កូរ៉េខាងជើងបា.ញ់មីស៊ីល២គ្រាប់ និងចាប់ទាហានអាមេរិកម្នាក់
ប្រទេសកូរ៉េខាងជើង ៖ ទីភ្នាក់ងារព័ត៌មានកូរ៉េខាងត្បូង YONHAP រាយការណ៍់នាថ្ងៃទី១៩
ប្រទេសកូរ៉េខាងជើង ៖ ទីភ្នាក់ងារព័ត៌មានកូរ៉េខាងត្បូង YONHAP រាយការណ៍់នាថ្ងៃទី១៩
កក្កដា ថា កូរ៉េខាងជើងបានបា.ញ់មីស៊ីលបាលីស្ទិករយៈខ្លី២គ្រាប់ទៅកាន់សមុទ្រជប៉ុនប៉ុន្មាន
ម៉ោងបន្ទាប់ពីនាវាមុជទឹកនុយក្លេអ៊ែរអាមេរិក១គ្រឿង មកដល់កូរ៉េខាងត្បូងជាលើកដំបូងចាប់តាំងពីឆ្នាំ១៩៨១មក ។
ការបាញ់មីស៊ីលទាំងនេះត្រូវបានរាយការណ៍ដោយអគ្កសេនាធិការដ្ឋានកងទ័ពកូរ៉េខាងត្បូង ដែលបញ្ជាក់ថា មីស៊ីលទាំង២គ្រាប់ត្រូវបានបាញ់ចេញនាព្រឹកថ្ងៃទី១៩ កក្កដា ពីតំបន់ស៊ូណាន ក្រុងព្យុងយ៉ាង ហើយហោះហើរក្នុងចម្ងាយប្រមាណជា៥៥០គីឡូម៉ែត្រ មុនពេលធ្លាក់ក្នុងសមុទ្រខាងកើតហៅសមុទ្រជប៉ុនផងដែរ ។ អគ្គសេនាធិការដ្ឋានកងទ័ពកូរ៉េខាងត្បូង បានថោ្កលទោសការបាញ់មីស៊ីលទាំងនេះ ដោយចាត់ទុកថា ជាអំពើបង្កហេតុដ៏សំខាន់ និងជាការរំលោភបំពានជាក់ស្ដែង លើបណ្ដាដំណោះស្រាយរបស់ក្រុមប្រឹក្សាសន្តិសុខ អ.ស.ប ។
ក្រសួងការពារប្រទេសជប៉ុនក៏លើកពីការបាញ់មីស៊ីលទាំង២គ្រាប់នោះដែរ ដោយថ្លែងថា យើងវិភាគឲ្យបានលម្អិត តែយើងវាយតម្លៃថា មីស៊ីលបានធ្លាក់ខាងក្រៅតំបន់សេដ្ឋកិច្ចដាច់មុខជប៉ុនខាងលិចឧបទ្វីបកូរ៉េ ។
ការបា.ញ់មីស៊ីលទាំងនេះរបស់កូរ៉េខាងជើងធ្វើឡើង ពេលដែលក្រុងវ៉ាស៊ីនតោនអះអាងនាថ្ងៃ
ទី១៨ កក្កដា ថា ទាហានអាមេរិកម្នាក់ប្រហែលជាត្រូវកងទាហានកូរ៉េខាងជើងចាប់ក្រោយពីរូបគេឆ្លងកាត់ព្រំដែន ដែលមានកិច្ចការពារត្រួតពិនិត្យតឹងតែងបំផុត ក្នុងឱកាសរូបគេទៅទស្សនាព្រំដែនបែងចែករវាងកូរ៉េទាំង២ ។ អ្នកនាំពាក្យម្នាក់របស់កងទ័ពអាមេរិកនៅកូរ៉េខាងត្បូងថ្លែងថា
ទាហានរូបនេះបានស្ម័គ្រចិត្តដោយគ្មានការអនុញ្ញាតឆ្លងកាត់ខ្សែបន្ទាត់ព្រំដែន ។
តាមព័ត៌មាននានារបស់ទូរទស្សន៍ CBS ដែលដកស្រង់សម្ដីបណ្ដាមន្ត្រីអាមេរិកថា ទាហានរូបនេះ ដែលត្រូវបញ្ជូនខ្លួនមកកាន់សហរដ្ឋអាមេរិកវិញ ដោយសារហេតុផលខាងវិន័យយោធាអាចរត់ចេញពីព្រលានយន្តហោះទៅចូលរួមក្នុងក្រុមអ្នកទៅទស្សនាព្រំដែន ។ ពេលនោះរូបគេស្ថិតនៅ
តំបន់សន្តិសុខរួម ហើយបន្ទាប់មកក៏រត់ឆ្លងកាត់ព្រំដែនចូលកូរ៉េខាងជើង ៕
ចែករំលែកព័តមាននេះ