ដុ.តគម្ពីរកូរអាន! ស្ថានទូតស៊ុយអែតប្រចាំអ៊ីរ៉ាក់ត្រូវបាតុករដុ.ត
ប្រទេសអ៊ីរ៉ាក់ ៖ ទំនាក់ទំនងការទូតពិតជាឈឺចាប់ ដោយស្ថានទូតស៊ុយអែតប្រចាំក្រុងបាក់ដាដ
ប្រទេសអ៊ីរ៉ាក់ ៖ ទំនាក់ទំនងការទូតពិតជាឈឺចាប់ ដោយស្ថានទូតស៊ុយអែតប្រចាំក្រុងបាក់ដាដ ត្រូវពួកបាតុករនាំគ្នាដុត កាលពីថ្ងៃទី២០ កក្កដា មុនពេលព្រឹកព្រលឹមក្នុងបាតុកម្មមួយដែល
រៀបចំធ្វើដោយពួកអ្នកគាំទ្រមេដឹកនាំសាសនាអ៊ិស្លាមនីកាយស៊ីស៊ីត លោកម៉ុកតាដាសាដ្រ៍។ នេះជាសេចក្ដីរាយការណ៍របស់ទីភ្នាក់ងារព័ត៌មានបារាំង AFP ។
រឿងនោះកើតមានមុនព្រឹត្តិការណ៍ថ្មីមួយនៅស៊ុយអែត ដែលគម្ពីកូរអានមួយគ្រោងដុតចោល។
កងកម្លាំងប៉ូលិសអ៊ីរ៉ាក់បានប្រើកាណុងបាញ់ទឹកបំបែកពួកបាតុករ ។ កងកម្លាំងសន្តិសខក៏ដេញពួកបាតុករដែរជាមួយដំបងឆក់ ដើម្បីឲ្យពួកគេចាកចេញពីស្ថានទូតនោះនិងឲ្យបំបែកជួរ ។ ពួកបាតុករបានតបតវិញជាមួយការគប់ដុំថ្ម ។ ការវាយប្រហារស្ថានទូតស៊ុយអែតនេះកើតមានពេល
ដែលប៉ូលិសស៊ុយអែតអនុញ្ញាតឲ្យមានការប្រមូលផ្ដុំមនុស្សមួយក្រុមធ្វើបាតុកម្មនៅមុខស្ថាន
ទូតអ៊ីរ៉ាក់ប្រចាំក្រុងស្តុកខូល ។ នៅទីនោះពួកអ្នករៀបចំបាតុកម្មនេះគ្រោងដុតគម្ពីរកូរអានមួយច្បាប់ព្រមទាំងទង់ជាតិអ៊ីរ៉ាក់ ។
ក្រោយការដុតស្ថានទូតក្រសួងការបរទេសស៊ុយអែតគូសបញ្ជាក់នាថ្ងៃទី២០ កក្កដាថា បុគ្គលិកស្ថានទូតស៊ុយអែតទាំងអស់មានសន្តិសុខ ។
យើងកំពុងតាមដានសភាពការណ៍ និងដឹងថាបុគ្គលិកស្ថានទូតយើងទាំងអស់មានសន្តិសុខ ៕
ចែករំលែកព័តមាននេះ