ប្រទេសចំនួន១៣ចូលរួមក្នុងសមយុទ្ធយោធាធំនៅអូស្ត្រាលី
ប្រទេសអូស្ត្រាលី់ ៖ សមយុទ្ធយោធាដ៏ធំចូលរួមដោយទាហានជាង៣០.០០០នាក់ មកពីប្រទេស១៣ក្នុង
ប្រទេសអូស្ត្រាលី់ ៖ សមយុទ្ធយោធាដ៏ធំចូលរួមដោយទាហានជាង៣០.០០០នាក់ មកពីប្រទេស១៣ក្នុងនោះមានអាមេរិក អូស្ត្រាលី និងបារាំងជាដើម ចាប់ផ្ដើម២ថ្ងៃមកហើយក្នុងដែនដីអូស្ត្រាលី ។
សមយុទ្ធនេះមានឈ្មោះថា TALISMAN SABRE ជាការបង្ហាញសាច់ដុំនិងសមត្ថភាពធ្វើអន្តរាគមន៍រួមគ្នា លើទីលានប្រតិបត្តិការតែមួយជាមួយគ្នា ។ នាវាស៊ើបការណ៍ចិនមួយគ្រឿងត្រូវបានប្រទះឃើញក្នុងលំហសមុទ្រតាំងពីចាប់ផ្ដើមសមយុទ្ធនេះមកម៉្លេះ ។ ក្នុងសមយុទ្ធមានទាហានចូលរួមដល់៣០.០០០នាក់មកពីប្រទេស១៣នោះ គេឃើញជាលើកដំបូងកងទ័ពជប៉ុន បាញ់គ្រាប់មីស៊ីលប្រឆាំងនាវាពិត ក្នុងដែនទឹកនៃឆ្នេរសមុទ្រខាងកើតអូស្ត្រាលី ។
សហរដ្ឋអាមេរិកបានចាត់ទុកតំបន់អាស៊ី ប៉ាស៊ីហ្វិក ជាចំណុចសំខាន់នៃយុទ្ធសាស្ត្រពិភពលោកថ្មីរបស់ខ្លួន ប្រឈមមុខនឹងឥទ្ធិពលកាន់តែខ្លាំងរបស់ចិន ។ សហរដ្ឋអាមេរិកនិងអូស្ត្រាលីព្រមទាំងអង់គ្លេសបានចុះហត្ថលេខាលើការបង្កើតសម្ព័ន្ធភាពយុទ្ធសាស្ត្រមួយ មានឈ្មោះថាAUKUS ដែលអាចឲ្យអូស្ត្រាលីទទួលបានបណ្ដានាវាមុជទឹកនុយក្លេអ៊ែរក្នុងការប្រឈមមុខជាមួយចិន ។
សមយុទ្ធយោធារួមនេះប្រព្រឹត្តទៅរហូតដល់ថ្ងៃទី៤ សីហា ជាមួយការដាក់ទ័ពនៅលើដី ការហ្វឹក
ហ្វឺនលើអាកាសលើដីនិងក្នុងសមុទ្រ ។ សមយុទ្ធនោះមួយផ្នែកធំធ្វើនៅរដ្ឋ QUEENSLAND ភាគឦសានអូស្ត្រាលី ដែលក្រុងកង់បេរ៉ាចង់បង្កើនវត្តមានយោធានៅទីនោះ ៕
ចែករំលែកព័តមាននេះ