស្គាល់​ថា​អង្គ​រក្ស​រូប​នេះ​ពិត​ជា​ជន​សង្ស័យ​ដែល​ចូល​រួម​ជា​មួយ​​មនុស្ស​២​នាក់​ទៀត​នៅ​ក្នុង​អំពើ​ចាប់​ជំរិត​​​​​។ កាល​នោះ, គាត់​​​ស្លៀក​ពាក់​បន្លំ​ខ្លួន​ជា​សមត្ថកិច្ច​ ហើយ​​ជំរិត​ម្ចាស់​ហាង​លក់​ចាប់​ភួយ​នៅ​ក្នុង​មូល​ដ្ឋាន​។

​បុរស​ឈ្មោះ​ស៊ីសុរិយេន​ ​សិក្ខ​មន្ត​ភក្ដី​ (Sisuriyen Sikamonpakdee) រូប​ខាង​ឆ្វេង​​​លោក​ភីថា

​គាត់​ និង​បក្ស​ពួក​បាន​វាយ​ដំ​ច្រំ​ធាក់​ទៅ​លើ​ជន​រង​គ្រោះ​ និង​​ដោះ​យក​គ្រឿង​អលង្ការ​ជា​មាស​តម្លៃ​​​៦​ម៉ឺន​បាត​ និង​​លុយ​​​ជាង​២​សែន​បាត​។ ​អនុ​ប្រធាន​គណបក្ស​ឆ្ពោះ​ទៅ​មុខ​ ដែល​ជា​ឧត្ដម​សេនីយ​​​​នគរ​បាល​​ផង​ដែរ​នោះ​ ប្រាប់​ថា​គាត់​នេះ​ហើយ​ជា​អ្នក​ស្រាវ​ជ្រាវ​រក​មុខ​ជន​សង្ស័យ​ដែល​ជា​អង្គ​រក្ស​របស់​លោក​ភីថា​ ហើយ​ចាប់​ខ្លួន​គាត់​នៅ​ក្នុង​ពេល​នោះ​។​ តុលាការ​បាន​ផ្ដន្ទា​ទោស​គាត់​ឱ្យ​ជាប់​ពន្ធ​នាគារ​១២​ឆ្នាំ​។ អនុ​វត្ត​ទោស​បាន​៦​ឆ្នាំ,​ គាត់​ត្រូវ​បាន​ដោះ​លែង​មក​វិញ​កាល​ពី​ឆ្នាំ​២០១៧​។

​ក្រោយមក​ គាត់​ដូរ​ឈ្មោះ​ ដូរ​ត្រកូល​​ ជា​ច្រើន​លើក​ ច្រើន​សា ដើម្បី​កុំ​ឱ្យ​គេ​ស្គាល់​ប្រវត្តិ​របស់​គាត់​។​ ឆ្នាំ​២០១៩, គាត់​ចាប់​អាជីព​ជា​​​ភ្នាក់​ងារ​សន្តិសុខ​។ ​​លោក​ភីថា​មិន​បាន​ដឹង​ទេ​​ថា​អង្គ​រក្ស​ជំនិត​របស់​គាត់​​មាន​ប្រវត្តិ​ជា​ជន​ពាល​​​ ព្រោះ​អ្នក​ដែល​ជ្រើស​​រើស​បុគ្គល​រូប​នេះ​មក​​ការ​ពារ​សន្តិសុខ​ជូន​លោក​ភីថា​​​គឺ​​ក្រុម​ហ៊ុន​​​ឯក​ជន,​ មិន​មែន​លោក​ភីថា​ជា​អ្នក​រើស​ទេ​។​

​​អនុ​ប្រធាន​គណបក្ស​ឆ្ពោះ​ទៅ​មុខ​​ទទួល​ស្គាល់ថា​​នៅ​ពេល​រឿង​រ៉ាវ​អាថ៌​កំបាំង​នេះ​ត្រូវ​បាន​លាត​ត្រដាង វា​អាច​នឹង​ប៉ះ​ពាល់​​ខ្លាំង​ចំពោះ​មុខ​មាត់​របស់​លោក​ភីថា​ដោយ​ជៀស​មិន​រួច​​ទេ​។​ ប៉ុន្តែ​ជា​គោល​ជំហរ​របស់​មន្ត្រី​បក្ស​ឆ្ពោះ​ទៅ​មុខ,​ ពួក​គេ​យល់​ថា​មនុស្ស​យើង​គួរ​ណាស់​មាន​ឱកាស​ដើម្បី​ក​សាង​ជីវិត​សា​ជា​ថ្មី​ ទោះ​បី​ពួក​គេ​មាន​ប្រវត្តិ​ជា​ជន​ពាល​ក៏​ដោយ​។​

​អនុ​ប្រធាន​បក្ស​រូប​នេះ​សង្កត់​ធ្ងន់​ថា​គណបក្ស​ឆ្ពោះ​ទៅ​មុខ​មាន​គោល​នយោបាយ​ជា​សសរ​ស្ដម្ភ​របស់​ខ្លួន១​ គឺ​​​​​​ការ​ឱ្យ​តម្លៃ​មនុស្ស​ស្មើ​ៗ​គ្នា​ទាំង​អស់​។ លោក​ថ្លែង​ថា​ការ​បញ្ឈរ​ជើង​អតីត​ជន​ពាល​រូប​នេះ​គ្រាន់​តែ​ដើម្បី​ជម្រះ​រាល់​ការ​ចោទ​ប្រកាន់​ ឬ​​ការ​សង្ស័យ​​។ ចំពោះ​ការ​​សម្រេច​​​យក​បុគ្គល​រូប​នេះ​ធ្វើ​ជា​អង្គ​រក្ស​ជា​បន្ត​ទៀត​ ឬ​យ៉ាង​ណា​​ជា​សិទ្ធិ​ស្វ័យ​សម្រេច​របស់​លោក​ភីថា​៕​

ប្រភព៖ The Thaiger
https://thethaiger.com/news/national/bodyguard-of-mfp-leader-pita-hits-a-snag-criminal-past-uncovered

អត្ថបទសរសេរ ដោយ

កែសម្រួលដោយ